Member ၀င်ဖို့ ဖိတ်ခေါ်ပါတယ်ဗျာ...!!!

Sunday, July 29, 2012

အထွတ်အမြတ်ထားရာနှင့် လျှပ်ပေါ်လော်လည် အတွဲအဖက်များ



ကမ္ဘာပေါ်ရှိ မည်သည့်နိုင်ငံပင်ဖြစ်ပါစေ မိမိနိုင်ငံ၏ ရှေးဟောင်းယဉ်ကျေးမှု အမွေအနှစ်ကို နိုင်ငံ၏ပြယုဂ်တစ်ခုအဖြစ် တန်ဖိုးထားထိန်းသိမ်းကြသည်မှာ သံသယဖြစ်စရာ စိုးစဉ်းမျှမရှိချေ။ မြန်မာနိုင်ငံတွင်လည်း မြန်မာ့ယဉ်ကျေးမှုအမွေအနှစ်၊ ရှေးဟောင်းသမိုင်းဝင် အဆောက်အအုံများမှာ နိုင်ငံအနှံ့ လက်ညှိုးထိုးမလွဲအောင် များပြားပါသည်။ သို့သော် လူအချို့၏ လွဲမှားသော အသုံးချမှုများကြောင့် မြန်မာ့ယဉ်ကျေးမှု အမွေအနှစ်များအပေါ် မြန်မာပြည်သူအချို့၏ တန်ဖိုးထားမှုမှာ မေးခွန်းထုတ်စရာဖြစ်လာသည်။

မကြာသေးမီက မြန်မာဗုဒ္ဓဘာသာတို့၏ အထွတ်အမြတ်ထားရာ ဘုရားပုထိုးစေတီများကို နောက်ခံထား၍ မြန်မာ့ယဉ်ကျေးမှုနှင့် မကိုက်ညီဟု အများကသတ်မှတ်ထားသည့် ၀တ်စားဆင်ယင်မှုများဖြင့် ဓာတ်ပုံများ ရိုက်ကူးလာသည်ကို တွေ့လာရသည်။ ယင်းဓာတ်ပုံများအနက် လူမှုကွန်ရက်ဝက်ဘ်ဆိုက်များ၌ လူပြောအများဆုံး ဖြစ်လာသည့် ဓာတ်ပုံတစ်ပုံမှာ ပုဂံဘုရားများကို နောက်ခံထား၍ မော်ဒယ်တစ်ဦး၏ ခေတ်ဆန်သည့် ၀တ်စုံဒီဇိုင်းများဖြင့် ရိုက်ကူးထားသော ဓာတ်ပုံပင်ဖြစ်သည်။ ပြည်တွင်းလစဉ်ထုတ် မဂ္ဂဇင်းတစ်စောင်တွင် ဖော်ပြခဲ့သော ယင်းဓာတ်ပုံများကို မြန်မာဗုဒ္ဓဘာသာ စေတီပုထိုးများနှင့် မအပ်စပ်သည့် ဓာတ်ပုံများဟု အဆိုပါဓာတ်ပုံကို ကြည့်မိသူ ပရိသတ်အများစု၏ ဝေဖန်မှုများ ရှိလာသည်။

“ဘုရားဆိုတာ ဗုဒ္ဓဘာသာဝင်တွေရဲ့ အလေးအမြတ်ထားတဲ့ နေရာပါ။ ရှေးတုန်းက ဘုန်းကြီးတွေ၊ ရဟန်းသံဃာတွေ ကြွလာရင်တောင် ပခုံးပေါ်သဘက်တင်ရတာ။ ဒီလိုမလုံမခြုံပုံတွေနဲ့ ဘုရားကို  နောက်ခံထား ရိုက်တာဟာ ကိုယ့်မြန်မာတွေအနေနဲ့ မြန်မာ့ယဉ်ကျေးမှု၊ ရိုးရာဓလေ့ကို ဖောက်ဖျက်ရာရောက်တယ်။ လူမျိုးခြား၊ ဘာသာခြားတွေ အမြင်မှာလည်း တကယ့်အထွတ်အမြတ်ထားတဲ့ နေရာမှာ ကဲ့ရဲ့စရာ၊ ရှက်စရာ၊ လူအထင်သေးစရာ ရောက်မှာပေါ့။ မြန်မာမိန်းကလေးတွေက ကိုယ့်ယဉ်ကျေးမှု ကိုယ့်ဘာသာကိုမှ အလေးမထားရင် ဘယ်သူက အလေးထားမှာလဲ”ဟု အငြိမ်းစားအထက်တန်းပြ ကျောင်းဆရာမကြီးတစ်ဦးက ပြောသည်။

ပုဂံဒေသတွင် ရုပ်ရှင်၊ ဗီဒီယိုဇာတ်ကားများ ရိုက်ကူးလိုပါက တစ်နေ့တာအတွက် ရိုက်ကူးခနှုန်းထားမှာ ကျပ်ဆယ်သိန်းဝန်းကျင် ပေးဆောင်ရမည်ဟု သက်ဆိုင်ရာက သတ်မှတ်ထားသော်လည်း ယခုကဲ့သို့ မြန်မာ့ယဉ်ကျေးမှုနှင့် မကိုက်ညီသည့် ၀တ်စားဆင်ယင်မှုများနှင့် ရိုက်ကူးမှုကိုမူ ခွင့်ပြုထားသလားဟု ဝေဖန်မှုများလည်း ထွက်ပေါ်လာပြန်သည်။

“ဒီဓာတ်ပုံရိုက်တဲ့ မဂ္ဂဇင်းအဖွဲ့ဟာ ကျွန်တော်တို့ဌာနကို ခွင့်ပြုချက်ရယူ ရိုက်ကူးခဲ့တာ မဟုတ်ပါဘူး။ မော်ဒယ်လ်အမျိုးသမီးကို ကားပေါ်တင်ပြီး သာသနိကအဆောက်အအုံတွေမှာ လျှပ်တစ်ပြက်ရိုက်ကူးခဲ့တာ ဖြစ်ပါတယ်”ဟု ယဉ်ကျေးမှုဝန်ကြီးဌာန၊ ရှေးဟောင်းသုတေသန၊ အမျိုးသားပြတိုက်နှင့် စာကြည့်တိုက်ဦးစီးဌာနမှ ညွှန်ကြားရေးမှူး ဦးမျိုးညွန့်က ပြောကြားသည်။

ယင်းဓာတ်ပုံများ ရိုက်ကူးနေစဉ်ကာလကပင် ပုဂံရှိဒေသခံအချို့၏ မကျေနပ်မှုများကို ရင်ဆိုင်ခဲ့ရကြောင်း ဓာတ်ပုံရိုက်ကူးခဲ့သည့် ထက်အောင်ကျော်က ပြောသည်။ “ကျွန်တော်တို့ရိုက်နေတုန်း ဖြတ်သွားဖြတ်လာ လမ်းသွားလမ်းလာတွေက ပြောတယ်။ ဟာ...ပုဂံမှာ ဘယ်လိုလာရိုက်နေလဲ မသိဘူး။ ဒီလိုပုံစံနဲ့ မသင့်တော်ဘူးပေါ့”ဟု ဒေသခံများ၏ ပြောစကားကို ၄င်းကပြန်လည်ပြောကြားသည်။

ပုဂံဘုရားများနှင့် မော်ဒယ်၏ ခန္ဓာကိုယ်အစိတ်အပိုင်း အနည်းငယ်ပေါ်လွင်သော ၀တ်စုံတို့ဖြင့် ရိုက်ကူးခဲ့သော ယင်းဓာတ်ပုံများမတိုင်မီက ရန်ကုန်မြို့၏ အထင်ကရ တန်ခိုးကြီးစေတီတစ်ဆူဖြစ်သည့် ရွှေတိဂုံဘုရားကို နောက်ခံထား၍ စကတ်အတို၊ အကျလည်ဟိုက်တို့ ၀တ်ဆင်ထားသည့် မင်းသမီးတစ်ဦး၏ ဓာတ်ပုံများလည်း ထွက်ပေါ်လာခဲ့သည်။ “သရုပ်မှန်ဓာတ်ပုံဆရာ တစ်ယောက်အနေနဲ့ အနောက်တိုင်းယဉ်ကျေးမှုနဲ့ ကျွန်မတို့ရဲ့သာသနိကအဆောက်အအုံတွေနဲ့ တွဲဖက်ရိုက်တာမျိုး ရိုက်ကူးဖြစ်မယ် မထင်ဘူး။ မဂ္ဂဇင်းထုတ်ဝေသူဘက်က တောင်းဆိုလာရင်လည်း ပြောပြညှိနှိုင်းရမှာပေါ့။ ညှိနှိုင်းလို့ မရဘူးဆိုရင်လည်း ဒီအလုပ်ကို လက်မခံရုံပဲရှိတယ်။ အနှစ်ကိုးရာကျော်လောက်က ယဉ်ကျေးမှုအမွေအနှစ်တွေနဲ့ ဒီလိုပုံတွေ ရိုက်ဖို့က ကျွန်မရဲ့ခံယူချက်၊ အနုပညာ အာရုံဝင်စားမှုနဲ့ ကိုက်ညီမှုမရှိဘူး”ဟု ဓာတ်ပုံဆရာ မလိမ္မာ(မြန်မာစာ)က ပြောသည်။

ပြည်ပအဆိုတော် A Kon ၏ အမ်တီဗီ ဂီတဗီဒီယိုတစ်ခုတွင် ဗုဒ္ဓဆင်းတုတော်များကို မလျော်ကန်သော အသုံးပြုမှုများဖြင့် ထည့်သွင်းရိုက်ကူးထားသောကြောင့် ဗုဒ္ဓဘာသာကိုးကွယ်သည့် နိုင်ငံတို့မှ လူထုအချို့၏ အမျက်ဒေါသနှင့် ရင်ဆိုင်ခဲ့ရသည့် ဖြစ်ရပ်များ ရှိခဲ့ဖူးသည်။ ထို့ပြင် ယခုလတ်တလော မြို့ရွာကျေးလက်မကျန် ပရိသတ်အားပေးမှုကို ရရှိနေသည့် လူငယ်အဆိုတော်တစ်ဦး၏ ဗီစီဒီတွင်လည်း ဘုရားပရိဝုဏ်အတွင်း အဆိုတော်နှင့်အတူ တီးဝိုင်းသမားများ ဖိနပ်များစီးလျက် ရိုက်ကူးထားသော ပြကွက်များအပေါ် သတိထားမိသည့် ပရိသတ်များ၏ ဝေဖန်မှုများလည်း ထွက်ပေါ်နေပြန်သည်။

“ ဒါတွေကို စာမျက်နှာပေါ်တင်သင့်၊ မတင်သင့် ဆုံးဖြတ်ပိုင်ခွင့်က မီဒီယာသမားတွေဆီမှာ ရှိတယ်။ မြန်မာ့ယဉ်ကျေးမှု ဓလေ့ထုံးစံဆိုတာ ရှိတယ်လေ။ မီဒီယာတွေအပေါ်မှာ ဒါမျိုးတွေ ဖော်ပြလာတာ သဘောမကျဘူး။ အဲဒီအတွက် မီဒီယာသမားတွေမှာ တာဝန်ရှိပါတယ်”ဟု မန္တလေးမြို့ခံ စာကြည့်တိုက်မှူး ဦးအောင်မြင့်ဦးက ပြောသည်။

မီဒီယာအသီးသီးတွင် ဖက်ရှင်ကဏ္ဍအနေဖြင့် သီးသန့်တီထွင် ရိုက်ကူးနေကြသော ဖက်ရှင်အသားပေး ကဏ္ဍများစွာရှိကြပြီး ဖက်ရှင်ဒီဇိုင်းဖန်တီးမှုအပေါ် အကောင်းအဆိုး အကြောင်းအကျိုး ဝေဖန်မှုများ ရှိနေကြသည်။ ယခုဖြစ်ရပ်မှာတော့ ဖက်ရှင်ဒီဇိုင်းဖန်တီးမှု ၀တ်စုံများအပေါ် ဝေဖန်မှုထက် သာသနိကအဆောက်အဦများကို နောက်ခံထားပြီး ရိုက်ကူးခဲ့ခြင်းကြောင့်သာ ဝေဖန်ပြောကြားမှုများ ရှိလာခြင်းဖြစ်သည်။

“ကျွန်မတို့က မွေးကတည်းက ဒီနိုင်ငံမှာ မွေးခဲ့တာဆိုတော့ ဒီဇိုင်းတစ်ခုခုကို လုပ်မယ်လို့ စဉ်းစားမိတဲ့အခါ ဒီနိုင်ငံနဲ့ကိုက်ညီတဲ့ ဒီဇိုင်းကိုပဲဖန်တီးဖို့ စိတ်ကူးမိတယ်။ Antique (ရှေးဟောင်း)ပုံစံ

ရိုက်ချင်ရင် သာသနိကအဆောက်အအုံတွေ မဟုတ်တဲ့ ရှေးဟောင်းမြို့ရိုးတွေနဲ့ ရိုက်လို့ရပါတယ်။ ဒီလိုဘုရားတွေ နောက်ခံထားပြီး ရိုက်မယ်ဆိုရင် လိုက်ဖက်တဲ့ ၀တ်စုံဒီဇိုင်းတော့ ဖြစ်ရမှာပါ”ဟု မြန်မာဒီဇိုင်နာကလပ်အဖွဲ့ဝင်၊ ပြည်တွင်းပြည်ပ ဖက်ရှင်ရှိုးပွဲများစွာအတွက် ၀တ်စုံများ တီထွင်ချုပ်လုပ်သည့် ဖက်ရှင်ဒီဇိုင်နာ မပုံ့ (My Favourite)က ပြောသည်။

စာပေအမျိုးအစား ခြောက်မျိုးကို စာပေစိစစ်ရေးကို တင်ပြရန်မလိုဘဲ တင်ပြပြီးမှ ထုတ်ဝေသည့်စနစ်(တင်ထုတ်)မှ ထုတ်ဝေပြီးမှ တင်ပြသည့်စနစ်(တင်ထုတ်)သို့ ကူးပြောင်းခဲ့ပြီးနောက် စာပေစိစစ်ရေး တင်ပြစရာမလိုသည့် အမျိုးအစားထဲမှ ဖက်ရှင်အသားပေး စာနယ်ဇင်းများ၌ စာအရေးအသားဖော်ပြမှုများ၊ ဓာတ်ပုံဖော်ပြမှုများအပေါ် ပရိသတ်အချို့ အငြင်းပွားမှုများ ဖြစ်ပေါ်လာခဲ့ပြီး အချို့ကလည်း ယင်းဖော်ပြချက်များအပေါ် ကြိုဆိုမှုများ ရှိနေပြန်သည်။ သို့ရာတွင် ဘာသာရေးနှင့် ပတ်သက်သည့် ဖော်ပြချက်များနှင့် ပတ်သက်၍မူ ယင်းသို့မလုပ်ဆောင်သင့်ကြောင်း အများစုက သုံးသပ်ပြောကြားသည်။

ရွှေအမြုတေနှင့် အလင်းတန်းဂျာနယ် တာဝန်ခံအယ်ဒီတာ ဦးမျိုးမြင့်ညိမ်းက “လွတ်လပ်ခွင့်နဲ့အတူ တာဝန်ယူမှုရှိရမယ်။ လွတ်လပ်စွာရေးသားခွင့် ရှိတယ်ဆိုတိုင်း ရေးချင်တိုင်းရေးမယ်။ စည်းမဲ့ကမ်းမဲ့ တင်ပြချင်တိုင်း တင်ပြမယ်ဆိုရင် တာဝန်ယူမှုဆိုတာ မရှိနိုင်တော့ဘူး။ ကျွန်တော်တို့က အာရှနိုင်ငံသားတွေ ဖြစ်တဲ့အတွက် ယဉ်ကျေးမှုနဲ့ ကိုက်ညီဖို့လိုတယ်။ အရှက်အကြောက်တရား ရှိရမယ်။ ဘုရားပေါ်ကိုတက်ရင် စကတ်နဲ့ မတက်ရဘူးဆိုတာ တကယ်လိုအပ်လို့ ထုတ်ထားတဲ့စည်းကမ်း။ ဘုရားမှာ ကော့လန်ကန်ကားပုံစံ၊ မိဘနဲ့မောင်နှမ

သားအမိ အမြင်မတင့်တယ်တဲ့ ပုံစံမျိုး မလုပ်ရဘူးဆိုတာ မြန်မာဖြစ်ရင် လိုက်နာဖို့လိုတဲ့ လူမှုရေးကျင့်ဝတ်တွေပဲ။ ဒါစာနယ်ဇင်းကျင့်ဝတ်တောင် မဟုတ်ဘူး။ အယ်ဒီတာဆိုတာ မဂ္ဂဇင်းမှာလုပ်လိုက်တဲ့ ကိစ္စတိုင်းမှာ တာဝန်ယူရမယ်။ ကိုယ့်မဂ္ဂဇင်းရောင်းရဖို့ တစ်ခုတည်းကို ကြည့်လို့မရဘူး။ အယ်ဒီတာက စီးပွားရေးသမား မဟုတ်ဘူး။ သူပေးလိုက်တဲ့ မက်ဆေ့ခ်ျမှာ သူ့စေတနာ ပေါ်လွင်နေရမယ်။ ခုတောင် ဒီပြဿနာက ဖေ့စ်ဘွတ်ခ်မှာ ဝေဖန်နေပြီဆိုတော့ တာဝန်ရှိသူအနေနဲ့ ဖြေရှင်းဖို့လိုတယ်”ဟု ပြောကြားသည်။

မြန်မာနိုင်ငံတွင် နိုင်ငံခြားသား ခရီးသွားဧည့်သည်များ လာရောက်လည်ပတ်ရာ နေရာဒေသများဖြစ်ပြီး အထူးသဖြင့် ပွင့်လင်းလွတ်လပ်လာသော ယနေ့ကာလမျိုးတွင် မိမိတို့၏ တိုင်းရင်းသား ယဉ်ကျေးမှုအမွေအနှစ်များကို နိုင်ငံသားတို့က စံပြုအလေးထား တန်ဖိုးမြှင့်တင်ပေးမှသာ မိမိတို့၏ ယဉ်ကျေးမှုအမွေအနှစ်ကို တိုင်းတစ်ပါးသားတို့က တန်ဖိုးထား လေးစားတတ်မည်ဖြစ်သည်။

“ဒီပုံတွေကို ပုဂံမှာသွားရိုက်မယ်ဆိုတာတော့ သိတယ်။ ပုဂံရောက်မှ ၀တ်စုံကိုကြည့်တော့ ဗိုက်ပေါ်နေတာတို့၊ ကျောပေါ်နေတာတို့ ဖြစ်နေတာကို တွေ့လိုက်ရတာပါ။ နောက်ဆိုရင်တော့ ကျွန်တော်အတတ်နိုင်ဆုံး ဖက်ရှင်နဲ့ သာသနာ့နယ်မြေနဲ့ မတွဲမိအောင် လုံးဝရှောင်သွားမယ်”ဟု ဓာတ်ပုံများ ရိုက်ကူးခဲ့သည့် ဓာတ်ပုံထက်အောင်ကျော်က ပြောကြားခဲ့သည်။

“ပုဂံရှေးဟောင်းယဉ်ကျေးမှု အမွေအနှစ်ဒေသအတွင်း သာသနိကအဆောက်အအုံတွေကို နောက်ခံပြုပြီး မြန်မာ့ယဉ်ကျေးမှုနဲ့ မလျော်ညီတဲ့ သရုပ်ပျက်ဝတ်စားဆင်ယင်မှုနဲ့ ဓာတ်ပုံရိုက်ကူးတာကို ခွင့်မပြုပါဘူး။ ဘုရားပရိဝုဏ်အတွင်း စကတ်၊ ဘောင်းဘီမ၀တ်ရ၊ ရင်ဟိုက်၊ လည်ဟိုက်အကျ မ၀တ်ရဆိုတဲ့ ဆိုင်းဘုတ်တွေ စိုက်ထူထားပါတယ်။ မြန်မာ့ယဉ်ကျေးမှု၊ ဘာသာ၊ သာသနာအပေါ် နိုင်ငံခြားသားတွေ အထင်မလွဲမှားဖို့ လုံခြုံရေးဝန်ထမ်း အင်အားပေါ်မူတည်ပြီး ဘုရားတွေမှာ လှည့်လည်စစ်ဆေးသွားပါမယ်”ဟု ဦးမျိုးညွန့်က ပြောသည်။

လူမျိုးရှိလျှင် ရိုးရာရှိမည်။ ရိုးရာရှိလျှင် ယဉ်ကျေးမှုရှိမည်။ လူမျိုးတစ်မျိုး၏အဆင့်ကို ၄င်းတို့၏ ယဉ်ကျေးမှုအဆင့်အတန်းကိုကြည့်၍ သတ်မှတ်ဆုံးဖြတ်ကြသည်သာ ဖြစ်သည်။ လွန်ခဲ့သည့် လေးနှစ်ခန့်က မဲခေါင်ဒေသတွင်း နိုင်ငံတစ်နိုင်ငံဖြစ်သည့် လာအိုနိုင်ငံရှိ လွန်ပရာဘန်မြို့တော်ကို ကမ္ဘာ့ရှေ့ဟောင်း အမွေအနှစ်စာရင်းမှ ပယ်ဖျက်မခံရရေးအတွက် ယင်းမြို့တော်ဟောင်း ဗဟိုချက်၌ ဟိုတယ်သစ်များ တည်ဆောက်မည့်အစီအစဉ်ကို ဖျက်သိမ်းလိုက်သည်ဟု သိရသည်။ အခြားသော တိုင်းတစ်ပါးနိုင်ငံများတွင် မိမိတို့ဒေသတွင်း ဖွံ့ဖြိုးတိုးတက်မှု၊ စီးပွားရေးအကျိုးအမြတ် ရလိုမှုရှိပါလျက်နှင့်ပင် ငွေကြေးရလိုမှုတစ်ခုတည်း မကြည့်ဘဲ ယဉ်ကျေးမှုအမွေအနှစ်များကို အလေးထား ထိန်းသိမ်းစောင့်ရှောက်နေကြသည်။ မိမိတို့နိုင်ငံတွင် ဘာသာခြား၊ လူမျိုးခြားတို့၏အမြင်၌ မတင့်တယ်သော ၀တ်စားဆင်ယင်မှုများဖြင့် ယဉ်ကျေးမှုအမွေအနှစ်များကို အသုံးချနေခြင်းအား ရှောင်ရှားကြရန် ၀ိုင်းဝန်းထိန်းသိမ်းသွားရမည်သာ ဖြစ်ပါသည်။
ရေးသားသူ- အေးသူစံ

by 7Day News Journal

0 comments:

Post a Comment

သူငယ်ချင်း... ဒီပို့စ်လေးနဲ့ပတ်သက်ပြီးတော့ သူငယ်ချင်းရဲ့ အမြင်လေးကို ဖော်ပြပေးပါဦး။သူငယ်ချင်းရဲ့ comment တစ်ခုဟာ ကျွန်တော့်အတွက် အားဆေးတစ်ခွက်ပါ။ဒါကြောင့် အမှတ်တရ စကားလေးတွေ ပြောပြီး အကြံဥာဏ် လေးတွေ ပေးခဲ့ပါဦးဗျာ။

သူငယ်ချင်း... မှတ်ချက်ပေးလိုပါက အကွက်ထဲ ရေးချင်တာ ရေးပြီး အရင်ဆုံး
WORD VERIFICATION မှ ကုဒ်နံပတ်များကို မှန်ကန်စွာ ရိုက်ထည့်ပါ။

Google အကွက်လေးကို နှိပ်ပါ။ Name/URL ရွေးနှိပ်ပါ။ ပြီးရင် Name မိမိနာမည်
URL နေရာလေးတွင် မိမိရဲ့ဆိုက်လိပ်စာ ဒါမှမဟုတ် (အီးမေး)ရေးပြီး Publish Your
Comment နေရာလေးကို နှိပ်ပါ။

စာဖတ်သူများ ရေးသားလာသော မှတ်ချက်များကို စီစစ်၍သာ လက်ခံ ဖော်ပြပေး
နေပါ၍ စာဖတ်သူများ ပေးလာသော မှတ်ချက် များကို ချက်ချင်းမြင်ရမည်
မဟုတ်ပါ။

ထို့ကြောင့် အတည်ပြုပြီးကြောင်းကိုတော့ နောက်ထပ်တစ်ကြိမ် ပြန်လည်လာရောက်ကြည့်ရှုဖို့တော့ ဖိတ်ခေါ်လိုက်ပါတယ်နော်။

လာရောက်ဖတ်ရှုတဲ့ သူငယ်ချင်းတို့ကို ခင်မင်လေးစားလျက်.......
ရွှေမန်းသားလေးဝေယံ (နည်းပညာ)

Related Posts Plugin for WordPress, Blogger...

My Account