Member ၀င်ဖို့ ဖိတ်ခေါ်ပါတယ်ဗျာ...!!!

Friday, February 24, 2012

အင်တာနက်လိုင်း နှေးကွေးနေစဉ် Windows VPS မှတစ်ဆင့် မြန်နှုန်းမြင့် အင်တာနက်သုံးနိုင်မည့် ဝန်ဆောင်မှုတစ်ရပ် စတင်



Photo
အင်တာနက် နှေးကွေးနေစဉ်အတွင်း မြန်နှုန်းမြင့် အင်တာနက် အသုံးပြုနိုင်မည့် ဝန်ဆောင်မှုတစ်ရပ်ကို စတင် ဆောင်ရွက်ပေးမည် ဖြစ်ကြောင်း  သိရသည်။ သြစတြေးလျနိုင်ငံရှိ Data Center တွင် တိုက်ရိုက်ထားရှိသော Hyper-V Windows Virtual Private Server (VPS) နည်းပညာဖြင့် ဝန်ဆောင်မှုပေးခြင်းဖြစ်ကြောင်း သိရသည်။ “မိမိရဲ့ကိုယ်ပိုင် Computer တစ်လုံး၊ ဒါမှမဟုတ် Server တစ်လုံးကို Data Center တွင် တိုက်ရိုက်ထားရှိသလိုမျိုး အသုံးပြုသူကိုယ်တိုင် တိုက်ရိုက်အပြည့်အဝ ထိန်းချုပ်နိုင်ဖို့ စီစဉ်ထားပါတယ်။ အသုံးပြုသူတွေ အနေနဲ့ ကွန်ပျူတာတိုင်းမှာ ပါရှိတဲ့ Remote Desktop Software ကိုအသုံးပြုပြီး အင်တာနက် ချိတ်ဆက်မှုရှိတဲ့ မည်သည့်နေရာကမဆို မိမိကိုယ်ပိုင် VPS  အား အချိန်မရွေး ဝင်ရောက်အသုံးပြုနိုင်မှာ ဖြစ်ပါတယ်။ အသုံးပြုသူရဲ့ Windows VPS မှာ ရရှိမယ့် အင်တာနက်မြန်နှုန်း (Internet  Speed) ကတော့ Data Center ရဲ့ Network Backbone နဲ့ တိုက်ရိုက် ချိတ်ဆက်ထားတာကြောင့် Gbit Speed ကို Download/Upload  ရရှိနိုင်မှာ ဖြစ်ပါတယ်” ဟု ၎င်းစနစ်ကို ဝန်ဆောင်မှုပေးသည့် Myanmar VPS မှ တာဝန်ရှိသူက ပြောသည်။

စတင်အသုံးပြုလိုသူများ အနေဖြင့် www.myanmarvps.com တွင် Register ပြုလုပ်ရမည်ဖြစ်ပြီး ၂၄ နာရီအတွင်း အသုံးပြုနိုင်သည့် IP လိပ်စာ၊ User Name, Password တို့ကို အကြောင်းပြန်ကြားပေးမည် ဖြစ်ကြောင်း သိရသည်။ အသုံးပြုသူ၏ Windows VPS  တွင် မိမိ၏ ကွန်ပျူတာကဲ့သို့ အသုံးပြုလိုသည့် application မှန်သမျှကို ထည့်သွင်း အသုံးပြုနိုင်မည်ဖြစ်ပြီး အချက်အလက် လုံခြုံမှုအတွက်လည်း စိတ်ချရသည်ဟု ဆိုသည်။ “ကိုယ်ပိုင် ကွန်ပျူတာလိုပဲ  ကြိုက်သလို စီမံခန့်ခွဲလို့ ရပါတယ်။ အင်တာနက်ရှိတဲ့ ဘယ်နေရာသွားသွား ဖွင့်ပြီး အသုံးပြုနိုင်မှာမို့လို့ ကွန်ပျူတာကိုအလေးခံပြီး သယ်ယူဖို့ မလိုအပ်တော့ဘူး။ ဒါ့အပြင် Server ဝန်ဆောင်မှုတွေဖြစ်တဲ့ Virtual Private Network (VPN) တည်ဆောက်လိုသူတွေ၊ Web Hosting ဝန်ဆောင်မှုတွေကို ဆောင်ရွက်လိုသူတွေလည်း အသုံးပြုနိုင်ပါတယ်။ ပြီးတော့ Windows VPS ကို အသုံးပြုဖို့ Internet Speed ကောင်းဖို့ မလိုအပ်ပါဘူး။ အင်တာနက်လိုင်း နှေးကွေးနေစဉ်မှာတောင် အသုံးပြုလို့ရပါတယ်” ဟု ၎င်းက ဆက်လက် ပြောကြားသည်။ ၎င်းဝန်ဆောင်မှုနှင့် ပတ်သက်၍ အသေးစိတ်သိရှိလိုသူများ အနေဖြင့် www.myanmarvps.com တွင် လေ့လာကြည့်ရှုနိုင်ပြီး ဖုန်း- ၅၁၀၅၅၄ သို့လည်း ဆက်သွယ် မေးမြန်းနိုင်ကြောင်း သိရသည်။

Facebook မှ သူငယ်ချင်းများကို Lists တွင် စနစ်တကျ စီစဉ်ထားခြင်း



Photo
ဒီတစ်ပတ်မှာတော့ Facebook က သူငယ်ချင်းတွေကို Lists feature ထဲမှာ စနစ်တကျ စီစဉ်ထားနိုင်စေမယ့် နည်းလမ်းကို ဖော်ပြပေးမှာ ဖြစ်ပါတယ်။  Facebook ဟာ သူငယ်ချင်းတွေကို Family, Colleagues, Close Friends စသည်ဖြင့် အုပ်စုဖွဲ့ကာ အလွယ်တကူ စီစဉ်ထားနိုင်ရန်အတွက် Lists feature ကို ထည့်သွင်း ပေးထားပါတယ်။ အသုံးပြုပုံကတော့ အောက်ပါအတိုင်း ဖြစ်ပါတယ်။

(၁) Facebook စာမျက်နှာရဲ့ ဘယ်ဘက် sidebar ရှိ Favorites session အောက်မှ More ကို နှိပ်ပါ။

(၂) Lists စာမျက်နှာ ပေါ်လာပါမယ်။ ထိပ်ဘက်မှာ Close Friends နဲ့ Acquaintances တို့ကို တွေ့ရပါမယ်။

(၃) Close Friends ကို နှိပ်ပါ။ စာမျက်နှာသစ်တစ်ခု ပေါ်လာတဲ့အခါမှာ list ထဲ ထည့်နိုင်မယ့် သူငယ်ချင်းစာရင်းကို တွေ့ရပါမယ်။ အဆိုပါ စာရင်းထဲ ထည့်နိုင်မယ့် သူငယ်ချင်း Suggestion တွေကို စာမျက်နှာရဲ့ ညာဘက်မှာ ဖော်ပြပေးထားပါတယ်။ အသုံးပြုသူအနေနဲ့ status update ကို ဝေမျှတဲ့အခါမှာ အဆိုပါ status ကို တွေ့စေချင်သူများအား Friend list  နဲ့ ရွေးချယ် ဖော်ပြနိုင်ပါတယ်။

(၄) Acquaintances list ကိုလည်း အထက်ပါအတိုင်း ပြုလုပ်နိုင်ပါတယ်။

(၅) သူငယ်ချင်းအသစ်များကို လက်ခံခြင်း၊ ဒါမှမဟုတ် ထည့်သွင်းခြင်းတို့ကို ပြုလုပ်ရာမှာလည်း အဆိုပါ သူငယ်ချင်းများကို Family, Colleagues, Close Friends စသည်ဖြင့် ရွေးချယ်ကာ ထည့်သွင်းနိုင်ပါတယ်။ Facebook ရဲ့ Lists ဟာ Google+ ကဲ့သို့ လွယ်ကူစွာ အသုံးပြုနိုင်ခြင်း မရှိပေမယ့်လည်း Facebook အသုံးပြုသူတွေအတွက် အသုံးတည့်စေမယ့် feature ဖြစ်ပါတယ်။

နောင်နောင်

လူကုန်ကူးမှု အသိပညာပေး ဝက်ဘ်ဆိုက်ကို မြန်မာနိုင်ငံလူကုန်ကူးမှု ကာကွယ်တားဆီးရေး ဗဟိုအဖွဲ့မှလွှင့်တင်



Photo
မြန်မာနိုင်ငံ လူကုန်ကူးမှု ကာကွယ်တားဆီးရေး ဗဟိုအဖွဲ့မှ လူကုန်ကူးမှု အသိပညာပေး ဝက်ဘ်ဆိုက် ဖြစ်သည့် www.myanmarhumantrafficking.gov.mm ကို လွှင့်တင်ထားသည်ဟု  သတင်းရရှိသည်။ အဆိုပါ ဝက်ဘ်ဆိုက်ကို ဖေဖော်ဝါရီလ ပထမပတ်မှ စတင် လွှင့်တင်ထားသည်ဟု သိရပြီး ဝက်ဘ်ဆိုက်တွင် လူကုန်ကူးမှုအတွက် အရေးပေါ် ဆက်သွယ်ရမည့် Hot Line ဖုန်းနံပါတ်များ၊ လူကုန်ကူးမှု ပညာပေး စာရွက်စာတမ်းများ၊ ပိုစတာနဲ့ ဓာတ်ပုံများ၊ သတင်းများ၊ ဆောင်းပါးများ၊ လူကုန်ကူးမှုများကို ကာကွယ်ရမည့် နည်းလမ်းများ၊ လူကုန်ကူးမှု တိုက်ဖျက်ရေး ဆွေးနွေးပွဲ၊ ဟောပြောပွဲ၊ အစည်းအဝေးပွဲနှင့် လူကုန်ကူးမှုသိကောင်းစရာ အမေးအဖြေများ စသည်ဖြင့် လူကုန်ကူးမှုနှင့် ပတ်သက်သည့် အကြောင်းအရာများကို ပြည့်ပြည့်စုံစုံ ဖော်ပြပေးထားသည်ကို တွေ့ရသည်။

ထို့ပြင်ဝက်ဘ်ဆိုက်တွင် မြန်မာပြည်အတွင်း လူကုန်ကူးမှု တိုက်ဖျက်ရေးဥပဒေနဲ့ ဆက်စပ်သည့် ဥပဒေများ၊ လူကုန်ကူးမှုများအတွက် မဲခေါင်ဒေသ (၆) နိုင်ငံ သဘောတူညီချက် လက်မှတ်ရေးထိုးခဲ့သည့် စာချုပ်များ၊ မြန်မာ- ထိုင်း၊ မြန်မာ-တရုတ် လူကုန်ကူးမှုအတွက် လက်မှတ်ရေးထိုးခဲ့သည့် စာချုပ်များကို ဖော်ပြပေးထားသည်ကို တွေ့ရသည်။ မကြာမီအချိန်အတွင်းတွင် မြန်မာပြည်သူများ လူကုန်ကူးမှုများနှင့် ပတ်သက်၍ ပိုမို သိရှိနားလည်စေရန် Myanmar Version ဖြင့် ပြောင်းလဲ လွှင့်တင်ပေးသွားမည်ဟု သတင်းရရှိသည်။

ကိုဟိန်း

လုပ်ငန်းလိပ်စာတွေကို အလွယ်တကူ ရှာမယ်



Photo
အခု ပြောချင်တာကတော့ စာအုပ်လှန်စရာ မလိုဘဲ လုပ်ငန်းလိပ်စာတွေကို အလွယ်တကူ ရှာဖွေနိုင်မယ့် Software လေးပါ။  အဲ့ဒီ Software က Myanmar Explore က ထုတ်လုပ်လိုက်တဲ့ Map++ Directory လေးပဲ ဖြစ်ပါတယ်။ ကုမ္ပဏီ၊ ပွဲရုံ၊ ဆိုင် အစရှိတဲ့ လုပ်ငန်းလိပ်စာတွေကို အလွယ်တကူ ရှာလို့ရအောင် ထုတ်လုပ်ထားပါတယ်။ အဲ့ဒီ Map++ Software ထဲမှာ မြန်မာစာ ဒါမှမဟုတ် အင်္ဂလိပ်စာ နှစ်မျိုးစလုံးနဲ့ ရှာဖွေနိုင်ပါတယ်။ Advance Search နဲ့  Match World Features တွေကို ထည့်သွင်းပေးထားတာကြောင့် ကိုယ်ရှာချင်တဲ့ လုပ်ငန်းအမျိုးအစား တစ်ခုခုကို ရိုက်ထည့်လိုက်ရုံနဲ့ ဇယားကွက်လေးထဲမှာ အဲဒီနာမည်နဲ့တူတဲ့ လိပ်စာတွေကို ချပေးပါတယ်။
 
မြေပုံထဲမှာ ရှာလိုက်တဲ့ နာမည်နဲ့တူတဲ့ လိပ်စာငါးခု ရှိတယ်ဆိုရင် အဲဒီလိပ်စာ ငါးခုကို မြေပုံထဲမှာ ၁၊ ၂၊ ၃၊ ၄၊ ၅ ဆိုပြီး မှတ်တိုင်လေးတွေနဲ့ ဖော်ပြပေးပါတယ်။ PC Version အတွက် အဲဒီနေရာတွေကို ဘယ်လိုင်းကားစီးပြီး ရောက်နိုင်လဲ၊ အဲဒီကားဂိတ်ကနေ ဘယ်လောက် လမ်းလျှောက်ရင် ရောက်နိုင်လဲ၊ ကီလိုမီတာ ဘယ်လောက်ရှိလဲ ဆိုတာတွေကိုပါ ညွှန်ပြပေးထားပါတယ်။ လုပ်ငန်းရှင်တွေကလည်း ကိုယ့်လုပ်ငန်းလိပ်စာ ထည့်သွင်းမယ်ဆိုရင် Myanmar Explore Website ထဲမှာ Register လုပ်ပြီးတော့ ဆိုင်လိပ်စာ၊ ဖုန်းနံပါတ်၊ လုပ်ငန်းအမျိုးအစားတွေကို ဖြည့်သွင်းလို့ ရပါသေးတယ်။ သူ့ရဲ့ အားသာချက်က Offline အသုံးပြုနိုင်ပြီးတော့ Hardisk က အနည်းဆုံး 3GB  နီးပါး နေရာယူပါတယ်။ Update တွေကိုတော့ www.myanmarexplore.com မှာ အမြဲ ရယူနိုင်ပါတယ်။ Software ကို ထည့်သွင်းချင်တယ် ဆိုရင်တော့ No.(D)-113၊ ဗန္ဓုလ Condo၊ မဟာဗန္ဓုလလမ်း၊ ပုဇွန်တောင်မြို့နယ်၊ ရန်ကုန်၊ ဖုန်း ၀၁-၁၂၉၀၄၁၈ နဲ့ ၀၉-၇၃၀၁၃၁၂၄ ကို ဆက်သွယ်နိုင်ပါတယ်။

Windows 8 တွင် ပါဝင်မည့် Metro apps စာရင်း ထွက်ပေါ်လာ



Photo
Windows operating system သစ်၏ pre-release version တစ်ခုဖြစ်သော Windows 8 Consumer Preview ကို ဖေဖော်ဝါရီလ ၂၉ ရက်တွင်  မည်သူမဆို download ပြုလုပ်နိုင်ရန် အတွက် Microsoft မှ စီစဉ်နေကြောင်းနှင့် အဆိုပါ operating system သစ်တွင် အပြီးသတ် ပြုလုပ်ထားသည့် Metro application များ ပါဝင်လာမည် ဖြစ်ကြောင်း Microsoft ၏အစီအစဉ်ကို သိရှိသူများ၏ ပြောကြားချက်များကို ကိုးကားကာ The Verge သတင်းဌာနမှ ဖော်ပြခဲ့သည်။ OS သစ်တွင် ပါဝင်လာမည့် Metro app များမှာ Calendar, Camera, Mail, Messaging, Music, People, Photos, SkyDrive နှင့် Video တို့ ဖြစ်သည်။ လက်ရှိတွင် အဆိုပါ app များသာ ပါဝင်မည် ဖြစ်သော်လည်း အသုံးပြုသူများထံ Preview မရောက်မီ အချိန်အထိ ထပ်မံ ပါဝင်လာဖွယ် ရှိကြောင်း သိရသည်။ အထက်ပါ Metro app များအနက် Mail, Calendar, People နှင့် Messaging တို့မှာ အဓိကကျသည့် ဆက်သွယ်ရေး app များ ဖြစ်ကြောင်း၊ Messaging app တွင် SMS အထောက်အပံ့ ထည့်သွင်းရန် Microsoft မှ ကြိုးပမ်းနေကြောင်း သတင်းရင်းမြစ် တစ်ခုမှ The Verge သို့ ပြောကြားချက် သိရသည်။
 
၎င်း Metro app များကို Windows Store သစ်မှ တစ်ဆင့် update လုပ်နိုင်မည် ဖြစ်သည်။ Sky Drive မှာ Windows 8 ၏ အဓိက အစိတ်အပိုင်းတစ်ခု ဖြစ်လာနိုင်ပြီး ၎င်းကို local  PC နှင့် cloud အကြား ကွာဟချက်ကို ဖြည့်ဆည်းပေးနိုင်ရန် အတွက် Microsoft  မှ မျှော်လင့်ထားကြောင်း သိရသည်။ Sky Drive သည် 25GB ပမာဏရှိသည့် ဖိုင်များကို cloud အခြေခံ သိုလှောင်မှုစနစ် ဝန်ဆောင်မှုများတွင် တိုက်ရိုက် သိမ်းဆည်းစေနိုင်မည် ဖြစ်သည်။ ထို့အပြင် ဖေဖော်ဝါရီလ ၂၉ ရက်တွင် ဖြန့်ချိမည့် Windows 8 Consumer Preview တွင် Windows Storer မှတစ်ဆင့် တိုက်ရိုက်ရယူ ကစားနိုင်မည့် ဂိမ်းများ ပါဝင်လာမည် ဖြစ်ပြီး အဆိုပါ ဂိမ်းများတွင် Angry Birds, Toy Soldiers, Ms Splosion Man, Reckless Racing နှင့် Rocket Riot တို့ ပါဝင်ကြောင်း သိရသည်။

နောင်နောင်
Ref: CNET

တန်ဖိုးနည်းဂျီ မတ် ပထမပတ်အတွင်း လူထုလက် ရောက်မည်

တန်ဖိုးနည်း ဂျီဖုန်းများအား မတ်လ ပထမပတ်တွင် ချပေးနိုင်ရန် ဆက်သွယ်ရေးနှင့် ပူးပေါင်းသည့် ကုမ္ပဏီများအား တိုက်တွန်းထားကြောင်း မြန်မာ့ဆက်သွယ်ရေးလုပ်ငန်းမှ သိရသည်။  “ဖေဖော်ဝါရီ လကုန် မတ်လ ပထမပတ်မှာ ဖုန်းတွေ ချထားပေးသွားမှာပါ။ မတ်လ ၂ ရက် တောင်သူလယ်သမားနေ့မှာ ရောင်းချပေးနိုင်အောင်တော့ ရည်မှန်းထားပါတယ်။ ဒီအတွက်လည်း သက်ဆိုင်ရာ ကုမ္ပဏီတွေနဲ့ ပူးပေါင်းဆောင်ရွက်နေပါတယ်” ဟု မြန်မာ့ဆက်သွယ်ရေးလုပ်ငန်းမှ အကြီးတန်း အရာရှိတစ်ဦးက ပြောသည်။ တန်ဖိုးနည်း ဂျီဖုန်းများအား လက်ရှိကာလအထိ တန်ဖိုးအတိအကျ သတ်မှတ်ထားခြင်း မရှိသေးသော်လည်း ကျပ်သုံးသိန်းနှင့် နှစ်သိန်းကြားတွင်သာ ရှိမည်ဖြစ်ကြောင်း၊ ၎င်းအပြင် အင်တာနက်သုံးစွဲမှုအတွက် ကျပ်ငါးသိန်းတန် GSM ဖုန်းများကဲ့သို့ ငွေကျပ်တစ်သောင်း ပေးသွင်းရမည်ဖြစ်ကြောင်း ၎င်းက ပြောသည်။

“အခု ချထားပေးမယ့် ဖုန်းတွေမှာ အင်တာနက် သုံးစွဲမှုကို ဒေသအလိုက် ကွာခြားမှာပါ။ သုံးစွဲမှုပိုများတဲ့ မြို့ကြီးတွေမှာတော့ မြန်နှုန်းတွေ တိုးမြှင့်ပေးသွားဖို့ ရှိပါတယ်။ ငါးနှစ်အတွင်းတော့ ကျေးလက်ဒေသတွေပါ အင်တာနက် သုံးစွဲနိုင်အောင် ဆောင်ရွက်ပေးသွားမှာပါ” ဟု အထက်ပါပုဂ္ဂိုလ်က ဆက်လက် ပြောသည်။ မြန်မာ့ဆက်သွယ်ရေးလုပ်ငန်းမှ တန်ဖိုးနည်း ဂျီဖုန်းများကို ပုဂ္ဂလိကကုမ္ပဏီများနှင့် ပူးပေါင်း၍ ငါးနှစ်အတွင်း မိုဘိုင်းဖုန်း သန်း ၃၀ ချထားပေးမည်ဖြစ်ပြီး ဖုန်းတန်ဖိုးနှုန်းထားများကိုလည်း စီမံကိန်းအလိုက် လျှော့ချပေးသွားမည် ဖြစ်သည်။ ၎င်းအပြင် အာဆီယံနိုင်ငံအချင်းချင်း အပြန်အလှန် သယ်ဆောင်အသုံးပြုနိုင်ရန်အတွက် ယခုနှစ်စီမံကိန်းတွင် အပြီးသတ် ဆောင်ရွက်သွားမည်ဖြစ်ကြောင်း ၎င်းက ဆက်လက်ပြောသည်။ ယင်းသို့ တန်ဖိုးနည်း ဂျီဖုန်းများအား စီမံကိန်းအလိုက် ချထားပေးမည် ဖြစ်သော်လည်း သုံးစွဲမှုပိုများသည့် CDMA ဖုန်းများကိုမူ တန်ဖိုးနည်း ဖုန်းများအဖြစ် ပြောင်းလဲချထားပေးမည် မဟုတ်ဟု ဆက်သွယ်ရေး၏ ထုတ်ပြန်မှုများအရ သိရသည်။

အောင်ဇော်

တစ်နေရာတည်းမှာ Download လုပ်လို့ရမယ့် Website



Photo
Rapidshare, Hotfile, Uploading.com, Torrent, Fileape.com, Mediafire.com, easy-share.com, wupload.com အစရှိတဲ့ ဆိုက်တွေကနေ Download လုပ်ချင်တဲ့ ဖိုင်တွေကို  တစ်နေရာ တည်းကနေ လုပ်လို့ရမယ့် ဆိုက်လေးကို ပြောပြပေးချင်ပါတယ်။ အဲဒီဆိုက်က Download အမြဲတစေ လုပ်နေတဲ့သူတွေ အတွက် အဆင်ပြေပါတယ်။ တချို့က ကိုယ်လိုချင်တဲ့ ဖိုင်တွေကို Rapidshare, Hotfile, Uploading.com, Torrent အစရှိတဲ့ ဆိုက်တွေမှာ တွေ့တတ်ပါတယ်။ အဲဒါကို  Download  လုပ်ချင်တယ် ဆိုရင် Free Download Limit ပြည့်တာတို့၊ Premium User ဝယ်ထားတဲ့သူတို့သာ Download ပေးချတာတို့ ဖြစ်နေတတ်ပါတယ်။ အဲဒါဆိုရင် ကိုယ်လိုချင်တဲ့ ဟာက Rapidshare မှာဆိုရင် Rapidshare Account ကိုဝယ်နေရပြီး Hot File ဆိုရင် Hotfile အကောင့်ကို ဝယ်ယူရမှာ ဖြစ်ပါတယ်။
 
အဲလိုမျိုး အကောင့်တစ်ခုချင်းစီ လိုက်ဝယ်နေရရင် အကုန်အကျ များလာမှာပါ။ ဒါကြောင့် ဈေးလည်း သက်သာပြီးတော့ တစ်နေရာတည်းမှာတင် Premium Download တွေကို Download လုပ်နိုင်မှာမျိုးမို့ ညွှန်ပေးရခြင်းပါ။ အဲဒီဆိုက်နာမည်ကတော့ www.loadpot.net ဖြစ်ပါတယ်။ အဲဒီ Loadpot.net မှာ Free User, Register User နဲ့ Premium User ဆိုပြီး ခွဲထားပါတယ်။ Free User မှာ Upload Size ကို 100 Mb သာ လုပ်လို့ရမှာဖြစ်ပြီး တစ်နေ့ကို 1000 Mb သာ Download လုပ်လို့ရမှာပါ။ အဲဒီ ဖိုင်ကို ရက် ၃၀ ပြည့်ရင် Auto Delete  ဖြစ်သွားမှာ ဖြစ်ပါတယ်။
 
Register User တွေအတွက် 500 Mb Upload ရရှိမှာဖြစ်ပြီး Stroage Space က 1000 Mb ရမှာပါ။ တစ်ရက်ကို 1000 Mb Download လုပ်လို့ရမှာဖြစ်ပြီး Leech အတွက် တစ်နေ့ကို 50Mb လုပ်လို့ ရပါလိမ့်မယ်။ သိမ်းဆည်းထားတဲ့ ဖိုင်တွေကိုတော့ ရက် ၆၀ ပြည့်ရင် ဖျက်ပစ်မှာပါ။ Premium User အတွက်တော့ တစ်ခါတည်း 8000 Mb Upload လုပ်နိုင်ပြီး  30,000 Mb သိမ်းဆည်းထားနိုင်မှာပါ။ တစ်ရက်မှာ 10000 Mb Download ချနိုင်ပြီး သိမ်းထားတဲ့ဖိုင်တွေက Premium User ဖြစ်နေသရွေ့ ဘယ်တော့မှ ပျက်မသွားနိုင်တဲ့ အားသာချက်လည်း ရှိနေပါသေးတယ်။

ဘက်ထရီ ၇ နာရီခွဲကြာ အသုံးခံသည့် Notebook



Photo
MSI WIND U135DX ဟု အမည်ရသည်။ Atom N570 CPU ပါရှိသည့်အပြင် DDR3 Memory ကိုလည်း  ထောက်ပံ့ပေးနိုင်သည်။ အမြန်နှုန်းကို 1.66 GHz, L2 Cache 512 KB စွမ်းဆောင်ရည်ဖြင့် 2 Cores 4 Thread စနစ်ဖြင့် အလုပ်လုပ်ပေးနိုင်သည်။ Memory DDR3 1GB ပါရှိပြီး 2GB အထိ မြှင့်တင်နိုင်သည်။ 320 GB SATA HDD, HD စနစ် 2 Channel Speaker, Wireless LAN စသဖြင့် စုံလင်စွာပါရှိသည်။ ထူးခြားချက်အနေဖြင့် CPU ၏ Clock Speed ကို အတိုးအလျော့ ပြုလုပ်ပေးကာ Power သုံးစွဲမှုကို လျော့ချပေးနိုင်သည်။ တစ်ကြိမ် အားသွင်းထားပါက ၇ နာရီခွဲကြာ အသုံးပြုနိုင်သည်။ Price: 261,500 Ks Phone: 95-1-218041.

ကနဦး အင်တာနက် တပ်ဆင်သုံးစွဲခ အခမဲ့ ပေးတော့မည်

မည်သူမဆို အင်တာနက် သုံးစွဲနိုင်ရန်အတွက် ကနဦး အင်တာနက် တပ်ဆင်သုံးစွဲခများကို အခမဲ့ ပေးသွားနိုင်ရန် အကောင်အထည်ဖော် ဆောင်ရွက်သွားမည် ဖြစ်ကြောင်း ရတနာပုံ တယ်လီပို့ ကုမ္ပဏီလီမိတက်မှ သိရသည်။  “လူတိုင်းလူတိုင်း အင်တာနက် သုံးစွဲနိုင်ရေးအတွက် Zero Initial Set up Fee နဲ့ ဝန်ဆောင်မှု ပေးနိုင်ဖို့အတွက် အကောင်အထည်ဖော် ဆောင်ရွက်သွားမှာ ဖြစ်ပါတယ်” ဟု ရတနာပုံ တယ်လီပို့ ကုမ္ပဏီလီမိတက်မှ တာဝန်ရှိသူ တစ်ဦးက ပြောသည်။ (၁၁) ကြိမ်မြောက် အာဆီယံ ဆက်သွယ်ရေးနှင့် သတင်းအချက်အလက် နည်းပညာဆိုင်ရာ ဝန်ကြီးများအဆင့် အစည်းအဝေး အခမ်းအနား၌ နိုင်ငံတော် သမ္မတကြီးက မိန့်ကြားခဲ့သော မိန့်ခွန်းတွင် ၂၀၁၄ ခုနှစ်တွင် အာဆီယံ ဥက္ကဋ္ဌ တာဝန်ယူရန်အတွက် လိုအပ်သည့် ပြင်ဆင်မှုများ အားလုံးတွင်လည်း အိုင်စီတီကို အဓိကထားပြီး ဆောင်ရွက်သွားမည် ဖြစ်ကြောင်း၊ ကျေးလက်နေ ပြည်သူများအထိ အိုင်စီတီ အသုံးပြုမှု ပျံ့နှံ့သွားစေရေးတို့ အတွက် မိမိတို့ အစိုးရသစ် လက်ထက်တွင် တိုးချဲ့ ဆောင်ရွက်လျက်ရှိကြောင်း ပြောသည်။

“Connection ပိုင်းကို တစ်မြို့လုံး လွှမ်းခြုံမှု ရှိအောင်တော့ ဆောင်ရွက်ပေးထားတယ်။ ၈၅ ရာခိုင်နှုန်းလောက်တော့ ရတယ်။ ဒီက လိုင်းအခြေအနေက ကိုရီးယားနဲ့ စင်ကာပူထက် သုံးဆလောက် မြင့်တယ်။ တစ်ဦးချင်း သုံးစွဲတဲ့ User ပေါ်မှာ မူတည်တယ်။ ယူတဲ့ Service Plan ပေါ်မှာလဲ မူတည်တယ်” ဟု Red Link မှ Senior Vice President ဦးရှိန်းသူအောင်က ပြောသည်။ လက်ရှိ မြန်မာနိုင်ငံ၏ အင်တာနက် အသုံးပြုသည့် Subscriber သည် လေးသောင်းခန့်သာ ရှိသည့်အတွက် Population Penetration ၏ ၀ ဒသမ ၈ ရာခိုင်နှုန်းသာရှိပြီး အိမ်နီးချင်း အာရှနိုင်ငံများ၊ အာဆီယံနိုင်ငံများနှင့် ယှဉ်ကြည့်လျှင် ရာခိုင်နှုန်း နည်းပါးနေသေးကြောင်း သိရသည်။ ယခုအခါ WiMAX တိုးချဲ့ စီမံကိန်းအတွက် POP များ တိုးချဲ့ တည်ဆောက် ပြီးစီးခဲ့ပြီး ရန်ကုန်တိုင်းဒေသကြီး တစ်ခုလုံး၏ ၈၅ ရာခိုင်နှုန်း လွှမ်းခြုံမိအောင် တည်ဆောက်ထားကြောင်း၊ ယင်းအပြင် Coverage ရရှိသေးသည့် မြို့နယ်များကိုလည်း ချိတ်ဆက် ဆောင်ရွက်သွားမည်ဖြစ်ကြောင်း သိရသည်။ Red Link Broadband Wi-MAX Service တပ်ဆင်ပါက ကျပ်ခြောက်သိန်းသုံးသောင်း ကုန်ကျမည်ဖြစ်ပြီး Service Plan အနေဖြင့် သုံးမျိုး ခွဲခြားထားကြောင်း သိရသည်။

ဖူးပွင့်သော်

Ubuntu OS ပေါ်တွင် Truecrypt ကို Install ပြုလုပ်ပုံ



Photo
Ubuntu အသုံးပြုသူတွေအတွက် Ubuntu OS ပေါ်မှာ မိမိရဲ့ဖိုင်တွေ၊ ဖိုဒါတွေကို တခြားသူတွေ ဝင်ရောက်သုံးစွဲခြင်းမှ ကာကွယ်နိုင်ရန် အတွက် Truecrypt နဲ့ ကာကွယ်တားဆီးပုံကို ဖော်ပြလိုက်ပါတယ်။  TrueCrypt ကို Install ပြုလုပ်ဖို့အတွက် ပထမဦးဆုံး www.truecrypt.org/downloads ဆိုတဲ့ အင်တာနက်စာမျက်နှာကို သွားရမှာ ဖြစ်ပါတယ်။ TrueCrypt ဝက်ဘ်ဆိုက်ကို ရောက်ပြီဆိုရင် Windows အတွက်ရယ် Mac OS အတွက်ရယ်နဲ့ Linux အတွက်ရယ်ဆိုပြီး ဒေါင်းလုပ် လုပ်ဖို့ ပေးထားပါတယ်။ အဲဒီကမှ Linux ထဲကနေ ရွေးချယ်ပြီး ဒေါင်းလုပ် လုပ်ယူနိုင်ပါတယ်။ TrueCrypt ကို Install ပြုလုပ်ဖို့အတွက် ဒေါင်းလုပ် လုပ်ယူထားတဲ့ ဖိုင်ကို Desktop ပေါ် တင်ထားလိုက်ပါ။ Desktop ပေါ် တင်ထားပြီးပြီဆိုရင် Install ပြုလုပ်ဖို့အတွက်က မိမိနှစ်သက်သလို Graphic Mode နဲ့ Command Line Mode ကြိုက်နှစ်သက်သလို အလွယ်တကူ Install ပြုလုပ်နိုင်မှာ ဖြစ်ပါတယ်။ Graphic Mode ကနေ Install ပြုလုပ်မယ်ဆိုရင် ဒေါင်းလုပ်ပြုလုပ်ထားတဲ့ ဖိုင်ကို Rick Click နှိပ်ပြီး External Here ဆိုတာကို ရွေးချယ်ပြီး ကလစ်နှိပ်လိုက်ပါ။ ပြီးသွားရင်တော့ truecypt 7.1 a-setup-x86 ဆိုတဲ့ ဖိုင်တစ်ခု ထွက်လာပါလိမ့်မယ်။ အဲဒီဖိုင်ကို Double Click နှိပ်လိုက်ရင် Install ပြုလုပ်ဖို့အတွက် box တစ်ခု ကျလာမှာ ဖြစ်ပါတယ်။ အဲဒီ box မှာ Run in Terminal နဲ့ Run Button ကနေ နှစ်သက်ရာကို ရွေးချယ်ပြီး Install ပြုလုပ်နိုင်မှာ ဖြစ်ပါတယ်။ Command Line ကနေ Install ပြုလုပ်ချင်သူတွေအတွက် Desktop ရှိတဲ့ လမ်းကြောင်းကို သွားရမှာ ဖြစ်ပါတယ်။ Desktop ပေါ်ရောက်ဖို့အတွက် #cd/~Desktop ဆိုတဲ့ Command ကို အသုံးပြုရမှာ ဖြစ်ပါတယ်။ ပြီးရင်တော့ #./truecrypt7.1 a-setup-x86 ဆိုတဲ့ command ကိုရိုက်ထည့်ပြီး Install ပြုလုပ်နိုင်မှာ ဖြစ်ပါတယ်။ Install ပြုလုပ်ပြီးပြီ ဆိုရင်တော့ Dash home Button ကို ကလစ်နှိပ်လိုက်ပါ။ Shortcut နဲ့ခေါ်ဆိုပါက Super Key ကိုနှိပ်လိုက်ပါ။ Super Key ဆိုတာကတော့ Windows ပေါ်မှာဆိုရင်တော့ Windows Key ကို ခေါ်ပါတယ်။ ပြီးရင် TrueCrypt လို့ ရိုက်ထည့်လိုက်ပြီး Application ကို ဖွင့်နိုင်မှာ ဖြစ်ပါတယ်။ ဒါဆိုရင်တော့ TrueCrypt ကို Install ပြုလုပ်ခြင်း ပြီးပြည့်စုံသွားပြီ ဖြစ်ပါတယ်။

ဗြိတိန် ကုမ္ပဏီ တစ်ခုက ကမ္ဘာ့ ဈေးအသက်သာဆုံး Tablet ကွန်ပျူတာ ထုတ်လုပ်



Photo
ဗြိတိသျှ နည်းပညာ ကုမ္ပဏီတစ်ခုသည် လူတိုင်း အင်တာနက် အလွယ်တကူ အသုံးပြုနိုင်ရန် ရည်ရွယ်ချက်ဖြင့် Wireless ကွန်ရက်ဖြင့် ချိတ်ဆက်နိုင်သည့် ကမ္ဘာ့ ဈေးအသက်သာဆုံး Tablet ကွန်ပျူတာ တစ်ခုကို ဖန်တီးခဲ့ကြောင်း သိရှိရသည်။ အဆိုပါ Tablet ကွန်ပျူတာကို တစ်လုံးလျှင် ဗြိတိန်ငွေ (၂၂) ပေါင်မျှဖြင့် ဈေးကွက်ထဲ ဖြန့်ချီရန် ရည်ရွယ်ထားသည်။ Datawind က ၎င်းတို့၏ Aakash ကွန်ပျူတာ Tablet သည် ယခုလ နှောင်းပိုင်းတွင် ဈေးကွက်ထဲ စတင်ဖြန့်ချီရန် မျှော်လင့်ထားသည်။

အထူးသဖြင့် ဈေးကွက်ထဲတွင် Sony နှင့် Apple တို့၏ Tablet များနှင့် အပြိုင် လူသုံးများပြီး ကမ္ဘာ့အနှံ့ အလုံးရေ ဘီလျံနှင့်ချီ ဖြန့်ချီနိုင်ရန် Datawind က ရှေ့ရှုလျှက်ရှိသည်။ ဟင်ဒီဘာသာဖြင့် နိဗ္ဗာန်ဟု အဓိပ္ပါယ်ရသော Aakash ၏ အစောပိုင်း Version ကို ပြီးခဲ့သည့်နှစ်က IT စီမံကိန်း တစ်ခုအနေဖြင့် ယမန်နှစ်က ဖြန့်ချီခဲ့သေးသည်။ ယင်းကို အိန္ဒိယ အစိုးရက ငွေကြေး ထောက်ပံ့ပေးပြီး Datawind က Tablet ကွန်ပျူတာ အလုံးပေါင်း တစ်သိန်းကို အိန္ဒိယ ကျောင်းသားများအတွက် ထုတ်လုပ်ပေးခဲ့သည်။
 


Version အသစ်မှာ ယခင် Tablet ထက် Feature ပိုင်းတွင် ပိုမို စုံလင်ဖွယ် ရှိနေသည်။ ရောင်းဈေးမှာ (၂၂) ပေါင် (၃၅ ဒေါ်လာမျှ) ဖြစ်နိုင်ဖွယ် ရှိကြောင်း သိရသည်။ Datawind ၏ အမှုဆောင်ချုပ် ဆူနိဆင်းတူလီက “ဒီ Tablet အတွက် ကျွန်တော်တို့ဟာ သီးခြားအမှာစာ (၃) သန်းလောက် လက်ခံ ရရှိထားပါပြီ” ဟု ပြောကြားသွားသည်။ Aakash ၏ အနီးဆုံး ပြိုင်ဘက်သည် ပေါင်စတာလင် (၃၃၀) မျှဖြင့် ရောင်းချနေသည့် Apple ၏ iPad များ ဖြစ်လာဖွယ် ရှိနေသည်။ Aakash သည် iPad ကို နည်းပညာပိုင်းအရ ယှဉ်နိုင်ဖွယ် မရှိသေးသည့်တိုင် ဈေးနှုန်း ခကွာဟချက် အလွန်ကြီးမားနေခြင်းကြောင့် ဈေးကွက်နေရာကို ကျယ်ကျယ်ပြန့်ပြန့် ချုပ်ကိုင်ဖွယ် ရှိနေသည်။

ဆင်းက “iPad သုံးတဲ့သူတွေမှာ Laptop တွေ၊ ကွန်ပျူတာတွေ၊ တခြား Multimedia ပစ္စည်းတွေလည်း ပိုင်ဆိုင်ထားမှာပါ။ ဆင်းရဲနွမ်းပါးတဲ့ နိုင်ငံတချို့က ဝင်ငွေ နည်းပါးသူတွေကတော့ အင်တာနက် သုံးဖို့အတွက် ဈေးပေါတဲ့ ကွန်ပျူတာ တစ်လုံးကို မျှော်လင့်နေမှာပဲ။ ဒီအတွက် ကျွန်တော်တို့ အဓိက ကြိုးစားခဲ့တာပါ” ဟု ဆိုသည်။ လက်ရှိတွင် ကမ္ဘာပေါ်၌ မိုဘိုင်းလ်ဖုန်း သုံးစွဲသူ အရေအတွက်သည် (၆) ဘီလျံနီးပါး ရှိလာပြီး အင်တာနက် သုံးစွဲသူ အရေအတွက်မှာ (၂) ဘီလျှံမျှ ရှိနေသည်။ ဆင်းက Wireless ကွန်ရက်များ ဖြန့်ကျက်ထားပြီး အင်တာနက် ချိတ်ဆက်ရန် ဈေးပေါသည့် ကိရိယာများ ရှိနေပါက အင်တာနက် သုံးစွဲသူ အရေအတွက်သည် ယခုထက် တိုးပွားလာမည်ဟုလည်း သုံးသပ်ပြောဆိုသွားသည်။

Source: DailyMail

ပေါင်ပေါ်တွင် Laptop တင်၍ အသုံးပြုသူများအတွက် ဂျင်းဘောင်းဘီ



Photo
ပေါင်ပေါ်တွင် Laptop တင်ပြီး အသုံးပြုခြင်းကို အခြေခံကာ IT နည်းပညာသုံး ဂျင်းဘောင်းဘီ တစ်ခုကို ဖန်တီး တီထွင်လိုက်သည်။ အဆိုပါ ဂျင်းဘောင်းဘီ၏ ပေါင်နေရာတွင် Laptop မှ Keboard ကို ထည့်သွင်း တပ်ဆင်ထားပြီး ဘောင်းဘီ၌ Mouse နှင့် Speaker များပါ ပါရှိနေသည်။ ထို့ကြောင့် အခြားမည်သည့် ကွန်ပျူတာနှင့်မဆို ချိတ်ဆက်ကာ ဘောင်းဘီကို အကျိုးရှိရှိ အသုံးချနိုင်မည် ဖြစ်သည်။

နယ်သာလန်မှ ပညာရှင်များသည် Laptop များ၏ စွမ်းရည်ကို အပြည့်အဝ ပေးစွမ်းနိုင်မည့် ဂျင်းဘောင်းဘီ အသစ်တစ်မျိုးကို တီထွင်ရန် အင်နှင့်အားနှင့် ကြိုးပမ်းနေသည်။ Beauty and the Geek ဟု အမည်ပေးထားသည့် ဘောင်းဘီတွင် အပြည့်အဝ အလုပ်လုပ်သည့် Keyboard၊ Mouse နှင့် Speaker များ ပါဝင်သည်။ ဘောင်းဘီ ဒီဇိုင်းကို Nieuwe Heren ကုမ္ပဏီက တာဝန်ယူ ရေးဆွဲပြီး ဘောင်းဘီကို ဝတ်ဆင်ထားချိန်တွင် Keyboard ကြောင့် လှုပ်ရှားသွားလာမှု အနှောင့်အယှက် မဖြစ်ရအောင် ဖန်တီးထားသည်။


ဒီဇိုင်းပညာရှင် အဲရစ်ဒီနစ်ဂ်ျက “ပျော့ပြောင်းတဲ့ Keyboard၊ Speaker သေးသေးလေးတွေနဲ့ Mouse အငယ်စားလေး တစ်ခုကို ထည့်ပေးထားပါတယ်။ သူတို့ဟာ ရိုးရိုးဂျင်းဘောင်းဘီထက် နည်းနည်းပဲ အလေးချိန်ပိုမှာပါ။ ဒီဘောင်းဘီ ဝတ်ထားရင် ကိုယ့်ကွန်ပျူတာနဲ့ ဝေးဝေးမှာ ထိုင်နေရလည်း လှမ်းသုံးနိုင်ပြီပေါ့” ဟု ပြောဆိုသွားသည်။ ဂျင်းဘောင်းဘီ၏ ဒီဇိုင်းသည် ခေတ်လူငယ်များ အကြိုက်ဖြစ်ပြီး အသုံးမပြုချိန်တွင် Mouse ကိုလည်း သပ်သပ်ရပ်ရပ် သိမ်းဆည်းထားနိုင်သည်။ ယင်းဘောင်းဘီကို ဈေးကွက်အတွင်း ပေါင်စတာလင် (၂၅၀) မျှဖြင့် ဖြန့်ဖြူးရောင်းချဖွယ် ရှိနေကြောင်း သိရှိရသည်။

Source: DailyMail

Related Posts Plugin for WordPress, Blogger...

My Account