ရေပန်းစားလာသည့် All in one Computer များ

ရေပန်းစားလာသည့် All in one Computer ဆိုသည်မှာ စားပွဲတင် PC အမျိုးအစား ကွန်ပျူတာ၏ System Unit နှင့် Monitor တို့ကို တစ်ပေါင်းတည်း ပြုလုပ်ထားသော ကွန်ပျူတာ ဖြစ်သည်။  Apple ကုမ္ပဏီမှ ခပ်စောစော ကာလများကပင် ၎င်းအမျိုးအစား ကွန်ပျူတာများကို ထုတ်လုပ်ခဲ့ပြီး ၁၉၈၀ ပြည့်လွန် ကာလများက Original Macintosh များသည်လည်း ကောင်း ၁၉၉၀ နောက်ပိုင်းတွင် iMac ကွန်ပျူတာများသည် လည်းကောင်း ထင်ရှားသော Model များ ဖြစ်သည်။ All in one Computer များသည် အခြားသော Desktop အမျိုးအစား ကွန်ပျူတာများထက် ပိုမို ကျစ်လစ်ပေါ့ပါးပြီး ရွှေ့ပြောင်းသယ်ယူရ လွယ်ကူသည်။

နံရံမှ မီးပလပ် ဖြုတ်လိုက်ရုံဖြင့် တစ်နေရာမှ တစ်နေရာသို့ အလွယ်တကူ ရွှေ့ပြောင်း သယ်ယူနိုင်သကဲ့သို့ ၎င်းအတွက် နေရာချထားရာတွင်လည်း သမားရိုးကျ Desktop PC များထက် များစွာ ဝန်ကျဉ်းသည်။ Laptop ကွန်ပျူတာများနှင့် အလားတူစွာ All in one computer များသည်လည်း အလွန်ကျစ်လစ်စွာ  ဖွဲ့စည်း တည်ဆောက်ထားရသောကြောင့် မူလတပ်ဆင်ထားသည့် အစိတ်အပိုင်းများကို လဲလှယ်တပ်ဆင်ရန် (သို့) အဆင့်မြှင့်တင်ရန် ခက်ခဲနိုင်ပါသည်။ သို့ရာတွင် နောက်ပိုင်းထုတ် မော်ဒယ်များတွင်မူ အဆင့်မြှင့်တင်နိုင်သော အချို့ အစိတ်အပိုင်းများ တပ်ဆင် ထုတ်လုပ်လာကြသည်ကို တွေ့သည်။ ထို့ပြင် ၎င်း All in one computer များတွင် Touch Screen စွမ်းဆောင်ရည်များ ထည့်သွင်း တပ်ဆင် လာခြင်းသည်လည်း အားသာချက် တစ်ရပ်ဖြစ်သည်။ ယခင်က All in one computer ဈေးကွက်ကို Apple မှ iMac ကွန်ပျူတာများသာ ကြီးစိုးထားသော်လည်း HP Touch Smart IQ500t, Touch Smart IQ816 နှင့် Dell Studio One 19 စသည်တို့ကဲ့သို့ Multi Touch စွမ်းဆောင်ရည်များပါ ပါရှိသည့် စွမ်းဆောင်ရည်မြင့် All in one အမျိုးအစား ကွန်ပျူတာများ ထွက်ပေါ်လာ အပြီးတွင် All in one ဈေးကွက်အတွင်း ပြိုင်ဆိုင်မှု ကြီးထွားလာသည်။

သို့ရာတွင် Apple \ iMac PC သည် Performance အားဖြင့် ထိပ်ဆုံး အနေအထားတွင် ရပ်တည်နေဆဲပင် ဖြစ်သည်။ All in one PC များနှင့် Desktop Computer များ All in one PC များသည် ယခု လက်ရှိကာလတွင် စွမ်းဆောင်ရည်ပိုင်း၊ ဒီဇိုင်းပိုင်း၊ အရည်အသွေးပိုင်း၌ ယခင်နှစ်များထက် များစွာ တိုးတက်လာသည် မှန်သော်လည်း အမြင့်ဆုံး စွမ်းဆောင်ရည် အတွက်မူ နေရာ အကန့်အသတ် Processor အပူချိန်နှင့် Power အကန့်အသတ်များကြောင့် Desktop ကွန်ပျူတာကြီးများကို မယှဉ်ပြိုင်နိုင်သေးပေ။ အထူးသဖြင့် 3D Game နှင့် Video Graphic ဒီဇိုင်း ပြုလုပ်ခြင်းကဲ့သို့ အမြင့်ဆုံး Performance အတွက် အထူးပြု ထုတ်လုပ်ထားသည့် Dell's StudioXPS 435 နှင့် Alienware Aurora TM ကဲ့သို့ ကွန်ပျူတာများ၏  စွမ်းဆောင်ရည်ကို မယှဉ်ပြိုင်နိုင်သေးပေ။ သို့ရာတွင် All in one Computer တွင်လည်း များစွာသော အားသာချက်တို့ ရှိနေပါသည်။ ဈေးကွက်အတွင်း ရှိနေသော ၎င်းအမျိုးအစား ကွန်ပျူတာ အားလုံးလိုလိုတွင် အနည်းဆုံး Single Touch Display ပါရှိသည်။ ငွေအနည်းငယ် ထပ်သုံးနိုင်ပါက Multi Touch စွမ်းဆောင်ရည် ပါရှိသော Dell's Studio One 19 သို့မဟုတ် HP \ Touch Smart PCs တစ်မျိုးမျိုး ရရှိနိုင်သည်။

၎င်း Touch Screen စွမ်းဆောင်ရည်သည် မိသားစု ဖျော်ဖြေရေး အသုံးပြုသော ကွန်ပျူတာများ အတွက် လည်းကောင်း၊ ကလေးများ ပညာသင်ကြားခြင်း အထောက်အကူအဖြစ် လည်းကောင်း၊ သရုပ်ပြ ရှင်းလင်း တင်ပြရာတွင် လည်းကောင်း များစွာ အသုံးဝင်သော စွမ်းဆောင်ရည်တစ်ခု ဖြစ်သည်။ အခြား ကောင်းမွန်သော အချက်များမှာ Multimedia Speaker များ တစ်ခါတည်း  တပ်ဆင်ပါရှိခြင်း၊ Webcam ပါရှိခြင်း၊ Wireless Network များ ပါရှိခြင်းနှင့် TV Station များမှ ထုတ်လွှင့်သော Channel များ ဖမ်းယူရန် အချို့သော မော်ဒယ်များတွင် TV Tuner ပါရှိခြင်း စသည်တို့ ဖြစ်သည်။ Desktop Computer များသည် ပါရှိသည့် အစိတ်အပိုင်းတို့ကို ရိုးရှင်းစွာ အဆင့်မြှင့် လဲလှယ်ခြင်းဖြင့်  အလွယ်တကူ အသက် ဆက်နိုင်သော်လည်း All in one တွင် အစိတ်အပိုင်းများ လဲလှယ် အဆင့်မြှင့်တင်ရန် အကန့်အသတ် များစွာ ရှိနေသည်။ အချို့သော မော်ဒယ်များတွင် RAM, Hard Drive, Optical Drive, Fans စသည်တို့ လဲလှယ်နိုင်သော်လည်း အချို့တွင်မူ RAM နှင့် Hard Drive လောက်သာ လဲလှယ် တပ်ဆင်နိုင်ပါသည်။ Dell ကဲ့သို့သော အချို့ မော်ဒယ်များတွင်မူ မည်သည့် အစိတ်အပိုင်းမျှ လဲလှယ် မရသည်လည်း ရှိပါသည်။

All in one နှင့် Laptop Computer များ သင်၏ လိုအပ်ချက်သည် တစ်လုံးတည်းနှင့် အားလုံး ပြီးပြည့်စုံသည့် ကွန်ပျူတာတစ်လုံး ဖြစ်ပါက Laptop ကွန်ပျူတာများကိုလည်း ထည့်သွင်း စဉ်းစားနိုင်သည်။ Laptop ကွန်ပျူတာများသည် All in one computer များကဲ့သို့ နံရံတွင် ပလပ်ထိုးရန်ပင် မလိုဘဲ အသုံးပြုနိုင်သည်။ သို့ရာတွင် အများစုသော Laptop များသည် 12" နှင့် 14" Screen မျက်နှာပြင်များသာ ရှိပြီး 15" နှင့် အထက်များသည် ဈေးနှုန်း မြင့်တတ်ကာ Screen အရည်အသွေးမှာလည်း All in one computer လောက် မကောင်းတတ်ပေ။ ထို့ပြင် All in one computer ကဲ့သို့  21" Multitouch Screen လောက် ဖြစ်ရန်မူကား ခဲယဉ်းလှပေသည်။  အချုပ်အားဖြင့် ဆိုရသော် All in one Computer တစ်လုံး ဝယ်ယူရာတွင် နောင် အဆင့်မြှင့်တင်ရန် အနည်းငယ် ခက်ခဲနိုင်သဖြင့် မိမိ အသုံးပြုမည့် အနေအထားနှင့် စိတ်တိုင်းကျလောက်မည့် ဖွဲ့စည်း တည်ဆောက်ထားမှုကို သေသေချာချာ ရွေးချယ်ရန် လိုအပ်သည်။ Touch Screen များတွင် Single Touch နှင့် Multi Touch ကို သေချာစိစစ် ရွေးချယ်ရန် လိုအပ်ပါသည်။

ထို့ပြင် Computer Service Center များ အနေနှင့် သာမန်ထက်  အနည်းငယ် ပို၍ အနုစိတ် တည်ဆောက်ထားသော All in one Computer ကို ပြင်ဆင်ရန် အခက်အခဲ ရှိနိုင်သဖြင့် သက်ဆိုင်ရာ ကုမ္ပဏီ Service Center မှ နောက်ပိုင်း တာဝန်ယူ ပြင်ဆင်ပေးနိုင်မှုကိုပါ ဂရုပြု ရွေးချယ်ရန် လိုအပ်ကြောင်း တင်ပြလိုက်ရပါသည်။

ကိုငယ်လေး (မန္တလေး)

Posted in: နည်းပညာ သတင်း