Member ၀င်ဖို့ ဖိတ်ခေါ်ပါတယ်ဗျာ...!!!

Thursday, February 16, 2012

SE-ME-WE-4 အတွက် ဘင်္ဂလားဒေ့ရ်ှနှင့် ယခုနှစ်တွင် ချိတ်ဆက်မည်

Photo

မြန်မာ့ ဆက်သွယ်ရေးလုပ်ငန်း အနေဖြင့်  ပြည်တွင်း အင်တာနက် ဆက်သွယ်မှုများအတွက် ရေအောက် ကေဘယ်လ်ဆက်ကြောင်း အသစ်ဖြစ်သော SE-ME-WE 4 ကို ဘင်္ဂလားဒေ့ရ်ှနိုင်ငံနှင့် ယခုနှစ်အတွင်း ချိတ်ဆက် သွယ်တန်းသွားမည်  ဖြစ်ကြောင်း ယင်းလုပ်ငန်း၏ သတင်း အချက်အလက်နှင့် နည်းပညာဌာနမှ တာဝန်ရှိသူတစ်ဦးက ပြောသည်။  ပြည်တွင်း၏ အင်တာနက် ဝန်ဆောင်ရေး လုပ်ငန်းများနှင့် ဆက်သွယ်မှုစနစ်များ တိုးတက်လာစေရန်အတွက် ယခုကဲ့သို့ ရေအောက်ကေဘယ်လ် အင်တာနက်ဆက်ကြောင်း အသစ်တစ်ခု တိုးချဲ့ချိတ်ဆက်ရန် စီစဉ်နေရခြင်းဖြစ်ကြောင်း  အထက်ပါ တာဝန်ရှိသူထံမှ သိရသည်။ ထို့အပြင် မြန်မာနိုင်ငံ၏ အင်တာနက် အသုံးပြုနိုင်သည့် လူဦးရေကို ၂၀၁၁-၁၂ ဘဏ္ဍာရေးနှစ်နှင့် ၂၀၁၂-၁၃ ဘဏ္ဍာရေးနှစ်များတွင် ခြောက်သိန်းနီးပါးအထိ တိုးတက်လာအောင် ဆောင်ရွက်သွားရန် ရှိခြင်းကြောင့်လည်း အဆိုပါ ရေအောက် ကေဘယ်လ်ဆက်ကြောင်း အသစ်များကို တိုးချဲ့ရန် စီစဉ်ရခြင်းဖြစ်ကြောင်း သိရသည်။
 
ထိုကဲ့သို့ အာရှ-ဥရောပ ရေအောက်ကေဘယ်လ် အင်တာနက်ဆက်ကြောင်းဖြစ်သော SE-ME-WE 4 ကို ချိတ်ဆက်ရာတွင် လမ်းကြောင်း အတိုဆုံးဖြစ်သည့် လမ်းကို ရွေးချယ် သွယ်တန်းသွားမည်ဟု သိရသည်။ ထို့ကြောင့် ဘင်္ဂလားဒေ့ရ်ှနိုင်ငံနှင့် အနီးစပ်ဆုံးဖြစ်သော ရခိုင်ပြည်နယ်အတွင်းရှိ ဘူးသီးတောင် မောင်တောနယ်စပ်ဘက်မှနေပြီး ဘင်္ဂလားဒေ့ရ်ှနိုင်ငံနှင့် အဆိုပါ ရေအောက်ကေဘယ်လ်ဆက်ကြောင်း အသစ်ကို  သွယ်တန်းသွားမည် ဖြစ်ကြောင်း ၎င်းက ဆက်လက်ပြောသည်။ မြန်မာနိုင်ငံအနေဖြင့် ယခု အသစ်ထပ်မံ ချိတ်ဆက်မည့် အင်တာနက်ဆက်ကြောင်း အသစ်မတိုင်မီတွင် SE-ME-WE 3 ဆက်ကြောင်းကို  ဧရာဝတီတိုင်း ဖျာပုံမြို့နယ်မှနေ၍  စင်ကာပူနိုင်ငံနှင့် သွယ်တန်း ချိတ်ဆက်ထားကြောင်း သိရသည်။ အဆိုပါ အာရှ-ဥရောပ ရေအောက်ကေဘယ်လ်ဆက်ကြောင်း  စီမံကိန်းသည် ဥရောပတိုက်မှ စတင်ပြီး အတ္တလန္တိတ်သမုဒ္ဒရာ၊ မြေထဲပင်လယ်၊ အိန္ဒိယသမုဒ္ဒရာနှင့် ပစိဖိတ်သမုဒ္ဒရာများကို ဖြတ်ကာ ဂျပန်နိုင်ငံနှင့် ကိုရီးယားနိုင်ငံများအထိ ချိတ်ဆက် သွယ်တန်းထားသော အင်တာနက်ဆက်သွယ်မှု စီမံကိန်းတစ်ခု ဖြစ်သည်။ အဆိုပါ ကေဘယ်လ်များ ချိတ်ဆက်ထားရာလမ်းကြောင်း တစ်လျှောက်ရှိ နိုင်ငံများတွင် မြန်မာနိုင်ငံအပါအဝင် တိုက်ရိုက် ချိတ်ဆက်မည့် နိုင်ငံပေါင်း  သုံးဆယ့်လေးနိုင်ငံနှင့် ထိုစီမံကိန်းတွင် ရင်းနှီးမြှုပ်နှံမည့် နိုင်ငံပေါင်း ခြောက်ဆယ့်လေးနိုင်ငံ ပါဝင်သည်။
 
ယုဇနကိုကို

CDMA 800 MHz ဖုန်းများတွင် ဖုန်းဘီလ် ဖြတ်တောက်မှုများ မှားယွင်းဖြစ်ပေါ်ခဲ့



Photo
မြန်မာ့ဆက်သွယ်ရေး လုပ်ငန်းမှ ၂၀၁၁ ခုနှစ်အတွင်း ချထားပေးခဲ့သော CDMA 800 MHz နက်ဝက်သုံး ၅ သိန်းတန် ဖုန်းများတွင် တယ်လီဖုန်းဘီလ် မှားယွင်းဖြတ်တောက် ခံရခြင်းများကို ဖေဖော်ဝါရီလ ၇ ရက်နေ့မှ ၈ ရက်နေ့အထိ  ဆက်တိုက် ဖြစ်ပေါ်ခဲ့ကြောင်း ကိုယ်တိုင် ကြုံတွေ့ခဲ့ရသူများထဲမှ စုံစမ်း သိရှိရသည်။ ထိုကဲ့သို့ ဖုန်းဘီလ် မှားယွင်း ဖြတ်တောက် ခံရခြင်းနှင့် ပတ်သက်၍ ကိုယ်တွေ့ ကြုံတွေ့ခဲ့ရသူ တစ်ဦးက ပြောကြားရာတွင် “ကျွန်တော် CDMA 800MHz ဖုန်းကနေ တခြား ဖုန်းတစ်လုံးကို လှမ်းခေါ်လိုက်တယ် ခေါ်လိုက်တဲ့ ဖုန်းကမကိုင်ဘဲ Miss Call အနေနဲ့ ကျသွားတာ၊ အဲဒါ ဘီလ်ပြန်စစ်လိုက်တာ လက်ကျန်ငွေထဲက ၃၀၀ ကျပ်တိတိကို ဖြတ်တောက်ခြင်း ခံရတယ်။ ဘာဖြစ်လို့ ဖြတ်တောက်ခံရမှန်း မသိခဲ့ဘူး၊ ဒါနဲ့  Facebook ပေါ်တက်ပြီး သတင်းပေးလိုက်တော့ တခြားသူတွေလည်း အဲဒီလို ဖြစ်နေတယ်ဆိုပြီး ဝိုင်းပြောကြတယ်” ဟု သူ့အဖြစ်အပျက်ကို ပြောကြားခဲ့သည်။
 
ယခုကဲ့သို့ Miss Call တွင် ဘီလ်မှားယွင်း ဖြတ်တောက်ခံရခြင်းနှင့် ပတ်သက်၍ မြန်မာ့ဆက်သွယ်ရေး လုပ်ငန်း၏ မိုဘိုင်း ကွန်ပလိမ်းစင်တာကို ဖုန်းဆက် မေးမြန်းရာတွင် “မိုဘိုင်းကွန်ပလိမ်းစင်တာမှ အစပထမတွင် ဖြစ်ပွားခဲ့သော ဖုန်းနံပါတ်၊ ဖြစ်ပွားခဲ့သော ဖုန်းနံပါတ်၏ မူရင်းအမည်ပေါက် အမည်၊ လိပ်စာနှင့်တကွ၊ ကတ်ထုတ်ယူ သုံးစွဲခဲ့သည့် အချိန်၊ နေရာ အစရှိသည်များကို အသေးစိတ် မေးမြန်းပြီး ပြောပြနိုင်မှသာ ဖုန်းပြန်ဆက်ပါရန် မချေမငံ ပြန်လည် ပြောကြားခဲ့ကြောင်း ကိုယ်တွေ့ ကြုံခဲ့ရသူတစ်ဦးက ပြောကြားခဲ့ကြောင်း သိရသည်။

ဘီလ်မှားယွင်းဖြတ်တောက်ခံရမှုမှာ ဖေဖော်ဝါရီလ ၇ ရက်နေ့တွင် စတင်ဖြစ်ပွားခဲ့ပြီး ဖေဖော်ဝါရီလ ၈ ရက်နေ့အထိ ဖြစ်ပွားခဲ့ခြင်း ဖြစ်ကြောင်း သိရသည်။ သို့သော်လည်း ထိုကဲ့သို့ မှားယွင်း ဖြတ်တောက်ခံရသည့် ကိစ္စနှင့်ပတ်သက်၍ မိုဘိုင်းကွန်ပလိမ်းစင်တာမှ ပြန်လည် ပြောကြားရာတွင် “ထိုကဲ့သို့မှားယွင်း ဖြတ်တောက်ခြင်းမျိုး မဟုတ်ပါကြောင်း၊ Miss Call ဖြစ်ပြီး ချက်ချင်း ဘီလ်ပြန်စစ်တဲ့အချိန်တွင် ဖုန်း Server မှ စနစ်တချို့ မှားယွင်းမှုကြောင့် ဖြတ်တောက်ခြင်း ခံခဲ့ရသကဲ့သို့ ဖြစ်ခဲ့ခြင်းသာ ဖြစ်ပါကြောင်း၊ တစ်မိနစ်ခန့် စောင့်ဆိုင်းပြီးမှ ပြန်လည် စစ်ဆေးကြည့်ပါက ထိုကဲ့သို့ မဖြစ်ပွားပါကြောင်းဖြင့် ပြန်လည်ရှင်းလင်း ဖြေကြားခဲ့သည်။ CDMA 800 MHz  ဖုန်းများတွင် ထိုကဲ့သို့  Miss Call တွင် ဖုန်းဘီလ် မှားယွင်း ဖြတ်တောက်မှု ဖြစ်ပွားခဲ့ခြင်း ဖြစ်ပေါ်ခဲ့သော်လည်း ၅ သိန်းတန် GSM နှင့် CDMA 450 MHz ဖုန်းများတွင် ထိုကဲ့သို့ ဖြစ်ပွားခြင်းမျိုး မရှိကြောင်း လက်တွေ့စမ်းသပ်ချက်များအရ  သိရှိရကြောင်း သတင်းရရှိသည်။
 
CDMA 800 MHz  ဖုန်းများတွင် ထိုကဲ့သို့ ဖြစ်ပွားခဲ့ခြင်းနှင့် ပတ်သက်၍ သုံးစွဲသူတစ်ဦးက အကြံပြုပြောကြားရာတွင် “ဖုန်းတွေက ဘီလ်စနစ်ကို  Prepaid Card စနစ်ကို သွားနေပြီဆိုတော့ MPT အနေနဲ့ Server ပိုင်း၊ Network ပိုင်းဆိုင်ရာတွေကို မှန်ကန် တိကျအောင် သေချာလုပ်ဖို့ လိုအပ်ပါတယ်။ ထိုကဲ့သို့ နေရာတွေမှာလည်း ကျွမ်းကျင်ဝန်ထမ်းတွေနဲ့  ၂၄ နာရီ စောင့်ကြည့် စစ်ဆေးတာမျိုးတွေ လိုအပ်လာပြီ ထင်ပါတယ်။ လူတိုင်းဖုန်း သုံးနိုင်ကြပေမယ့် လူတိုင်းဖုန်းဘီလ်ကို အမြဲပြန်စစ်နေတာ မဟုတ်ကြပါဘူး။ ဒီတော့ Server ကြောင့်ပဲ ဖြစ်ဖြစ် Network ကြောင့်ပဲ ဖြစ်ဖြစ်၊ စနစ်တစ်ခုခု မှားယွင်းပြီး အခုလိုမျိုး မလိုလားအပ်တဲ့ ဖြစ်ရပ်တွေ ဖြစ်ပွားလာတာမျိုးဆိုရင် ပြည်သူတွေအတွက် အရမ်းကို နစ်နာစေပါတယ်” ဟု ပြောကြားခဲ့သည်။

MSK

မေတ္တာ သံယောဇဉ်



ငါပြုံးတဲ့အခါ နင်နားလည်ခဲ့ရင်
ငါ့လက်ကိုတင်းတင်းဆုပ် ငါ့ကိုပြန်ပြုံးပြရင်ရပြီ။

ါငိုတဲ့အခါ နင်နားလည်ခဲ့ရင်
နင့်ပုခုံးကို ခဏဌား ငါ့ကိုတိတ်တဆိတ် အဖော်ပြုရင်ရပြီ။

ငါစိတ်ဓာတ်ကျတဲ့အခါ နင်နားလည်ခဲ့ရင်
ငါ့ကို နင့်ရင်ခွင်ထဲထွေးပွေ့ထား နင့်ရှေ့မှောက်မှာပဲ ငါ့ကိုပျော့ညံ့ခွင့်ပေးရင်ရပြီ။

ငါစိတ်ပြောင်းစိတ်လွဲဖြစ်တဲ့အခါ နင်နားလည်ခဲ့ရင်
ငါ့ကို ခွင့်လွှတ်ပေးပါ... နင့်မို့လို့ ငါစိတ်ရူးပေါက်ရဲခဲ့တာ

တလောကလုံး ငါ့ကိုနားမလည်လို့ရတယ်
နင်ကတော့ နားလည်ပေးပါ... နင်ဟာ ငါ့ရဲ့ချစ်သူငယ်ချင်းမို့ပါ...
.
ကြီးပြင်းရာလမ်းတလျောက်မှာ ချစ်ခြင်းမေတ္တာ၊ သံယောဇဉ်က ဘဝရဲ့မြေသြဇာပါ... ဘဝတစ်ခု ပျော်ပျော်ရွှင်ရွှင် ကြီးပြင်းရှင်သန်ဖို့ ဒီမြေသြဇာတွေက မရှိမဖြစ်လိုအပ်ပါတယ်...

မန္တလေး အာဇာနည် ၁၇ ဦး ဗိမာန် ပြန်လည် ရှင်းလင်းခွင့်ရ


Photo

မန္တလေးမြို့ အာဇာနည် ၁၇ ဦး ဗိမာန်ပေါ်သို့ ဖေဖော်ဝါရီ ၁၀ ရက်တွင်  မြို့ခံလူထု ၂၀၀ ခန့်က ဓား၊ ပေါက်ပြား စသည်တို့ ကိုင်ဆောင်ကာ ချီတက်လာကြသည်။  အရွယ်စုံပါဝင်သော ထိုလူထုသည် ဗိမာန်ဝင်းအတွင်း ချုံနွယ်ပိတ်ပေါင်းများ၊ အမှိုက်သရိုက်၊ အညစ်အကြေးများအား ရှင်းလင်းကြသည်။

တောထ အုပ်ဆိုင်းနေခဲ့သည့် ထိုဗိမာန်သည် ၁၃၀၀ ပြည့် အရေးတော်ပုံတွင်  အသက် ၁၂ နှစ်အရွယ် ခုနစ်တန်း ကျောင်းသားလေး တစ်ဦး အပါအဝင် အာဇာနည် ၁၇ ဦး ဂူသွင်းမြှုပ်နှံထားရာ မန္တလေးမြို့၊ စစ်ကိုင်း-မန္တလေး ကားလမ်းဘေး၊ ကန်တော်ကြီး အနီး တမ္ပဝတီ သူကြွယ်ကုန်းရပ်ရှိ သမိုင်းဝင် အာဇာနည်ဗိမာန် ဖြစ်သည်။ ၂၀၁၂ ခုနှစ် ဖေဖော်ဝါရီလ ၁၀ ရက်။ ဤနေ့သည်  အာဇာနည်များ ကျဆုံးခဲ့သည့် ၇၃ နှစ်မြောက်နေ့လည်း ဖြစ်သည်။ ထိုနေ့တွင်  မန္တလေးမြို့ရှိ အဖွဲ့အစည်းပေါင်း ၂၀ ကျော် ပါဝင်ဖွဲ့စည်းထားသည့် “မန္တလေး အာဇာနည် ၁၇ ဦး ဗိမာန်သန့်ရှင်းရေး ကော်မတီ” ကို ဖွဲ့စည်းကာ စုပေါင်းသန့်ရှင်းရေး လုပ်ခြင်းဖြင့် အာဇာနည်များ၏ ဂုဏ်ကျေးဇူးကို ပြန်လည် ဖော်ဆောင်ပေးခဲ့သည်။

ထိုကော်မတီအပြင် နိုင်ငံရေးပါတီများ၊ စည်ပင်သာယာရေး ကော်မတီ သန့်ရှင်းရေး ဝန်ထမ်းများ၊ မီးသတ်တပ်ဖွဲ့ဝင်များ၊ စစ်မှုထမ်းဟောင်းများလည်း  အားဖြည့်၍ သန့်ရှင်းရေးအတွက် စွမ်းဆောင်ပါဝင်ခဲ့ကြသည်။ သန့်ရှင်းရေး  လုပ်ကိုင်ရာတွင် လူမှု အဖွဲ့အစည်းများထက် ကျွမ်းကျင်သည့် စည်ပင်သာယာရေး ကော်မတီ သန့်ရှင်းရေး ဝန်ထမ်းများ ပါဝင်ခဲ့၍ လုပ်ငန်းပို၍ တွင်ကျယ်ခဲ့သည်။  ထို့ကြောင့် အစိုးရ အဖွဲ့အစည်းများနှင့် လူမှု အဖွဲ့အစည်းများ၏ ပူးပေါင်း ဆောင်ရွက်မှုလည်း ဖြစ်သည်။ လာမည့် ဇူလိုင်လ အာဇာနည်နေ့တွင်လည်း ဂုဏ်ပြုနိုင်ခွင့်ရရန် မျှော်လင့်ချက် ပိုအားကောင်းလာသည်။

သန့်ရှင်းရေး ကော်မတီတွင် ဘုံဆွမ်းလောင်း အသင်းလည်း ပါဝင်ခဲ့ရာ သန့်ရှင်းရေး လုပ်ကိုင်မှုနှင့်အတူ သံဃာအပါး ၃၀၀ အား  ဆွမ်းလောင်းလှူပွဲပါ  ပြုလုပ်ခဲ့သည်။ မန္တလေးမြို့ ဘုံဆွမ်းလောင်း အသင်းပေါင်း ရာဂဏန်းကျော်သည် မီးဘေး၊ ရေဘေးများတွင်လည်း လူပေါင်းများစွာ၏ စားသောက်ရေး ဒုက္ခများအား ပါဝင်ကူညီသောအသင်း ဖြစ်သည်။

မင်းဒင်

Related Posts Plugin for WordPress, Blogger...

My Account