စကားပြောဆိုမှုကို တားဆီးနိုင်မည့် လက်နက်ဆန်း ဂျပန်သုတေသီများ တီထွင်

စကားပြောနေသူ တစ်ဦးကို တုံ့ဆိုင်းထိုင်းမှိုင်းသွားစေကာ စကားမပြောနိုင်တော့အောင် ပြုလုပ်နိုင်သည့် လက်နက်တစ်မျိုးကို ဂျပန်သုတေသီများက တီထွင်လိုက်သည်။ အဆိုပါ ကိရိယာသည် စကားပြောသူ၏ ဦးနှောက်ကို ခေတ္တတုံ့ဆိုင်းသွားစေပြီး အသံပိုင်းဆိုင်ရာ အပြန်အလှန် ဆက်သွယ်မှုကို နှောင့်နှေးသွားစေ ခဲ့သည်။ ဂျပန်နိုင်ငံမှ သုတေသီများသည် ယခုကိရိယာကို ကြိုးစားတီထွင်ခဲ့ခြင်း ဖြစ်ပြီး မပြီးမစီးနိုင် ပြောဆိုနေသူများကို ဟန့်တားရာတွင် နည်းလမ်းကောင်း ဖြစ်လာစေဖွယ် ရှိနေသည်။

 

သုတေသီ နှစ်ဦးဖြစ်သည့် ကာဇူတာကာကူရီဟာရာနှင့် ကိုဂျီဆူကာဒါတို့က သေနတ်နှင့်တူသော အဆိုပါ လက်နက်ကို Speech Jammer ဟု အမည်ပေးထားပြီး စာသင်ခန်းများနှင့် စာကြည့်တိုက်များတွင် မလိုလားအပ်ဘဲ လေပေါနေသူများကို တားဆီးရန် ရည်ရွယ်ထားသည်။ စကားသံ ထွက်ပေါ်ရာနေရာကို အာရုံခံ သိရှိနိုင်သည့် အဆိုပါကိရိယာသည် မီတာ (၃၀) အကွာမှ ပစ်မှတ်ကို အသံတိတ်သွားအောင် တိကျစွာ စွမ်းဆောင်နိုင်သည်။ ဦးနှောက်၏ လုပ်ကိုင်စွမ်းရည်ကို ချုပ်ထိန်းလိုက်ခြင်းဖြင့် စကားပြောဆိုမှုကို ရပ်တန့်အောင် လုပ်ဆောင်ခြင်းဖြစ်သည်။

 

ထို့အပြင် အဆိုပါသေနတ်သည် မိုက်ကရိုဖုန်းဖြင့် ပြောဆိုနေသူတစ်ဦးထံသို့ ၎င်းပြောသည့် စကားသံကို (၀.၂) စက္ကန့်အတွင်း ပြန်လည် ရောက်ရှိသွားစေကြောင်း တွေ့ရသည်။ ယင်းနည်းပညာသည် လူတစ်ဦး စကားပြောသည့်အခါ ဦးနှောက်က မိမိ၏ ပါးစပ်မှ မည်သည့်စကားကို ပြောနေကြောင်း နားလည်နိုင်ရသည့်အသိကို အခြေခံကာ ဖန်တီးထားခြင်း ဖြစ်သည်။ “ပြောရရင်တော့ စကားပြောသူရဲ့ ဦးနှောက်ကို သူကိုယ်တိုင်ပြောနေတဲ့ စကားတွေ ပြန်ထည့်ပေးလိုက်ပြီး နှောင့်ယှက်လိုက်တာပါ” ဟု ဆူကာဒါက ရှင်းပြခဲ့သည်။ ယခုကိရိယာသည် စကားမပြောစေလိုသည့် နေရာများတွင် လူအများကို ရုပ်ပိုင်းဆိုင်ရာ မသက်မသာဖြစ်စေမှုမျိုးကို ရှောင်လွှဲပြီး တားဆီး ထိန်းချုပ်နိုင်မည် ဖြစ်ကြောင်း သိရှိရသည်။

Posted in: နည်းပညာ သတင်း