Member ၀င်ဖို့ ဖိတ်ခေါ်ပါတယ်ဗျာ...!!!

Tuesday, March 13, 2012

ဝလုံးရိုက်နည်းလေးပါ(မသိသေးတဲ့သူတွေအတွက်ပါ)

ဒါကတော့ ကျွန်တော်တို့ Zawgyi နဲ့မြန်မာလိုရိုက်တဲ့အခါမှာ ကျွန်တော်အပါအဝင်တော်တော်များများက ဝလုံးကိုရိုက်တဲ့အခါမှာ အလွယ်တကူ သုည(၀)ကိုလှမ်းရိုက်ပြီးသုံးကြပါတယ်.အဲဒါက တကယ်တန်းပြောရရင် ရိုက်တဲ့နည်းမှားနေတာပါ. အဲလိုရိုက်လိုက်တာ သုည(၀)ကိုရိုက်တာနဲ့အတူတူပါဘဲ. ဝလုံးက ဝလုံးသက်သက် ရှိပါတယ်.သတိထားမိတဲ့သူတွေကတော့ သိကြမှာပါ. ဝလုံးအမှန်က Shift+, ပါ.ရိုးရိုး , ကိုရိုက်တဲ့အခါ ယ ပေါ်ပါလိမ့်မယ်.အဲဒါကိုမှ Shift တွဲပြီးနှိပ်လိုက်ပါက ဝလုံးပေါ်လာပါလိမ့်မယ်. အဲဒါက ရိုက်နည်းအမှန်ပါ.
မသိသေးတဲ့သူတွေအတွက် ရည်ရွယ်ပါတယ်.

အားလုံးကိုကျေးဇူးတင်ရှိလျက်....
ရွှေမန်းသားလေး ဝေယံ(နည်းပညာ)

XP မှာ Drive ရှိသမျှကို bat File နဲ့ Defragment လုပ်နည်း

Windows တိုင်းမှာ Defragment လုပ်ရပါတယ်။ Hard Disk မှာရှိတဲ့ File တွေ များလာတာပဲဖြစ်ဖြစ်၊ Program တွေကို ထုတ်လိုက်သွင်းလိုက် လုပ်တာပဲဖြစ်ဖြစ် Program တွေက သူရှိနေကျ နေရာတွေမှာ မရှိတော့ဘဲ ပြန့်ကျဲ နေတတ်တာမို့ အဲဒီအတွက်  File တွေကို သူ့နေရာသူ နေရာတကျ ပြန်ရောက်အောင် Defrag  လုပ်ရတာပါ။ အခု ပြောပြပေးချင်တာက Windows XP မှာ Hard Drive တွေကို တစ်ခါတည်း Defrag လုပ်တာလေးကို ပြောပြချင်တာပါ။ Hard Disk ကို တစ်ခုပြီးတစ်ခု Defragment လုပ်ဖို့ အရမ်းကြာပါတယ်။ ပြီးတော့ အချိန်လည်း အရမ်း ကုန်ပါတယ်။ Drive သုံးခုလေးခုရှိတဲ့ Windows တွေဆိုရင် ပိုဆိုးပါတယ်။  Windows ရဲ့ Utility မှာ Drive အားလုံးကို တစ်ပြိုင်တည်းလုပ်လို့ ရနိုင်တဲ့ Utility လည်း မရှိပါဘူး။ ဒါပေမဲ့ Disk Defragmentter ကို Command Line နဲ့လည်း အလုပ်လုပ်လို့ ရနိုင်ပါတယ်။ အဲဒီဟာတွေကတော့ အဲဒီအတွက် Windows မှာ Drive အားလုံးကို တစ်ခုပြီးတစ်ခု Defrag လုပ်လို့ရအောင် လုပ်နိုင်ပါတယ်။ ကိုယ့်စက်ထဲမှာ Drive C:, D:, E: ရှိရင် Notepad ထဲမှာ 

defra c: -f၊ defrad: -f၊ defra e:-f 

လို့ ရိုက်ထည့်ပေးပါ။ ပြီးရင် Filename ကို ပေးချင်တဲ့ File name ပေးပြီး Save လုပ်လိုက်ပါ။ ဥပမာ. defrag.bat လို့ ထည့်ပေးပြီး ဖိုင်ကို Save လုပ်ပေးပါ။ အဲဒီ defrag.bat ကို Double Click နှိပ်ပေးလိုက်ရုံနဲ့ Command Prompt ပွင့်လာပြီး Drive C: D: F: တို့ကို တစ်ခုပြီးတစ်ခု Defrag လုပ်ပေးသွားမှာပါ။ အားလုံး Defrag လုပ်ပြီးတာနဲ့ Command Prompt က အလိုအလျောက် ပျောက်သွားမှာပါ။ အဲဒါဆိုရင် တစ်ခုချင်းကို စောင့်ပြီး Defrag လုပ်စရာ မလိုတော့ပါဘူး။

Myanmar Explore Map+ Business Directory အား Fullversion အဖြစ် အခမဲ့ စတင်ဖြန့်ဝေပေးမည်



Photo

 
ရန်ကုန်မြို့၏ ဒီဂျစ်တယ်မြေပုံ၊ ဂြိုလ်တုမြေပုံနှင့် စီးပွားရေး လုပ်ငန်းဆိုင်ရာ အချက်အလက်များကို ရှာဖွေကြည့်ရှုနိုင်သည့် Myanmar Explore Map++ Business Directory နောက်ဆုံးထုတ် fullversion  အား ယခုလ ၁၈ ရက်နေ့တွင် ရန်ကုန်မြို့၊ ကုန်သည်ကြီးများ ဟိုတယ်၊ ကုန်းဘောင်တကောင်း ခန်းမတွင် အခမဲ့ စတင် ဖြန့်ဝေပေးသွားမည် ဖြစ်ကြောင်း သိရသည်။ အဆိုပါ Map++ Busin ess Directory အား ၂၀၁၁ ခုနှစ် အလယ်မှစ၍ Beta version အဖြစ် စတင် ထုတ်ဝေပေးခဲ့ပြီး လူအများ စိတ်ဝင်စားသည့်အတွက် ICT ပြပွဲများတွင် Mobile version နှင့် PC Version များအဖြစ် ဖြန့်ဝေပေးခဲ့သည်ဟု ဆိုသည်။ ယခုနောက်ဆုံး ထုတ်ဝေသည့် Map++ Business Directory full version တွင် အထူးအစီအစဉ် အနေဖြင့် မန္တလေးမြို့၏ ဒီဂျစ်တယ်မြေပုံနှင့် ဂြိုလ်တုမြေပုံပါ ပါဝင်မည် ဖြစ်သည်ဟု ဆိုသည်။ အဆိုပါ Map++ Business Directory နောက်ဆုံးထုတ် version အား PC Version အဖြစ်သာမက Mobile version အဖြစ် အသုံးပြုနိုင်သည့် စနစ်ဖြင့် ဖန်တီးထားသည့် DVD အချပ်များအား ယခုလ ၁၈ ရက်နေ့တွင် ဖြန့်ဝေပေးသွားမည်ဟု ဆိုသည်။
 
၎င်းအပြင် တဆင့်ပြန်လည် ဖြန့်ဖြူးပေးလိုသော အရောင်းဆိုင်များအတွက် အထူး Special Package များအနေဖြင့် PC Version CD ချပ်၊ Mobile Version ပါ CD ချပ် ပြန်လည် ဖြန့်ဝေပေးမည့် ဆိုင်များတွင် အခမဲ့ ဖြန့်ဝေပေးမည့် တာဝန်ပါ Myanmar Explore Map++ Business Directory Vinyl ဒီဇိုင်း CD ချပ် တို့အား အထူး Package အဖြစ် အခမဲ့ ဖြန့်ဝေပေးသွားမည်ဟု ဆိုသည်။ အခမဲ့ ဖြန့်ဝေပေးသည့်နေ့တွင် မိုဘိုင်းဖုန်းအတွင်းသို့ ထည့်သွင်းလိုသူများအနေဖြင့် Map++ Business Directory အား ထည့်သွင်းလိုသူ၏ ဟန်းဆက် Memory ပမာဏ နှင့် ကိုက်ညီသည့်ပမာဏ ခွဲခြား ထည့်သွင်းပေးသွားရန်အတွက် ဒီဂျစ်တယ် မြေပုံအစိတ်အပိုင်း၏ လိုအပ်သည့်ပမာဏကို ဖုန်းအတွင်းသို့ ထည့်သွင်းနိုင်ပြီး ကျန်ရှိနေသည့် မြေပုံအစိတ်အပိုင်းများကို လိုသည့်အခါတွင် ထည့်သွင်းနိုင်ရန် CD ချပ်ဖြင့် ထည့်သွင်း ဖြန့်ဝေပေးသွားမည်ဟု သိရသည်။
 
Map++ Business Directory အား fullversion အဖြစ် အခမဲ့ဖြန့်ဝေပေးခြင်းနှင့် ပတ်သက်၍ In Mai Kha Company မှ တာဝန်ရှိသူ ကိုမိုးသန့်ဦးက “Map++ Business Directory ကို Mobile Version နဲ့ PC Version, iOS version တွေ စုပေါင်းထားတဲ့ DVD ချပ်အနေနဲ့ ဖြန့်ဝေပေးသွားမှာ ဖြစ်ပါတယ်။ ပြန်လည်ဖြန့်ဝေပေးမယ့် အရောင်းဆိုင်တွေအနေနဲ့က အိုင်တီပစ္စည်းဆိုင်၊ မိုဘိုင်းပစ္စည်းဆိုင်မှ မဟုတ်ပါဘူး၊ စတိုးဆိုင်တွေကိုလည်း ပြန်လည် ဖြန့်ဖြူးခွင့်ပေးသွားမှာပါ၊ အခု ၁၈ ရက်နေ့မှာ ပြန်ပြုလုပ်ပေးတဲ့ ပွဲကနေစပြီး ပြန်လည် ဖြန့်ဝေပေးမယ့် အရောင်းဆိုင်တွေကို ဖြန့်ဖြူးခွင့်ပေးသွားမှာပါ” ဟု ပြောကြားသည်။ အင်မိုင်စကုမ္ပဏီ ပြုလုပ်မည့် Myanmar Explore Map++ Business Directory full version အခမဲ့ ဖြန့်ဝေပွဲအား နံနက် ၈ နာရီ ၅၀ မှ နေ့လည် ၁၂ နာရီအထိ ပြုလုပ်ပေးသွားမည် ဖြစ်ပြီး အသေးစိတ် သိလိုသူများအနေဖြင့် ဖုန်း ၇၃၁၀၅၁၈၈ သို့ ဆက်သွယ်နိုင်ကြောင်း သိရသည်။

Related Posts Plugin for WordPress, Blogger...

My Account