Y-talk Account ရှိသူ၊ မရှိသူများ အားလုံးကို အခမဲ့ ဖုန်းခေါ်ခွင့် ပေးပြီး Promotion ပြုလုပ်မည်

နိုင်ငံတကာသို့ ဖုန်းခေါ်ဆိုသည့် Ytalk Service ကို Promotion ပြုလုပ်သည့် အနေဖြင့် Ytalk Account ရှိသူ၊ မရှိသူများ အားလုံးကို အခမဲ့ ဖုန်းခေါ်ဆိုခွင့်ပေးရန် စီစဉ်လျက်ရှိကြောင်း  VMG Co., Ltd.က၂၅-၃-၂ဝ၁၂ ရက်တွင်သိရသည်။

 

“Ytalk ကို Promote လုပ်တဲ့အနေနဲ့ Account ရှိသူရော၊ မရှိသူကိုပါ နိုင်ငံတကာကို အခမဲ့ ဖုန်းခေါ်ဆိုခွင့်ပေးဖို့ စီစဉ်နေပါတယ်။ အဲဒါက မေလလောက်ဖြစ်ဖို့များတယ်။ ဖုန်းခေါ်ဆိုခွင့်ကို လူအကန့်အသတ် မထားပါဘူး။ ဒီ Calling Center မှာရှိတဲ့ ကွန်ပျူတာတွေနဲ့ ဖုန်းတွေ လောက်သလောက်ကို အခမဲ့ပေးမှာပါ။ ဖုန်းခေါ်ချင်တဲ့သူက ဒီမှာလာပြီး တန်းစီ ဆက်နိုင်ပါတယ်။ လူတစ်ယောက်ကို အချိန်တော့ သတ်မှတ်ပေးမှာပါ။ ငါးမိနစ်လား၊ ၁၀ မိနစ်လားတော့ မသတ်မှတ်ရသေးဘူး တိုင်ပင်နေတာပါ။ အချိန်အကန့်အသတ် မထားပေးရင် လူတစ်ယောက်ကို တစ်နာရီ၊ နှစ်နာရီ ပြောနေရင် ကျန်တဲ့သူတွေ သုံးချင်ရင် အဆင်မပြေမှာစိုးလို့ အချိန် ကန့်သတ်ပေးတာပါ” ဟု VMG.Co.,Ltd. မှ တာဝန်ရှိသူ တစ်ဦးဖြစ်သည့် စမိုင်းလ်က ပြောကြားသည်။ Ytalk Promotion အစီအစဉ်ကို Ytalking Calling Centerand Sale Office တည်ရှိရာ ရွှေမြယာ အိမ်ရာတွင် ပြုလုပ်မည်ဖြစ်ကြောင်း၊ လက်ရှိတွင် Y-talk Calling Center ၌ Ytalk Account ရှိသူ၊ မရှိသူများပါ နိုင်ငံတကာသို့ ဖုန်းခေါ်ဆိုရန် ဝန်ဆောင်မှု ပေးလျက်ရှိကြောင်း၊ Ytalk Account မရှိသူများ ဖုန်းခေါ်ဆိုလျှင် မြန်မာကျပ်ငွေဖြင့်သာ ဖုန်းခေါ်ဆိုခကို ပေးချေရမည်ဖြစ်ကြောင်း သိရသည်။

Posted in: နည်းပညာ သတင်း