Member ၀င်ဖို့ ဖိတ်ခေါ်ပါတယ်ဗျာ...!!!

Sunday, March 18, 2012

ရန်ကုန်ပြည်လမ်း နယ်မြို့အချို့တွင် GSM, CDMA ဖုန်းလိုင်းများ ဆက်သွယ်မှုစွမ်းရည် ကျဆင်းနေ



Photo
ရန်ကုန် ပြည်လမ်းတွင်ရှိသော GSM, CDMA ဖုန်းလိုင်းများအချို့ ဆက်သွယ်ရေးစွမ်းရည် ကျဆင်းမှုများ  မကြာခဏ ကြုံတွေ့နေရသည်ဟု ယင်းဒေသများရှိ လက်ကိုင်ဖုန်း သုံးစွဲနေကြသူများ၏ ပြောဆိုမှုများ ဆက်တိုက် ကြားသိနေရသည်။ GSM စနစ်နှင့် CDMA စနစ်တွင် CDMA စနစ်ကပိုပြီး အဖြစ်များကြောင်းနှင့် ပဲခူးတိုင်း သုံးဆယ်မြို့သည် သာယာဝတီနှင့် ၂ မိုင်သာ ကွာဝေးသော်လည်း CDMA 450 မီဂါဟတ်(စ်) လိုင်းများမှာ စွမ်းရည်နိမ့်ကျမှုတွေ ဖြစ်နေကြောင်း နံနက် ၇ နာရီမှ ၁၀ နာရီ အတွင်းဆိုလျှင် ဆက်သွယ်၍ မရသည်ကများကြောင်း၊ ဥက္ကံမြို့ဆိုလျှင် တစ်နေ့လုံးနီးပါး CDMA 450 ဆက်သွယ်၍ မရရှိကြောင်း၊ ကြို့ပင်ကောက်မြို့တွင်လည်း မရတဲ့အချိန်များကြောင်း ထောက်ကြံ့အထွက် မင်္ဂလာဒုံတစ်ဝိုက်တွင်လည်း ဆက်သွယ်ရခက်ခဲကြောင်း ထိုမြို့နယ်များရှိ CDMA 450 လိုင်းသုံးစွဲသူများက ပြောဆိုနေကြကြောင်း သိရှိရသည်။ ရန်ကုန်မြို့တွင်လည်း CDMA 450 ကိုင်တွယ် သုံးစွဲနေကြသူများမှာ အများနှင့်မတူ သိသာထင်ရှားစွာဖြင့် ကြီးကြီး၊ သေးသေး အင်တာနာတိုင်များ တောက်လျှောက်ထောင်၍ သွားလာပြောဆိုနေကြရသည်ကို နေ့စဉ် တွေ့ရှိနေကြရသည်။ အထက်ပါ မြို့နယ်များတွင် ဈေးအတက်အကျရှိသော ကောက်ပဲသီးနှံများ ရောင်းဝယ်ဖောက်ကားသူ ကုန်သည်များမှာ လက်ကိုင်ဖုန်းများကို အားထား၍ ဈေးနှုန်း စုံစမ်းရောင်းဝယ်ကြသည်။ ယခုအခါ နံနက်ပိုင်း CDMA များ လိုင်းဆွဲအားကျဆင်း၍ ဆက်သွယ်မှု ပြတ်တောက်စဉ် ဖြစ်ပေါ်လာသော တက်ဈေးကျဈေးများကြောင့် အချို့ကုန်သည်များ သိန်းနှင့်ချီ၍ နစ်နာဆုံးရှုံးမှုများရှိသည်ဟု ကုန်သည်များက ညည်းညူ ပြောဆိုနေကြကြောင်း သိရသည်။


ဥယျာဉ်မှူး

Related Posts Plugin for WordPress, Blogger...

My Account