Member ၀င်ဖို့ ဖိတ်ခေါ်ပါတယ်ဗျာ...!!!

Thursday, January 26, 2012

“ရမ်နစ်” ဗိုင်းရပ်စ်ကြောင့် Facebook ပါ့စ်ဝါ့ဒ် အမြောက်အမြား အခိုးခံရ



Photo
ပုံစံသစ်ရမ်နစ် ကွန်ပျူတာ ဗိုင်းရပ်စ်သည် Facebook ပါ့စ်ဝါ့ဒ်များကို ထောင်နှင့်သောင်းနှင့် ချီ၍ ခိုးယူခဲ့ကြောင်း သိရသည်။  များသောအားဖြင့် ဗြိတိန်နှင့် ပြင်သစ်နိုင်ငံတို့မှ အသုံးပြုသူများ၏ ပါ့စ်ဝါ့ဒ်များ အခိုးခံရကြောင်း သုတေသီများက ဆိုကြသည်။ ယင်းကွန်ပျူတာ ဗိုင်းရပ်စ် သဘောဆောင်သည့် ထိန်းချုပ် စေခိုင်း၍ ရသော ကွန်ပျူတာ ပရိုဂရမ်တစ်ခု အင်တာနက်ထဲတွင် ပေါ်ပေါက်နေကြောင်းကို ၂၀၁၀ ဧပြီလ ကတည်းက သိရှိခဲ့ခြင်း ဖြစ်သော်လည်း မျိုးကွဲများ ထပ်ဆင့် ပေါ်ပေါက်လာသဖြင့် နှိမ်နင်းရေးသမားများ အခက်တွေ့ နေကြရသည်။ ကမ္ဘာတစ်ဝန်းရှိ ကွန်ပျူတာများတွင် လောလောဆယ် ကူးစက်ခံနေရသမျှ မသမာသော ကွန်ပျူတာ ပရိုဂရမ် အားလုံး၏ ၁၇ ဒသမ ၃ ရာခိုင်နှုန်းမျှပင် ရှိနေသည်။ ၂၀၁၁ ခုနှစ် နောက်ဆုံးသုံးလ အတွင်းတွင် ကွန်ပျူတာရှစ်သိန်း အထိ ကူးစက်ခံရပြီး ဖြစ်ကြောင်း သုတေသီတို့က ဆိုကြသည်။ အဆိုပါ ဗိုင်းရပ်စ်အား ထိန်းချုပ် ကြိုးကိုင်နေသူတို့ ရှိကြပြီး ခိုးယူသမျှ ပါ့စ်ဝါ့ဒ်များနှင့် အီးမေးလ်လိပ်စာများကို ဗိုင်းရပ်စ်က ထိုသူတို့ထံသို့ အစဉ်ပင် ပေးပို့လျက် ရှိကြသည်။ ထို့ကြောင့် ပေးပို့သော အီးမေးလ်များ၊ မိမိမသိသော ဝက်ဘ်ဆိုက်များ၊ မိမိအား မိတ်ဆွေပြုရန် ဆိုလာသူများအား သေချာစွာ စိစစ်သင့်ကြောင်း ကျွမ်းကျင်သူတို့က ဆိုကြသည်။    
 
  

PN-002,
Ref:THN

သင်ရဲ့ ညစ်ပေနေတဲ့ hardware တွေကို သန့်ရှင်းရေးလုပ်မယ်



Photo
စီးကပ်ညစ်ပတ်နေတဲ့ mouse နဲ့ ခနော်ခနဲ့ keyboard တွေက သင့် PC ရဲ့ စွမ်းဆောင်ရည်တွေကို ကျစေပါတယ်။  ဒါတွေကတော့ သင်ညစ်ပတ်နေတဲ့ hardware တွေ သန့်ရှင်းဖို့ နည်းလမ်းတွေ ဖြစ်ပါတယ်။

သန့်ရှင်းတဲ့ Monitor screen တွေ ရစေဖို့

Monitor တွေကို သန့်ရှင်းရေးလုပ်ဖို့ နည်းတွေအများကြီး ရှိပါတယ်။ သန့်ရှင်းရေးလုပ်ဖို့အတွက် monitor ကို အရင်ပိတ်ပါ။

စိုထိုင်းထိုင်း အဝတ်ပျော့တစ်ခုကိုယူပြီး screen ကို သုတ်ပါ။ screen ပေါ်ရေချက်ချင်း မဖြန်းသေးဘဲ acetone အရက်ပြန်နဲ့ ammonia ပါတဲ့ ဘယ်သန့်ရှင်းဆီကိုမှလည်း မဖြန်းမိပါစေနဲ့။

screen ပေါ်ကို လက်သည်းတွေနဲ့လည်း မခြစ်မိအောင် သတိထားရမှာဖြစ်ပြီး ထိမိရင် pixel တွေ ထိခိုက်တတ်ပါတယ်။

Keyboard သန့်ရှင်းရေး လုပ်မယ်

keyboard တစ်ခုဟာ toilet seat တစ်ခုထက် အဆ (၁၀၀) ပိုပြီး bacteria တွေ ခိုအောင်းနိုင်ပါတယ်။ လက်နဲ့ ထိရုံနဲ့တင် ရောဂါပိုးတွေ ကူးစက်နိုင်ပြီး သုံးစွဲသူတွေ ဘာထိတွေ့ရတဲ့ bacteria တွေ decompose ဖြစ် mini eco-system တွေက တစ်ဆင့် ဘက်တီးရီးယားတွေ ပေါက်ဖွားတာ ဖြစ်ပါတယ်။

keyboard ကို သန့်ရှင်းရေး လုပ်ဖို့ဆိုရင် keyboard ကို ဇောက်ထိုးလှုပ်ခါပြီး။ key တွေကို နှိပ်ကြည့်ပါ။ ဖုန်တွေကျလာတာ သင်တွေ့ရပါလိမ့်မယ်။ key တွေကြားထဲကို ဝါဂွမ်းချောင်းတွေကို သန့်ရှင်းရေးအဆီထဲ နှစ်ပြီးသားနဲ့ သန့်ရှင်းရေးလုပ်ပါ။ အပေါ်ဖက်တွေကိုတော့ ရေစိုအဝတ်နဲ့ ပွတ်ပေးပါ။ ဒါတောင်ချေးတွေကို ကြိုကြားကြိုကြား တွေ့နေရသေးရင် stick tape (သို့) စာရွက်ချွန်လေးတွေနဲ့ air spray ဘူးကို အသုံးပြုပြီး သန့်ရှင်းပါ။

Mouse ကို သန့်ရှင်းမယ်

ခုနောက်ပိုင်း mouse တွေဟာ optical တွေမို့ အရင်လို ရော်ဘောလုံးထည့် mouse တွေထက်တော့ ညစ်ပတ်တာ သက်သာပါတယ်။

ဒါပေမယ့် နာရီပေါင်းများစွာ အသုံးပြုပြီးရင်တော့ မျက်နှာပြင်တွေ စီးကပ်ကပ် ဖြစ်လာတတ်ပတယ်။ ဒါတွေက pointing နဲ့ clicking တွေကို အနှောင့်အယှက် ဖြစ်စေပါတယ်။

mouse ကို သန့်ရှင်းဖို့ကတော့ စိုထိုင်းထိုင်း အဝတ်စတစ်ခုပဲ လိုပါတယ်။ အောက်ဖက်က သိပ်နူးညံ့တဲ့ optical lens အတွက်ကတော့ cutton bud ကလေးတွေနဲ့ပဲ သန့်ရှင်းမှ ရပါလိမ့်မယ်။

သင်က rubble-ball mouse အဟောင်းသုံးသူဆိုရင်တော့ ဇောက်ထိုးလုပ် ဘောလုံးကို ဖယ်ပြီး အထဲကို သန့်ရှင်းရေး လုပ်ပါ။ Ball ကို ရေစို အဝတ်ပျော့လေးနဲ့ပဲ သန့်ရှင်းရေးလုပ်ပါ။

Printer ကို အရောင်တင်မယ်

သင် printer အပြင်က ဖုန်တွေ အတွက်တော့ စိုထိုင်းတဲ့ အဝတ်ငယ်နဲ့ပဲ သန့်ရှင်းလို့ ရပါတယ်။ အတွင်းပိုင်းကတော့ သန့်ရှင်းထားမယ် ဆိုရင် printing quality တွေ တိုးတက်လာနိုင်ပါတယ်။

Inkjet printer တွေက သင့်စက် control panel ကတဆင့် catridge တွေကို ရှင်းနိုင်ပြီး file တွေကို print ထုတ်တော့မယ်ဆိုရင် ပုံမှန်လိုပဲ File>Print ကို နှိပ်ပြီး Options button ကို နှိပ်ပါ။ ပြီးရင် head cleaning button ကို နှိပ်ပြီး၊ Nozzle check (သို့) clean print catridge ကို နှိပ်ပြီး instruction တွေ အတိုင်း လိုက်လုပ်ပါ။

ခိုင်လင်း (စက်မှုတက္ကသိုလ်)

မိုဘိုင်းဖုန်းနှင့် ကွန်ပျူတာတွင် မိမိရှာဖွေလိုသည့် လိပ်စာများ၊ လမ်းညွှန်များကို အလွယ်တကူ ရှာဖွေနိုင်သည့် ဆော့ဖ်ဝဲအခမဲ့ ရယူနိုင်



Photo
မိုဘိုင်းဖုန်းများနှင့် ကွန်ပျူတာများတွင် မိမိရှာဖွေလိုသည့် လိပ်စာများ၊ လမ်းညွှန်များကို အလွယ်တကူ ရှာဖွေနိုင် ဖော်ပြပေးနိုင်သည့် ဆော့ဖ်ဝဲကို  အခမဲ့ ထည့်သွင်းပေးလျက် ရှိကြောင်း ၎င်းဆော့ဖ်ဝဲ ထည့်သွင်းပေးသည့် Myanmar Explore မှ ၁၈-၁-၂၀၁၂ ရက်က သိရသည်။

“ဒီဆော့ဖ်ဝဲကို စတင်လုပ်ဆောင်တာက ၂၀၀၉ ကပါ။ တကယ်တမ်း သုံးဖို့ ချပေးခဲ့တာက ဒီနှစ်ဆန်းပိုင်းမှာပါ။ ဒီဆော့ဖ်ဝဲ လုပ်ရတဲ့ ရည်ရွယ်ချက်က သူများနိုင်ငံမှာလည်း စီးပွားရေးလမ်းညွှန်တွေ တော်တော်လေး ရှိတယ်လေ။ အဓိကကတော့ သွားချင်တဲ့ နေရာ၊ သိချင်တဲ့ လိပ်စာကို အလွယ်တကူ ရှာနိုင်အောင်ပါ။ ဒီဆော့ဖ်ဝဲမှာက သိချင်တဲ့ လိပ်စာ၊ ဒါမှမဟုတ် လမ်းရှာချင်ရင်လည်း Find Street ဆိုပြီး ရိုက်ထည့်လိုက်ရင် မြေပုံမှာ တစ်ခါတည်းပြတယ်။ အဲဒီကို ဘယ်လိုသွားရမယ်ဆိုတာလည်း ပြတယ်” ဟု Myanmar Explore မှ တာဝန်ရှိသူ တစ်ဦးက ပြောကြားသည်။
 
၎င်းဆော့ဖ်ဝဲကို Map++Digital လမ်းညွှန်ဟုခေါ်ပြီး Myanmar Explore ရုံးတွင် အခမဲ့ လာရောက်ယူနိုင်ကြောင်း၊ ထို့ပြင် အွန်လိုင်းတွင်လည်း www.myanmarexplore.com တွင် အသုံးပြုနိုင်ကြောင်း၊ မိုဘိုင်းဖုန်းတွင် ထည့်သွင်း အသုံးပြုရခြင်းမှာ သွားလေရာ ယူဆောင်၍ အသုံးပြုနိုင်ရန် ရည်ရွယ်ကြောင်း၊ စီးပွားရေး လုပ်ငန်းရှင်များကလည်း မိမိတို့၏ ရုံးခန်းလိပ်စာများကို www.myanmarexplore.com\website တွင် မှတ်ပုံတင်ပြီး add business address တွင် ဝင်ရောက်၍ ထည့်သွင်း ရေးသား ဖော်ပြနိုင်ကြောင်း သိရသည်။

နှင်းနုဝေ

ဒုတိယအကြိမ်မြောက် Barcamp Mandalay တွင် အကြောင်းအရာစုံ ပါဝင်ဆွေးနွေးကြမည်



MCIA (မန္တလေး) နှင့် MCPA (မန္တလေး) တို့ ပူးပေါင်း၍ ဒုတိယအကြိမ်မြောက် Barcamp Mandalay ကို လာမည့် ဖေဖော်ဝါရီ ၄ ရက်နှင့် ၅ ရက်နေ့များတွင် ရွှေဖြူပလာဇာ အပေါ်ထပ်ရှိ ၎င်းအသင်းများ၏ ခန်းမတွင် ကျင်းပသွားမည်ဖြစ်သည်။  "Barcamp ဆိုတာ ဆီမီနာလို ဟောပြောပွဲ မဟုတ်ပါဘူး။ ကိုယ်ပြောချင်နေတာတွေ၊ ကိုယ်သိချင်နေတာတွေကို အချိန်တိုတိုနဲ့ တစ်နေရာတည်းမှာ စုစုစည်းစည်း ပေးနိုင်ရနိုင်တာမို့ လာရောက်တဲ့ သူတွေအတွက် အင်မတန် အကျိုးရှိစေပါတယ်။ သင်ပုန်းပေါ်က အစီအစဉ် အတိုင်း သက်ဆိုင်ရာ အခန်းတွေမှာ မတူညီတဲ့ အကြောင်းအရာတွေကို တပြိုင်တည်း ဆွေးနွေးကျင်းပနေမှာ ဖြစ်ပါတယ်။ တက်ရောက်လာတဲ့ သူတွေအနေနဲ့ ကိုယ်စိတ်ဝင်စားတဲ့ အကြောင်းအရာကို သက်ဆိုင်ရာ အခန်းမှာ ဝင်ပြီးတော့ နားထောင် ဆွေးနွေးရုံပါပဲ” ဟု  Mandalay Barcamp ဖြစ်မြောက်ရေး အဖွဲ့ဝင် တစ်ဦးက ရှင်းပြသည်။    
 
လွတ်လပ်စွာ ဆွေးနွေးနိုင်ရန် အတွက် အခန်း ၈ ခန်း ဖန်တီးပေးထားမည်ဖြစ်ရာ ဆွေးနွေးသူ တစ်ဦးလျှင် အချိန်တစ်နာရီ ပေးထားပြီး နည်းပညာ လူမှုရေး၊ စီးပွားရေး၊ ကျန်းမာရေး၊ ပညာရေး၊ စီမံခန့်ခွဲရေး၊ သဘာဝပတ်ဝန်းကျင် စသည်ဖြင့် အကြောင်းအရာစုံ ပါဝင်မည် ဖြစ်သည်။ မန္တလေးမြို့၏ ပထမဦးဆုံး အကြိမ် Barcamp တွင် လူပေါင်း ၁၈၀ က ဆွေးနွေးခဲ့ရာ ယခုတစ်ကြိမ်တွင် နိုင်ငံခြား ပညာရှင်များလည်း လာရောက်မည် ဖြစ်ကြောင်း သိရသည်။                     
 
ခွန်စိုင်းအောင်

သေဆုံးပြီးနောက် နှုတ်ဆက် Message လွှင့်တင်နိုင်မည့် Facebook App လေးတစ်ခု




Photo
ကွယ်လွန်သေဆုံးသွားသူ တစ်ဦးက ၎င်း၏ Facebook ပေါ်တွင် နှုတ်ဆက်စကားကို လာရောက် ရေးသားမည် ဆိုပါက မြင်ရသူတိုင်း သရဲခြောက်သည်ဟု ထင်မြင်ကြမည်  ဖြစ်သည်။ သို့သော် ထိုကိစ္စသည် ယခုအခါ Facebook တွင် လွှင့်တင်ထားသည့် App တစ်ခုကြောင့် အမှန်တကယ် ဖြစ်လာတော့မည်ဟု သိရသည်။ လူတစ်ဦး မသေဆုံးမီ ၎င်းယုံကြည် စိတ်ချရကြောင်း ထောက်ခံထားသူ (၃) ဦးထံမှ အဆိုပါပုဂ္ဂိုလ် ကွယ်လွန်ကြောင်း အတည်ပြု ထောက်ခံပေးလျှင် Facebook ပေါ်၌ နောက်ဆုံး နှုတ်ဆက် Message ကို လွှင့်တင်ပေးမည် ဖြစ်သည်။

အဆိုပါ App ကို If I Die ဟု အမည်ပေးထားသည်။ ထို App သည် လူတစ်ဦး သေဆုံးပြီးပါက ကျန်ရစ်သူများအတွက် ပြောချင်သည့် Message ကို ချန်ထားပေးနိုင်မည် ဖြစ်သည်။ လူတစ်ဦး သေဆုံးသွားသည်နှင့် အဆိုပါ ချန်ရစ်ထားသော Message သည် အလိုလို Wall ပေါ် ရောက်လာမည် မဟုတ်ချေ။ သို့သော်လည်း ယုံကြည်စိတ်ချရသူ (၃) ဦးက ၎င်းသေဆုံးကြောင်း ထောက်ခံပေးပါကမူ App က အသက်ဝင် လှုပ်ရှားလာမည် ဖြစ်သည်။ ထိုအခါ သေသူချန်ထားသည့် စာသားကိုဖြစ်စေ၊ ဗီဒီယိုကိုဖြစ်စေ ကျန်ရစ်သူများ တွေ့မြင်နိုင်မည်ဖြစ်သည်။

အဆိုပါ App ကို ယခုအခါ Like လုပ်ထားသူ (၆,၀၀၀) ကျော်သွားပြီဟု သိရသည်။ Facebook က ကွယ်လွန်သွားသည့် အသုံးပြုသူများအတွက် အမှတ်တရ ဖြစ်စေမည့် ဝန်ဆောင်မှု တစ်ခု ပေးထားသော်လည်း ယခု App ကမူ သေသူကိုယ်တိုင် ၎င်းကွယ်လွန်ပြီးမှ Message တစ်ခု ချန်လှပ်နိုင်ရန် လုပ်ဆောင်ပေးမည် ဖြစ်ကြောင်း သတင်းများက ဖော်ပြသွားသည်။

အားလုံးကိုခင်မင်လေးစားလျက်......
ရွှေမန်းသားလေး ဝေယံ (နည်းပညာ)

Related Posts Plugin for WordPress, Blogger...

My Account