Member ၀င်ဖို့ ဖိတ်ခေါ်ပါတယ်ဗျာ...!!!

Sunday, July 29, 2012

တာယာတွေ ဘယ်လို အလုပ်လုပ်သလဲ



Photo
ပထမဆုံး လေထိုးရတဲ့ တာယာတွေကို Scot John Boyd Dunlop က သူ့သား စက်ဘီးစီးရာမှာ သက်တောင့်သက်သာ ဖြစ်စေဖို့အတွက် တီထွင်ခဲ့ပါတယ်။  ချိုင့်ခွက်တွေထဲ စက်ဘီးရဲ့ ဘီးတွေကျတဲ့အခါမှာ ခေါင်းမူးတယ်လို့ သူ့သားက မကြာခဏ ပြောတဲ့အတွက် သက်တောင့်သက်သာ ရှိစေမယ့် လေထိုးတာယာမျိုး တီထွင်ဖန်တီးဖို့အတွက် စိတ်ကူးရခဲ့ခြင်း ဖြစ်ပါတယ်။

ဒါပေမဲ့ တာယာကို အစကနဦး တီထွင်ခဲ့တဲ့ Robert William Thomson ကိုလည်း တရားဝင် လေးစားသမှု ပြုခဲ့ပါသေးတယ်။ ဒီကုမ္ပဏီကို နှစ်ဆယ်ရာစုရဲ့ နှစ်ဦးပိုင်းတွေမှာ စတင်တည်ထောင်ခဲ့တာ ဖြစ်ပါတယ်။ အဲဒီခေတ်မတိုင်ခင်တုန်းက ကမ္ဘာ့တာယာဈေးကွက်ရဲ့ ခြောက်ဆယ်ရာခိုင်နှုန်းကို ကုမ္ပဏီသုံးခုကပဲ အုပ်စိုးထားခဲ့တာ ဖြစ်ပါတယ်။ အခုအချိန်မှာတော့ ကုမ္ပဏီပေါင်း လေးရာကျော်လောက်က တစ်နှစ်ကို တာယာ တစ်ဘီလျံထက်ပိုတဲ့ တာယာတွေကို ဈေးကွက်ထဲ ဖြန့်ဖြူး ထုတ်လုပ် ရောင်းချနေပြီ ဖြစ်ပါတယ်။

တာယာတွေကို ဝိုင်ယာနဲ့ ဖိုင်ဘာတွေ ပေါင်းစပ်ထားတဲ့ ကျုံ့လွယ်ဆန့်လွယ်တဲ့ ရော်ဘာအမျိုးအစားတွေနဲ့ ထုတ်လုပ်ထားခြင်း ဖြစ်ပါတယ်။ စက်တပ်ယာဉ်တွေမှာ အသုံးပြုနေတဲ့ တာယာတွေဟာ ဘရိတ်အုပ်ခြင်း၊ ဝန်တင်ခြင်း၊ ရွေ့လျားသွားလာခြင်းနဲ့ ထိန်းသိမ်း မောင်နှင်ခြင်းတွေမှာ သက်သောင့်သက်သာရှိဖို့နဲ့ လွယ်ကူ မြန်ဆန်စေဖို့အတွက် အထောက်အကူပြုပါတယ်။ ချိုင့်တွေ၊ ကျင်းတွေပေါ် ဖြတ်သန်းမောင်နှင်ရတဲ့အခါ ခံစားရတဲ့ တုန်ခါမှုတွေကို စုပ်ယူပေးသလို စီးနင်းလိုက်ပါသူတွေ သင်သောင့်သက်သာ ရှိစေဖို့အတွက်လည်း တာယာတွေက အကူအညီတွေပေးပါတယ်။ အသုံးချမှုအမျိုးမျိုးတွေ အပေါ်မှာ မူတည်ပြီးတော့ တာယာတွေဟာလည်း ပုံသဏ္ဌာန်၊ အရွယ်အစားနဲ့ အမျိုးအစားများစွာ ကွဲပြားခြားနားပါတယ်။ အဓိက ထုတ်လုပ်တဲ့ အမျိုးအစား သုံးမျိုးကတော့ Solid, Biasply နဲ့ Radial အမျိုးအစားတွေပဲ ဖြစ်ပါတယ်။

Tire Pressure Gauge (တာယာအတွင်း လေဖိအားတိုင်း ကိရိယာ)ကို အသုံးပြုပြီး တာယာတွေကို စစ်ဆေးခြင်းဖြင့်လည်း သင့်ကားကို ပြုပြင်ထန်းသိမ်းရမယ့် အကြိမ်အရေအတွက်ကို လျှော့ချနိုင်ပါတယ်။ တိုင်းတာရရှိတဲ့ လေဖိအားအပေါ် မူတည်ပြီး တာယာအတွင်းရှိ ကျွတ်များလဲခြင်းနဲ့ တာယာအလုံးလိုက် လဲပစ်ခြင်းတွေကို ပြုလုပ်နိုင်သလို မျက်မြင်အခြေအနေပေါ် မူတည်ပြီးလည်း ဆုံးဖြတ်နိုင်ပါတယ်။ မောင်းနှင်သူရဲ့ ကျွမ်းကျင်မှု၊ ထိန်းသိမ်းကိုင်တွယ်မှုနဲ့ လမ်းရဲ့ အခြေအနေတွေပေါ် မူတည်ပြီး တာယာတွေရဲ့ သက်တမ်းဟာ အမျိုးမျိုး ကွဲပြားနိုင်ပါတယ်။

တစ်ခါတစ်ရံမှာ ကားတွေရဲ့ လေးဖက်လေးတန်စလုံးမှာ တပ်ဆင်ထားတဲ့ တာယာတွေထဲမှာ တာယာတွေထဲမှာ တစ်လုံးတလေဟာ အမျိုးအစား ကွဲပြားနေတတ်ပါတယ်။ အဲဒီလို ကွဲပြားခြင်းဟာ လေးတဲ့ ပစ္စည်းတွေ တင်တဲ့အချိန်၊ ဒါမှမဟုတ် စိုစွတ်တဲ့ လမ်းတွေပေါ် မောင်းနှင်တဲ့ အချိန်တွေမှာ ဒုက္ခပေးနိုင်ပါယ်။ ဒါကြောင့် ဖြစ်နိုင်ရင် ကားတစ်လုံးရဲ့ တာယာတွေဟာ အမျိုးအစားတူတွေပဲ ဖြစ်သင့်ပါတယ်။ သံတိုသံစတွေ၊ ပုလင်းကွဲတွေနဲ့ အခြားချွန်ထက်တဲ့ အရာဝတ္ထုတွေဟာလည်း တာယာတွေကို အဓိက ပျက်စီးစေတဲ့ရန်သူတွေ  ဖြစ်ပါတယ်။ အကြောင်းတစ်စုံတစ်ရာကြောင့် ဘီးပေါက်သွားခဲ့တယ်ဆိုရင် ဆပ်ပြာရည်ကို ကားတာယာပေါ် လောင်းချပြီး ပူဖောင်းလေးတွေ ထွက်ပေါ်လာတဲ့ နေရာကို ကြည့်ခြင်းဖြင့် လေစိမ့်နေတဲ့နေရာကို သိနိုင်ပါတယ်။

Tire Pressure Gauge လို့ ခေါ်တဲ့ ကိရိယာဟာ ကားတာယာအတွင်းမှာရှိတဲ့ လေထုဖိအားကို တိုင်းတာဖို့အတွက် ထုတ်လုပ်ထားတဲ့ ကိရိယာတစ်မျိုး ဖြစ်ပါတယ်။ သာမန်အားဖြင့် လေဖိအား ဘယ်လောက်ရှိတယ်ဆိုတာ အရေးမကြီးဘူးလို့ ထင်ရပေမယ့် မှန်ကန်တဲ့ လေဖိအားက ကားရဲ့ မိုင်နှုန်းနဲ့ စွမ်းဆောင်ရည်ကို အထောက်အပံ့ပေးပါတယ်။ Pressure Gauge တွေကို သေးငယ်တဲ့ ဖိအားပြ ဒိုင်ခွက်တစ်ခုကို ထည့်သွင်းပြီး ထုတ်လုပ်ထားလေ့ ရှိပါတယ်။ Gauge တွေရဲ့ ဒီဇိုင်းဟာ ကျွန်တော်တို့ မြန်မာနိုင်ငံမှာရှိတဲ့ လေထိုး၊ ကျွတ်ဖာဆိုင်တွေမှာ အသုံးပြုနေကြတဲ့ Internal Slide စတိုင်လ်တွေကစလို့ ဒီဂျစ်တယ် ဒိုင်ခွက်တွေအထိ အမျိုးအစား စုံပါတယ်။ ပုံမှန်အားဖြင့် Pressure gauge တွေဟာ +/- 3 PSI ကို ညွှန်ပြကြပေမယ့် ပိုမိုခေတ်မီတဲ့ Gauge တွေကတော့ +/- 1 PSI အထိ ညွှန်ပြပေးနိုင်ကြပါတယ်။

Run Flat Tire

နောက်ဆုံးထွက်ရှိလာတဲ့ တာယာအမျိုးအစား တစ်မျိုးကတော့ 'Run Flat' တာယာတွေ ဖြစ်ပါတယ်။ ဒီတာယာတွေဟာ ကားဘီးပေါက်သွားရင်တောင်မှာ ဆက်ပြီး မောင်းနှင်လို့ရတဲ့ တာယာတွေ ဖြစ်ပါတယ်။ Run Flat တာယာအမျိုးအစား နှစ်မျိုးရှိပါတယ်။ ပထမတစ်မျိုးက အဓိက တာယာကြီးအတွင်းမှာရှိတဲ့ လေဖိအား လျော့ကျသွားရင် အရန်ထားရှိတဲ့ လေထုနဲ့ အစားထိုးပြီး ဆက်လက်မောင်းနှင်တဲ့ အမျိုးအစားဖြစ်ပြီး ဒုတိယတစ်မျိုးက ပိုထူတဲ့ ရော်ဘာနံရံတွေနဲ့ တာယာရဲ့ နံရံတွေကို တည်ဆောက်ထားပြီး ကားတစ်စီးလုံးရဲ့ အလေးချိန်နဲ့ အရှိန်ကို လေမရှိဘဲ ဒါမှမဟုတ် လေနည်းနည်းနဲ့ပဲ မောင်းနှင်နိုင်အောင် တည်ဆောက်ထားခြင်း ဖြစ်ပါတယ်။ Run Flat တာယာ နှစ်မျိုးစလုံးစာ သာမန်တာယာတွေထက် ပိုပြီး ဈေးကြီးပါတယ်။ ဒါပေမဲ့ ဒီတာယာတွေဟာ တာယာဆိုင်တွေနဲ့ ခပ်ဝေးဝေးမှာ ဘီးပေါက်သွားရင် တွေ့ကြုံရမယ့် အခက်အခဲတွေနဲ့ နှိုင်းယှဉ်ရင် ဈေးကြီးတယ် ဆိုပေမယ့် သုံးပျော်ပါတယ်။

Run Flat တာယာတွေဟာ အသုံးပြုသူတွေကြားမှာ လူကြိုက်များလာတာနဲ့အမျှ တာယာကုမ္ပဏီတွေကလည်း အပြိုင်အဆိုင် ထုတ်လုပ်လာကြလို့ ဈေးနှုန်းတွေဟာလည်း တဖြည်းဖြည်း လျော့နည်းလာပြီ ဖြစ်ပါတယ်။ ဒါကြောင့် သိပ်မဝေးတော့တဲ့ တစ်ချိန်မျာတော့ လူတိုင်းဟာ ကျွန်တော်တို့ ဒီနေ့ အသုံးပြုနေတဲ့ သမားရိုးကျ တာယာတွေရဲ့ နေရာမှာ Run Flat တာယာတွေကို အသုံးပြုလာကြတော့မှာ ဖြစ်ပါတယ်။

ထက်နေ

0 comments:

Post a Comment

သူငယ်ချင်း... ဒီပို့စ်လေးနဲ့ပတ်သက်ပြီးတော့ သူငယ်ချင်းရဲ့ အမြင်လေးကို ဖော်ပြပေးပါဦး။သူငယ်ချင်းရဲ့ comment တစ်ခုဟာ ကျွန်တော့်အတွက် အားဆေးတစ်ခွက်ပါ။ဒါကြောင့် အမှတ်တရ စကားလေးတွေ ပြောပြီး အကြံဥာဏ် လေးတွေ ပေးခဲ့ပါဦးဗျာ။

သူငယ်ချင်း... မှတ်ချက်ပေးလိုပါက အကွက်ထဲ ရေးချင်တာ ရေးပြီး အရင်ဆုံး
WORD VERIFICATION မှ ကုဒ်နံပတ်များကို မှန်ကန်စွာ ရိုက်ထည့်ပါ။

Google အကွက်လေးကို နှိပ်ပါ။ Name/URL ရွေးနှိပ်ပါ။ ပြီးရင် Name မိမိနာမည်
URL နေရာလေးတွင် မိမိရဲ့ဆိုက်လိပ်စာ ဒါမှမဟုတ် (အီးမေး)ရေးပြီး Publish Your
Comment နေရာလေးကို နှိပ်ပါ။

စာဖတ်သူများ ရေးသားလာသော မှတ်ချက်များကို စီစစ်၍သာ လက်ခံ ဖော်ပြပေး
နေပါ၍ စာဖတ်သူများ ပေးလာသော မှတ်ချက် များကို ချက်ချင်းမြင်ရမည်
မဟုတ်ပါ။

ထို့ကြောင့် အတည်ပြုပြီးကြောင်းကိုတော့ နောက်ထပ်တစ်ကြိမ် ပြန်လည်လာရောက်ကြည့်ရှုဖို့တော့ ဖိတ်ခေါ်လိုက်ပါတယ်နော်။

လာရောက်ဖတ်ရှုတဲ့ သူငယ်ချင်းတို့ကို ခင်မင်လေးစားလျက်.......
ရွှေမန်းသားလေးဝေယံ (နည်းပညာ)

Related Posts Plugin for WordPress, Blogger...

My Account