Tricks to Open Things

တစ်ခါတစ်ရံ သင်မောပန်းနေချိန်မှာဖွင့်ရခက်တဲ့ ဖန်ပုလင်းအဖုံး၊ အချိုရည်ပုလင်းဖုံးနဲ့ ၀ိုင်ပုလင်းဖုံးတို့ကို သိပ်အားစိုက် စရာမလိုဘဲ ပွင့်စေချင်တယ်ဆိုရင် အောက်ဖော်ပြပါနည်းလမ်းတွေကအသုံးဝင်စေမှာပါ။

သင့်အနေနဲ့ အဖုံးလုံအောင် ပိတ်ထားတဲ့ ဖန်ပုလင်းတစ်ခုကို ချက်ချင်းအလွယ် တကူဖွင့်နိုင်ဖို့က သိပ်မလွယ်ပါဘူး။ ဒါပေမယ့် စိတ်မပူပါနဲ့။ အဖုံးနားမှာ သားရေကွင်း ခပ်ထူထူကို အပတ်ပေါင်း များစွာပတ် လိုက်ခြင်းအားဖြင့် သင့်လက်ကို ချော်မထွက်စေဘဲ ကိုင်ရတာပိုမို မြဲမြံစေပြီး ဖွင့်ရလွယ်ကူ စေပါတယ်။ အဲဒါမှ ဖွင့်မရဘူးဆိုရင် ရာဘာလက်အိတ် စွပ်ပြီးဖွင့်ကြည့်ပါ။

ဒီနည်းလမ်း တွေကအလုပ် မဖြစ်ရင်လဲ ဇွန်းတစ်ချောင်းက အလုပ်ဖြစ်စေ ပါလိမ့်မယ်။ လက်တစ်ဖက်က ဖန်ပုလင်းကို မြဲမြဲကိုင်ထားပြီး တစ်ဖက်က ဇွန်းတစ်ချောင်းကိုင်ပါ။ ဖန်နဲ့အဖုံး ကြားလေးထဲက လမ်းကြောင်းထဲမှာ ဇွန်းကိုထည့်ပြီး ရှေ့နောက် တွန်းပြီးကလန့် လိုက်ပါ။ အဖုံးတွေ ချောင်သွားအောင်လို့ပါ။ လေထွက် လာတဲ့အသံကြားမှ ရပ်လိုက်ပြီး အဖုံးကို လှည့်ဖွင့်ကြည့်ပါ။    အလွယ်တကူ ပွင့်သွားပါ လိမ့်မယ်။

တချို့ကတော့ ဖန်ပုလင်းကို ဇောက်ထိုးထားပြီး အဲဒီလို လုပ်ကြပါတယ်။ အဲဒါတောင်မှ မပွင့်သေးရင် နောက်တစ်နည်း ရှိပါသေးတယ်။ အဖုံးကို အပူပေးတဲ့နည်းပါ။ သတ္တုတွေကို အပူပေးရင် ကျယ်ပြန့်လာတတ် တဲ့သဘောကြောင့် ဖွင့်ရတာ လွယ်သွားပါလိမ့်မယ်။ အပူပေးဖို့အတွက် ရေနွေးထဲမှာ အဖုံးကို တစ်မိနစ် လောက်ဖြစ်ဖြစ် နှစ်ထားပေး လို့ရပါတယ်။ ရေနွေးအလွယ် တကူမရရင် မီးခြစ်က မီးတောက်ကို သုံးပြီးတော့လဲ အပူပေးနိုင်ပါတယ်။

ဖောက်တံဝက်အူ အလွယ်တကူ မရချိန်မှာ ၀ိုင်ပုလင်းအဖုံး ကိုဘယ်လိုဖွင့်မလဲ? နည်းသိရင် လွယ်လွယ်လေးပါ။ ရှူးဖိနပ်တစ်ဖက် တော့လိုပါလိမ့်မယ်။ ၀ိုင်ပုလင်းရဲ့ အောက်ခြေကို ဖိနပ်ရဲ့ နောက်ပိတ်ထဲ ထည့်ပြီးနံရံနဲ့ ရိုက်ပေးရပါမယ်။ အောက်က video မှာ လုပ်ပုံလုပ်နည်းကို လက်တွေ့ ပြသထားတာ တွေ့ရပါတယ်။ ဒီနည်းက ပုလင်းထိပ်က ဖော့ဆို့ကို  ကျွတ်ထွက်လာအောင် ပုလင်းအောက်ကို နံရံနဲ့ ရိုက်ရာမှာ ပုလင်းမကွဲအောင် ကြားခံတစ်ခု ထည့်လိုက်တဲ့ သဘောပါပဲ။

ဒါဆို ဖောက်တံမရှိဘဲ အချိုရည်ပုလင်း ဖုံးတွေကို ရောဘယ်လိုဖွင့်မလဲ။ လွယ်ပါတယ်။ အဖုံးရဲ့ အစွန်းကို စားပွဲ ဒါမှမဟုတ် အင်္ဂတေမျက်နှာပြင် တစ်ခုခုမှာ ထိထားပြီး သင့်လက်နဲ့ အပေါ်က ရိုက်ချရုံပါပဲ။ (ဒါကိုတော့ တော်တော်များများ လုပ်နေကျ မဟုတ်လား)။ ဒီနည်းက အားနည်းနည်း သုံးဖို့လိုပြီး အင်္ဂတေမျက် နှာပြင်တွေ ပွန်းပဲ့သွားမှာတော့ သတိထားရပါမယ်။

http://www.youtube.com/watch?v=8EZZVIyVeQI&feature=player_embedded

နောက်တစ်နည်း ကတော့ ပုလင်းနှစ်လုံးရဲ့ အဖုံးအချင်းချင်း ကလန့်ပြီး ဖွင့်တဲ့နည်းပါ။ ပုလင်းနှစ်လုံးကို ခေါင်းချင်းဆိုင် တေ့ထားပြီး သန်တဲ့လက်နဲ့ ပုလင်းတစ်လုံး ကိုမြဲမြဲ ဆုပ်ကိုင်ထားပြီး နောက်တစ်လုံးရဲ့ အဖုံးကို ကလန့်ရပါမယ်။ အောက်က video မှာလက်တွေ့ပြ ထားပါတယ်။

http://www.youtube.com/watch?v=g4YcW3nbuMo&feature=player_embedded

ဖွင့်ရခက်တဲ့ အဖုံးတွေ ဖွင့်ဖို့ သင့်မှာတခြား tip and trick တွေရှိသေးရင်လဲပြောပြခဲ့ပါဦး။

Posted in: ဗဟုသုတ