နိုင်ငံများ၌ တစ်နိုင်ငံလုံးကိုပင် ပျက်စီးသွားစေနိုင်လောက်အောင် အင်အားပြင်းထန်သည့် ကမ္ဘာ့အားအကောင်းဆုံး ကွန်ပျူတာဗိုင်းရပ်စ်နှင့် ပတ်သက်၍ ကုလသမဂ္ဂက သတိပေးချက် ထုတ်ပြန်မည်

၂၀၁၀ ပြည့်နှစ်က အီရန်နိုင်ငံ၏ နျူကလီးယား အစီအစဉ်ကို တိုက်ခိုက်ခဲ့သော Stuxnet ဗိုင်းရပ်စ်ပြီးနောက်  တတိယမြောက် အဓိက ဆိုက်ဘာလက်နက်အဖြစ် Flame အမည်ရှိ ကွန်ပျူတာဗိုင်းရပ်စ် ထွက်ပေါ်လာသည်။

ယင်းမှာ Star Wars ရုပ်ရှင်ကားထဲမှ ဗီလိန်၏ အမည်ကို အစွဲပြုကာ မှည့်ခေါ်ထားခြင်း ဖြစ်သည်။ ယင်းသည် လုပ်ငန်းစဉ်အားလုံးကို ရပ်ဆိုင်းသွားစေကာ နိုင်ငံတစ်ခုလုံးကို ပျက်စီးသွားစေနိုင်လောက်အောင် ပြင်းထန်သောကြောင့်  ယင်းနှင့် ပတ်သက်၍ ကာကွယ်ရေးအတွက် အရေးပေါ် သတိပေးချက် ထုတ်ပြန်ရန် ကုလသမဂ္ဂက စီစဉ်နေပြီဖြစ်ကြောင်း သိရသည်။ ကုလသမဂ္ဂ ကွန်ပျူတာလုံခြုံရေး အကြီးအကဲ မာကိုအိုဘီဆိုက “ဒီဗိုင်းရပ်စ်ဟာ ကျွန်တော်တို့ တွေ့ကြုံဖူးသမျှထဲမှာ အဆိုးရွားဆုံး ဗိုင်းရပ်စ်ပါပဲ” ဟု ပြောကြားခဲ့သည်။ သူက အီရန်နိုင်ငံ၏ ကွန်ပျူတာစနစ်များထဲ ဖောက်ဝင်ရန်အတွက် အလွန်အင်အားပြင်းထန်သော ဗိုင်းရပ်စ် ပေါ်ပေါက်လာခြင်း ဖြစ်ကြောင်းလည်း ပြောကြားခဲ့သည်။

အစ္စရေးနိုင်ငံက ဆိုက်ဘာတိုက်ခိုက်မှု၏ နောက်ကွယ်၌ ၎င်းတို့ရှိနေသည် ဆိုခြင်းကို မေလ ၂၈ ရက်နေ့က ငြင်းဆိုလိုက်သည်။ ယခုပေါ်ပေါက်လာသော ဗိုင်းရပ်စ်သည် အလွန် ထူးထွေဆန်းပြားသော Spyware အမျိုးအစားဖြစ်ပြီး ဆူဒန်၊ ဆော်ဒီအာရေဗျ၊ လက်ဘနွန်နှင့် အီဂျစ်တို့အပါအဝင် အရှေ့အလယ်ပိုင်းဒေသရှိ ကွန်ပျူတာများကို ဟက်ကင်းလုပ်ရန် ပစ်မှတ်ထားခြင်းဖြစ်သည်ဟု ဆိုသည်။ သို့သော် အီရန်နိုင်ငံမှာ ပင်မပစ်မှတ်ဖြစ်သည်ဟု ဆိုသည်။ ယင်းသည် Malicious Software အများစုထက် အဆပေါင်း ၁၀၀ ခန့် ပိုမိုအားကောင်းသည်ဟု ဆိုသည်။ ယင်းကို ဖော်ထုတ်ခဲ့သည်မှာ ရုရှား အင်တာနက်လုံခြုံရေး ကုမ္ပဏီဖြစ်သော Kapersky ဖြစ်သည်။ ကုလသမဂ္ဂ ကွန်ပျူတာလုံခြုံရေး အကြီးအကဲ မာကိုအိုဘီဆိုက ကုလသမဂ္ဂ အဖွဲ့ဝင်နိုင်ငံများ၏ အရေးကြီးသော အခြေခံ အဆောက်အအုံများအနေဖြင့် အဆိုပါ ဗိုင်းရပ်စ်၏ အန္တရာယ်ရှိနေသောကြောင့် သတိပေးချက်ထုတ်ပြန်ရန် စီစဉ်ရခြင်းဖြစ်ကြောင်း သိရသည်။

(DM, 29.5.12)
NYM

Posted in: Virus, နည်းပညာ သတင်း