အွန်လိုင်း ငွေပေးချေမှုဖြင့် Domain နှင့် Web Hosting များ ဝယ်ယူနိုင်ရန် စီစဉ်

အွန်လိုင်းမှ ငွေပေးချေကာ Domain နှင့် Web Hosting များကို ဝယ်ယူနိုင်ရန် စတင် ဝန်ဆောင်မှု ပေးသွားမည်ဖြစ်ကြောင်း World Wide Myanmar မှ မန်နေဂျင်းဒါရိုက်တာ ကိုမင်းအောင်က ပြောသည်။ 

ယခင်က Domain နှင့် Hosting များကို ဝယ်ယူရာတွင် ရောင်းချသည့် နေရာနှင့် တိုက်ရိုက်ငွေပေးချေပြီးမှ ဝယ်ယူရသော်လည်း ယခုအခါ အွန်လိုင်းအကောင့်မှ တစ်ဆင့် ကျသင့်ငွေကို ဖြတ်တောက်ယူသွားမည် ဖြစ်သည်။ “.com Domain နဲ့ Web Hosting တွေကို အွန်လိုင်း ငွေပေးချေမှုစနစ်နဲ့ စတင် ဝယ်ယူနိုင်မှာ ဖြစ်ပါတယ်။ ဈေးနှုန်းက ပုံမှန်ဝယ်ယူတာနဲ့ ကွာခြားမှာ မဟုတ်ပါဘူး။ လက်ရှိ .com နဲ့ .net တွေကို ဝန်ဆောင်မှုပေးနေတဲ့ နေရာမှာ .com က ပြည်တွင်း ငွေပေးချေမှု အကောင့်နဲ့ ဝယ်ယူနိုင်မှာ ဖြစ်ပြီး .net ကိုတော့ ပြည်ပငွေပေးချေမှု အကောင့်ဖြစ်တဲ့ Paypal တို့၊ Credit Card တို့နဲ့ ဝယ်ယူနိုင်မှာ ဖြစ်ပါတယ်” ဟု ကိုမင်းအောင်က ပြောသည်။ ထိုကဲ့သို့ အွန်လိုင်းငွေပေးချေမှု စနစ်ဖြင့် ဝယ်ယူနိုင်ရန်အတွက် Myan Pay နှင့် ချိတ်ဆက် ဆောင်ရွက်ထားကြောင်း သိရသည်။ ဝယ်ယူလိုသူများ အနေဖြင့် Myan Pay အကောင့် ရှိထားရမည် ဖြစ်ကာ ၎င်းအကောင့်မှ ဝယ်ယူခဲ့သည့် ကျသင့်ငွေကို ဖြတ်တောက်ယူသွားမည် ဖြစ်ကြောင်း သိရသည်။ “အရင်က Domain နဲ့ Hosting ဝယ်ယူသူတွေ အနေနဲ့ ရန်ကုန်မြို့တွင်းက ဝယ်ယူတာဆိုရင် ကိုယ်တိုင် ငွေလာသွင်းရတယ်။ နယ်က ဝယ်ယူတာဆိုရင် ဘဏ်ကနေပြီး ငွေလွှဲရပါတယ်။ ဝန်ဆောင်မှု စပေးဖို့ ငွေလက်ခံရပြီးတဲ့အထိ စောင့်ရတဲ့အတွက်ကြောင့် အနည်းဆုံး တစ်ရက်လောက်တော့ ကြာပါတယ်။ အခု အွန်လိုင်းငွေပေးချေမှု အကောင့်နဲ့ ချိတ်ထားတဲ့အတွက်ကြောင့်  ချက်ချင်း ဝန်ဆောင်မှု ပေးနိုင်မှာပါ” ဟု ၎င်းက ဆက်လက်ပြောကြားသည်။ ဝက်ဘ်ဆိုက် လိပ်စာမှာ www.worldwidemyanmar.com ဖြစ်သည်။

ထွန်းထွန်း

Posted in: လေ့လာစရာ Website ကောင်းများ