ကမ္ဘာကြီးကို ပြန်လည်ဖန်တီးခဲ့သူများ

ပါရမီရှင်များ၊ ဘီလီယံနာကြီးများ၊ စိတ်ကူးကောင်းသူများက ကမ္ဘာကြီးကို ပြန်လည်ဖန်တီးခဲ့ပါတယ်။ သူတို့ဟာ နည်းပညာနဲ့ ကမ္ဘာကိုပြုပြင်ပြောင်းလဲခဲ့တယ်။ နည်းပညာလက်နက်ကို ကိုင်စွဲပြီးတော့ တော်လှန်ရေးတစ်ရပ် ဆင်နွှဲကာ ကမ္ဘာကို ပြန်လည်ပြုပြင်တည်ဆောက်ခဲ့ပါတယ်။
သူတို့ဟာ အများနဲ့မတူ တစ်မူထူးပြီး ခပ်ကြောင်ကြောင်လူစားတွေလည်း ဖြစ်နေတတ်ပါတယ်။ ဒါပေမယ့် တီထွင်ထိုးဖောက်နိုင်တဲ့ စွမ်းအားတွေကတော့ အများနဲ့မတူတာကြောင့်လည်း ထင်ရှားလာခဲ့သူတွေဖြစ်တယ်။ တီထွင်မှု သမိုင်းမှာ သူတို့စွမ်းဆောင်ချက်တွေကို ပယ်ဖျက်လို့မရနိုင်လောက်အောင် ချန်ထားခဲ့ပါလိမ့်မယ်။
တီထွင်ဖန်တီးမှုဆိုတာ အလုပ်၊ စီးပွားရေး၊ ကြီးပွားရေးတွေနဲ့လည်း တစ်နည်းမဟုတ် တစ်နည်း ပတ်သက်နေတတ်ပါ တယ်။ တကယ်တော့ သူတို့တီထွင်ခဲ့တာတွေကို ကျွန်တော်တို့က အလွယ်လေးသုံးနိုင်ကြပေမယ့် သူတို့ အားထုတ်ခဲ့ရတာတွေကတော့ ဘ၀နဲ့ရင်းခဲ့ကြရတာတွေ အများကြီးရှိပါလိမ့်မယ်။

Read More

LINUX စသုံးမည့်သူများ သိသင့်စရာအဖျာဖျာ

Operation System အမျိုးအစားတစ်ခု
လွန်ခဲ့တဲ့ နှစ်နှစ်လောက်က စပြီးတော့ Operation system ဆိုတာ ထည့်ပြောစရာမလိုတဲ့ အခြေအနေဖြစ်နေပါပြီ။ ဘာလို့လည်းဆိုတော့ အဓိကကျတဲ့ ကွန်ပြူတာနဲ့ လုပ်မယ့် အလုပ်တွေ အားလုံးနည်းပါးက အွန်လိုင်းကနေပဲ လုပ်တာ ဖြစ်တော့ browser တွေသာ အဓိက အခန်းကဏ္ဍက ဖြစ်နေပါတယ်။ ဒါကြောင့် Operation system ဆိုတာ့ နောက်ကွယ်ကပဲ သူလုပ်ရမယ့်အလုပ်တွေ လုပ်တာဖြစ်ပြီး အသုံးပြုသူက ဘယ် Operation system ကို သုံးနေသလည်းဆိုတာ သိစရာ မလိုတဲ့အနေအထားဖြစ်နေပါတယ်။ အဲဒီတော့ Operation system ဆိုတာ user တွေ အသုံးပြုမယ့် ဆော့ဝဲ တွေနဲ့ computer မှာ ရှိတဲ့ hardware တွေကို ချိတ်ဆက်ပေးတဲ့ ကြားခံ တစ်ခုလို့ပဲသိထားရရင်ရလောက်ပါပြီ။

Read More

အိုင်တီသမားဖြစ်ချင်ရင် ဒါတွေ ခံနိုင်ရည် ရှိပြီလား

Knowledge ခေတ်ရဲ့ အသက်မွေးဝမ်းကျောင်း အလုပ်တိုင်းမှာ စိမ်ခေါ်မှုတွေ များပြားလာတာ ကမ္ဘာတစ်ဝှမ်းလုံး ဖြစ်ပါတယ်။ အထူးသဖြင့် IT နဲ့ အသက်မွေးဝမ်းကျောင်းပြုလုပ်သူတိုင်း ပိုသတိထားမှာပါ။ ဘယ်သူဖြစ်ဖြစ် ပညာအလုပ်ရဲ့စိန်ခေါ်မှုတွေကို မခံနိုင်ဘူးဆိုရင် အဲဒီစိန်ခေါ်မှုတွေကို ခံနိုင်ရည်ရှိမယ် နောက်လူတစ်ယောက်အမြဲတမ်းရှိနေမှာပါ။ အဲဒီတော့ ကိုယ်မလုပ်နိုင်ဘူးလား .. ဒါဆို နောက်လုပ်နိုင်မယ့်သူ ကို ခိုင်းမယ်ဆိုမျိုးတွေကြည့်ပါပဲ။


အိုကေ .. ဒါဆို IT မှာ အလုပ်လုပ်မယ့်သူ ဘာတွေပဲ လာလာလုပ်နိုင်ပါတယ်လို့ အာမခံနိုင်အောင် သတိထားရမယ့် အချက်တွေ ရှိပါတယ်။ အဲဒီအချက်တွေက ကိုယ်နဲ့ မကိုက်ညီဘူးဆိုရင်တော့ IT နဲ့ အသက်မွေးမှုကို စွန့်လွှတ်လိုက်တာလိုက်တာ ပိုသင့်တော်ပါလိမ့်မယ်။ မစွန့်လွှတ်ချင်ဘူးဆိုရင်တော့ အနည်းဆုံး အချက်ဆယ်ချက်လောက်တော့ ခံနိုင်ရည်ရှိအောင် လုပ်ရပါ့မယ်။ အဲဒါတွေကတော့

၁၊ စိတ်ရှည်ရမယ်။စိတ်တည်ငြိမ်ရမယ်
ပြဿနာတစ်ခုကို စိတ်တည်တည်ငြိမ်ငြိမ်ထားပီး စိတ်ရှည်လက်ရှည် ဖြေရှင်းတတ်မှုကတော့ IT မှာ အရေးအကြီးဆုံးတစ်ခုပါပဲ။ တစ်ချို့ IT ပြဿနာတွေမှာ အချိန်မှီ မြန်မြန်ဆန်ဆန် ပြန်လည်ဖြေရှင်းပေးရမယ် ကိစ္စတွေရှိပါတယ်။ အဲဒီလိုအချိန်မှာ စိတ်တည်ငြိမ်မှု မရှိဘူးဆိုရင်တော့ ဟိုတွေးဒီတွေးနဲ့ အဲဒီ ပြဿနာကို အချိန်မှီ ဖြေရှင်းနိုင်မှာ မဟုတ်တော့ပါဘူး။ ကိုယ့်စိတ်ကိုယ် မထိန်းနိုင်ဘူးဆိုရင်တော့ IT အလုပ်ဆက်မလုပ်တာ ကောင်းပါတယ်။

၂၊ ကျောင်းဆက်တက်ဖို့တွေ စာမေးပွဲတွေ ဖြေဖို့တွေ စိတ်ဝင်စားရပါ့မယ်။


IT က အမြဲတမ်း အသစ်တွေ ထွက်ထွက်နေတာပါ။ အဲဒီတော့ ကိုယ့်ကိုကိုယ် အမြဲတမ်း refresh လုပ်နေရပါမယ်။ စာတွေ ဖတ်ရမယ်။ သတင်းတွေ ဖတ်နေရမယ်။ ဘာတွေ အသစ်တွေ ထွက်နေပြီလည်း အမြဲတမ်းလေ့လာနေရပါမယ်။ selfstudy လုပ်ဖို့ ၀ါသနာကို ပါနေရပါမယ်။ workshop တွေတက်ရမယ်။ အမြဲတမ်း learning လုပ်နေဖို့ လိုပါတယ်။

၃၊ ရုံးချိန်မဟုတ်တဲ့ အချိန်မှာလည်း အလုပ်လုပ်ရပါ့မယ်
နည်းပညာဆိုတာကြီးက ကိုယ်သတ်မှတ်ထားတဲ့ schedule အတိုင်း တသတ်မှတ်တည်း အမြဲတမ်းသွားနေမှာ မဟုတ်ပါဘူး။ Servers ဆိုတာမျိုးက သူဒေါင်းချင်တဲ့ အချိန် ဒေါင်းမှာ business ဆိုတာကတော့ ဒေါင်းလို့မရဘူး။ အဲဒီတော့ ညကြီးသန်းခေါင်းမှာ Server ဒေါင်းသွားလို့ ထလုပ်ရင်လည်း လုပ်ရမယ်။ စနေ၊ တနင်္ဂနွေ ရုံးပိတ်ရက်တွေလည်း သူများတွေလို နားချင်မှ နားရမယ်။ ကိုယ်က ရုံးပိတ်ရက်တွေမှာ သူများတွေ နည်းတူ လုပ်စရာတွေ အမြဲတမ်း ရှိနေတယ်ဆိုရင်တော့ ကိုယ်က IT အလုပ်နဲ့ သိပ်မကိုက်ဘူးလို့ သတ်မှတ်လိုက်ပါ။

၎၊ ပေါင်းသင်းဆက်ဆံရေးလည်း ကောင်းရပါမယ်
ဒါကတော့ ရှင်းပြဖို့လိုမယ်တောင် မထင်ပါဘူး။ ဘာဖြစ်လို့လည်းဆိုတော့ IT မှာ support end users ဆိုတာလည်း ပါတာကိုး။ စကားများများပြောရမယ်။ တဖက်လူ နားလည်းအောင် ဥပမာများနဲ့တကွ သေသေချာချာ ရှင်းပြရမယ်။

၅၊ လွယ်လွယ်အရှုံးမပေးနဲ့
ကိုယ့်အရည်အချင်းကို ဘယ်နှစ်ခါလောက် ပြန်လည် သုံးသပ်ဖူးလည်း။ ပြဿနာ တစ်ခုကို အကောင်းဆုံးဖြစ်အောင် ဘယ်နှစ်ခါ ဖြေရှင်းဖူးလည်း။ အဆုံးမသတ်နိုင်တဲ့ ပြဿနာတွေ ဘယ်လောက်များများ ထားခဲ့ဘူးသလည်း။ အဲလိုမျိုးတွေထားထားခဲ့တာကို ကိုယ့်ကိုကိုယ် မွေ့လျှော်နေပီလား။ အဲဒါမျိုးတွေက IT's ethic မှာ ဘယ်လိုမှ လက်မခံနိုင်တဲ့အချက်တွေပဲ။ တစ်ခုတော့ ရှိတယ်။ အချိန်နည်းနည်း ထပ်စောင့်ရအုံးမှာလား။ အဲဒီ ပြဿနာကို ဖြေရှင်းဖို့ skill လိုသေးတာလား။ အိုကေ။ အချိန်စောင့်နိုင်တယ် ထားအုံး။ လက်ခံထားဖို့ တစ်ချက်ကတော့ အဲဒီ အလုပ်ကို ပြီးအောင် အဆုံးသတ်မယ်။ လုပ်ကိုလုပ်ရမယ်ဆိုတာကိုတော့ လက်ခံနိုင်ရပါမယ်။

၆၊ ဒေါသထွက်မလွယ်နဲ့
IT သမားလည်း စိတ်နဲ့ပဲ ဒေါသတော့ တစ်ခါတစ်လေထွက်တာပေါ့နော်။ ဒါပေမယ့်  IT သမားက End users တွေရဲ့ ပြဿနာကို အနည်းနဲ့အများ နေ့တိုင်း ဖြေရှင်းပေးနေရတာဆိုတော့  ဒေါသထွက်လွယ်လို့ကတော့ တစ်နေ့လုံး ဒေါသထွက်နေရပြီး သွေးတိုးရောဂါ ရမယ်။

၇၊ multitask လုပ်နိုင်ရမယ်
တစ်ခါတလေကျရင် IT သမားတွေက အချိန်မှီပြီးအောင် အလုပ်နှစ်ခု သုံးခု တစ်ပြိုင်နက်တည်း လုပ်ရတာတွေ ရှိပါတယ်။ အလုပ်ကို တစ်ခုပြီးပြတ်မှ တစ်ခုလုပ်တတ်တဲ့သူလည်း IT လောကမှာ မအောင်မြင်ဘူးလို့တော့ မဆိုလိုပါဘူး။ ဒါပေမယ့် multitask လုပ်နိုင်တဲ့သူက ပိုသာမှာပေါ့လေ။

၈၊ တဖြည်းဖြည်းနဲ့ ရာထူးတွေ တိုးတိုးသွားတာကို လိုချင်တာလား
IT အလုပ်အတွက်တော့ အဲဒါက သိပ်မဖြစ်နိုင်ပါဘူး။ ရာထူးတော့ တိုးတာတော့ ရှိပါတယ်။ အိုင်တီ မန်နေဂျာလောက် အထိပေါ့။ CEO အဆင့်လောက်အထိ မျော်လင့်ထားတယ်ဆိုရင်တော့ ....

၉၊ နည်းပညာတွေ မကြိုက်ဘူးလား
ဒါကတော့ မဖြစ်နိုင်ပါ။ ဥပမာ ဘာလဲဟ စမတ်ဖုန်း၊  ဖုန်းပဲကွာ ဖုန်းပြောလို့ရတော်ရောပေါ့ ဆိုတာမျိုး၊ စာအုပ်ဆို လက်ထိပ်လေး တံတွေးဆွတ်ပြီး လှန်ရမှ စာဖတ်တယ်လို ထင်တာမျိုး (ebook မဖတ်ချင်ဘူးဆိုသလို) Server တွေ Desktop switches, routers ဘာတွေလည်းဟ အင်တာနက်လေး သုံးရဖို့ ဘာတွေ မှန်းကို မသိဘူးဆိုတာမျိုး၊ စက်ပစ္စည်းတွေ များလို့ green earth ထိခိုက်တယ်ဆိုတာမျိုးတွေ ၊ အဲဒါတွေ ရှိနေမယ်ဆိုရင်တော့ ...

၁၀၊ ဖုန်းပိတ် အိပ်တတ်သလား
IT သမားတွေဟာ ညလယ်သန်းခေါင်ကလည်း ကိုယ့်အလုပ်လုပ်ချိန်ပဲ ဖြစ်လာရင် ဖြစ်လာနိုင်တယ်။ မနက်ကတည်းက ညနေအထိ အလုပ်လုပ်ပြီးပြီ အလုပ်ချိန်ပြီးပြီလို့တော့ လက်လွတ်စပယ် နေလို့ မဖြစ်နိုင်ပါ။ 24/7 on call ဖြစ်နေရပါ့မယ်။  မိသားစု တွေ့ဆုံပွဲကိုလည်း ခနထားခဲ့ပြီး Server ဒေါင်းလို့ အလုပ်လုပ်ရင် လုပ်ရပါ့မယ်။ သားဦးလေး မွေးမှာမို့လို့ လာလို့မရဘူးလည်း လုပ်လို့မရပါဘူး။ အလုပ်ချိန်ပြင်ပ ဖြစ်တဲ့အတွက် အလုပ်က ဖုန်းခေါ်ရင် မကိုင်ချင်ဘူး ဆိုရင်တော့ သေချာပါပြီး သင်နဲ့ IT နဲ့ ....

သင့်အမြင်ကော ဘယ်လိုရှိလည်း comment ပေးထားနိုင်ပါတယ်။ IT သမားဘက်က အမြင်တွေကိုပဲ ရေးထားတာပါ။ တစ်ခြား field ထဲက လူတွေကို ထိခိုက်နစ်နာစေလိုခြင်း လုံးဝမရှိပါဗျာ။

Ref:techrepublic

ကိုဘလိတ်

Read More

Mobile Manager ဆော့ဖ်ဝဲ အသုံးပြုပုံ

ဒီတစ်ပတ်မှာ ဖော်ပြပေးသွားမှာကတော့ Mobile Manager ဆိုတဲ့ ဆော့ဖ်ဝဲကို ဖုန်းထဲမှာ ဘယ်လို အသုံးပြုနိုင်တယ် ဆိုတာကို ဖော်ပြပေးသွားမှာ ဖြစ်ပါတယ်။  ဒီဆော့ဖ်ဝဲလေးကတော့ Android OS ဖုန်းတွေမှာ ထည့်သွင်း အသုံးပြုနိုင်မယ့် ဆော့ဖ်ဝဲ အမျိုးအစားပဲ ဖြစ်ပါတယ်။

Mobile Manager ဆော့ဖ်ဝဲကို အသုံးပြုမယ်ဆိုရင်တော့ ဆော့ဖ်ဝဲကို ဖွင့်လိုက်ပါ။ ဒါဆိုရင် ဆော့ဖ်ဝဲရဲ့ Interface တစ်ခုကို မြင်တွေ့ရမှာ ဖြစ်ပါတယ်။ ဒီစာမျက်နှာမှာတော့ Blocked SMS, Blocked Calls, Black List, Backup, Privacy Eraser, Private Space ဆိုတာတွေကို မြင်တွေ့ရမှာ ဖြစ်ပါတယ်။ ဒါတွေကတော့ ဆော့ဖ်ဝဲထဲမှာ အသုံးပြုနိုင်မယ့်စနစ်တွေကို ဖော်ပြထားတာပဲ ဖြစ်ပါတယ်။

 

ပထမဆုံးအနေနဲ့ Blocked SMS ဆိုတဲ့ စနစ်အကြောင်းကို ဖော်ပြပေးပါမယ်။ Blocked SMS ဆိုတာကတော့ ဖုန်းထဲကို ဝင်လာမယ့် SMS ကို Block လုပ်နိုင်တဲ့ စနစ်ပဲ ဖြစ်ပါတယ်။ Blocked SMS ဆိုတာကို နှိပ်လိုက်ရင် ဒီစနစ်အတွက် အသုံးပြုနိုင်မယ့် Interface ကို မြင်တွေ့ရမှာပါ။ ဒီထဲမှာတော့ အပေါ်ဘက် ညာဘက်ထောင့်စွန်းနားမှာ စာရွက်ပုံလေးကို မြင်တွေ့ရမှာ ဖြစ်ပါတယ်။ အဲဒါလေးကို နှိပ်လိုက်ရင်တော့ Black List နဲ့ White List ဆိုတဲ့ စနစ်နှစ်ခုကို မြင်တွေ့ရမှာ ဖြစ်ပါတယ်။ အဲဒီစနစ် နှစ်ခုထဲက ကိုယ်အသုံးပြုချင်တဲ့ဟာကို ရွေးချယ် အသုံးပြုနိုင်မှာ ဖြစ်ပါတယ်။ Black List နဲ့ White List ထဲမှာတော့ Add Number ဆိုတာကို မြင်တွေ့ရမှာဖြစ်ပြီး ဒီထဲမှာ ကိုယ် Block လုပ်ချင်တဲ့ ဖုန်းနံပါတ်ကို ဖြည့်သွင်းပေးရမှာ ဖြစ်ပါတယ်။

Add Number ကို နှိပ်လိုက်မယ်ဆိုရင်တော့ Add From Contact, Add From Call Log, Add From SMS Log, Input Number ဆိုတဲ့  စနစ်တွေကို တွေ့ရမှာ ဖြစ်ပါတယ်။ ကိုယ်က ဖုန်းထဲမှာရှိတဲ့ Contact ထဲက ဖုန်းနံပါတ်ကို ယူလည်း ရပါတယ်။ Call Log ထဲက ယူလည်း ရပါတယ်။ SMS ထဲက နံပါတ်ကို ယူလည်းရပါတယ်။ အဲလိုမှ မဟုတ်ဘဲ ဖုန်းနံပါတ် အသစ်တစ်ခုကို ကိုယ်တိုင် ရိုက်ထည့်ပြီး အသုံးပြုချင်တယ် ဆိုရင်လည်း Input Number ထဲမှာ ကိုယ်ထဲမှာ ကိုယ်တိုင် ရိုက်ထည့်နိုင်ပါတယ်။

Black List နဲ့ White List ထဲမှာ ထည့်ထားတဲ့ နံပါတ်တွေကို ဖျက်ချင်တယ်ဆိုရင်တော့ အဲဒီထဲမှာ ကိုယ်ဖြည့်သွင်းထားတဲ့ ဖုန်းနံပါတ်ကို လက်နဲ့အသာလေး ဖိထောက်ထားလိုက်ပါ။ ဒါဆိုရင် Box တစ်ခုပေါ်လာမှာ ဖြစ်ပြီး Edit, Delete, Call, Send Message ဆိုတာတွေကို မြင်ရမှာပါ။ ဒီထဲမှာ ကိုယ်အသုံးပြုချင်တာကို လုပ်နိုင်ပါတယ်။ ဒီလိုမှမဟုတ်ဘူး ဆိုရင်တော့ ဖုန်းရဲ့ အောက်ဘက်က Menu ကို နှိပ်လိုက်ပါ။

 

Menu ကို နှိပ်လိုက်ရင် Add Number နဲ့ Delete ဆိုတာကို မြင်တွေ့ရမှာ ဖြစ်ပါတယ်။ Add Number ကို နှိပ်လိုက်ရင်တော့ ထပ်ဖြည့်ချင်တဲ့ ဖုန်းနံပါတ်ကို ဖြည့်သွင်းနိုင်မှာဖြစ်ပြီး Delete ကို နှိပ်လိုက်ရင်တော့ ကိုယ်ဖျက်ချင်တဲ့ ဖုန်းနံပါတ်ကို ဖျက်ဖို့အတွက် အမှတ်အသားပေးနိုင်မယ့် စာရင်းပေါ်လာမှာ ဖြစ်ပါတယ်။ အဲဒီထဲမှာ ကိုယ်ဖျက်ချင်တဲ့ နံပါတ်ကို အမှတ်ကလေးပေးပြီး ဖျက်ပစ်နိုင်ပါတယ်။ ဒါက ဖုန်းရဲ့ ညာဘက်ထိပ် အပေါ်ဘက်နားက စာရွက်ပုံလေးထဲက စနစ်တွေပါ။ သူ့ဘေးမှာတော့ Setting ပုံစံ Icon လေး တစ်ခု ရှိနေပါသေးတယ်။
 

 

 

 

 

 

 

 

Setting ပုံစံ Icon လေးကို နှိပ်လိုက်မယ်ဆိုရင်တော့ နောက်ထပ် စနစ်တစ်ခုကို ထပ်မံ မြင်တွေ့ရမှာ ဖြစ်ပါတယ်။ အဲဒါကတော့ Call Blocking နဲ့ SMS Blocking  ဆိုတဲ့ စနစ်နှစ်ခုပဲ ဖြစ်ပါတယ်။ Call Blocking ဆိုတဲ့ စနစ်ထဲမှာတော့ Call Blocking Rule, How To Block Call အပါအဝင် တခြားစနစ်လေးတွေကိုလည်း မြင်တွေ့ရမှာ ဖြစ်ပါတယ်။ Call Blocking Rule ဆိုတာကတော့ Call တွေကို ဘယ်လိုစနစ်တွေ အသုံးပြုမယ်ဆိုတာကို သတ်မှတ်ပေးတာပဲဖြစ်ပါ တယ်။
 

 

 

 

 

 

 

Call Blocking Rule ထဲမှာဆိုရင်တော့ Block Blacklist, Block non-contacts,  Block non-white List, Block All, Accept All ဆိုတဲ့ စနစ်တွေကို မြင်တွေ့ရမှာ ဖြစ်ပါတယ်။ Accept All Call ဆိုတာကတော့ ကိုယ့်ထဲကို ဝင်သမျှ ဖုန်းအားလုံးကို Black List ထဲမှာ ထည့်ထားမယ်ဆိုတဲ့ သဘောပါပဲ။ Block All ကတော့ White List ထဲမှာ အားလုံးပါတယ်ဆိုတဲ့ သဘောလို့ ဆိုပါတယ်။ Block non-white list ဆိုတာကတော့ Call အားလုံးကို White List ထဲကို ထည့်မယ်လို့ ဆိုလိုပါတယ်။ Block noncontact ဆိုတာကလည်း Black List စနစ်အတွက် Contact ထဲကပဲ အသုံးပြုမယ်ဆိုတဲ့သဘောကို ဆိုပါတယ်။ Block Blacklist ဆိုတာကတော့ Black List ထဲက ဖုန်းနံပါတ်တွေကို Block လုပ်မယ်လို့ ဆိုလိုပါတယ်။

Read More

Open source မသုံးခင် သိသင့်သည်များ

Opensource နဲ့ business setting ထိုင်ဖို့ကို အိပ်မက်မက်ခဲ့တဲ့အချိန်ကို ပြန်သတိရမိတယ်။ သေးသေးလေး လုပ်မယ်ဆိုရင်တော့ ဟုတ်ပါပြီ။ တစ်ဖြည်းဖြည်း ထပ်ချဲ့လာရင် အဆင်ပြေပါမလားစဉ်းစားရင်းနဲ့ကို မသုံးဖြစ်ဘူးပေါ့။  အခုအချိန်မှာတော့ Opensource က အပယ်ခံ မဟုတ်တော့ပါဘူး။ တစ်ခုခုလုပ်မယ် စဉ်းစားလိုက်ရင် Opensource နဲ့ စထိုင်မယ်ပဲ စဉ်းစားကြတဲ့ခေတ် ရောက်နေပါပြီ။ ဥပမာ။ website တစ်ခုလွင့်တင်မယ်ဆိုပါတော့။ အရင်ဆုံး wordpress နဲ့ အရင်ထိုင်ကြည့်လိုက်မယ်။ ပြီးတော့မှ တစ်ဖြည်းဖြည်း ကိုယ်ပိုင် ရေးယူမယ်ပေါ့။ အဲဒီလိုပါပဲ။ opensource ကို ပြောင်းချင်တဲ့ စိတ်ပဲ အဓိကလိုပါတယ်။ ပြောင်းပြီဟေ့ ဆိုတာနဲ့  မယုံနိုင်စရာတွေ အများကြီးတွေ့လာမှာဖြစ်ပါတယ်။ အဲဒီတော့ Opensource ကို စသုံးပြီး မကြာခင်ပဲ စိတ်ပျက်ပြီး ထွက်မပြေးရလေအောင် သိသင့်တဲ့ အချက်လေးတွေလေ့လာကြည့်ကြရအောင်။

Open source ဆိုတာ Linux တစ်ခုတည်းအတွက်မဟုတ်ပါဘူး။
Opensource သုံးမယ်ဆိုတာနဲ့ Linux နဲ့ တွဲသုံးမှ ရမယ်လို့ ထင်ကြေးတွေနဲ့လည်း Open Source ကို မြည်းရမှာ လန့်မနေပါနဲ့။ Open source project တော်တော်များများကတော့ ဘယ် OS မှာသုံးသုံးရတာတွေကော Windows မှာပဲ သုံးလို့ ရအောင် လုပ်ထားတာတွေကော ရှိပါတယ်။  ဒီ webiste ကတော့ Windows ပေါ်မှာသုံးလို့တဲ့ Open source တွေပါ။ အဲဒီဆိုက် မှာ Opensource တွေ အကုန်မပါသေးပါဘူး။ ဥပမာ၊ Apache, Mysql, Drupal.

အမြဲတမ်းတော့ အခမဲ့ မဟုတ်ပါဘူး။
Open source ဆိုလိုက်တာနဲ့  Source code တွေ လိုချင်ရင် အခမဲ့ရမယ်။ ဒါပေမယ့် Application ကတော့ အခမဲ့ ဖြစ်ရမယ်လို့ ဆိုလိုတာ မဟုတ်ပါဘူးဆိုတာ သဘောပေါက်ရပါ့မယ်။ တော်တော်များများကုမ္ပဏီတွေကတော့ open source နဲ့ ပိုက်ဆံရှာနေကြတာပါပဲ။ ဘယ်လို ပိုက်ဆံတောင်းသလဲ ဆိုတော့ support တွေ ဒါမှမဟုတ် features အသစ်တွေ ထပ်လုပ်ပေးတာမျိုးပေါ့။ ဒါပေမယ့်လည်း Community version (free version) ကိုလည်း အလေးထားပြီး update တွေ လုပ်ပါတယ်။ commerical version လို့တော့ အပြည့်အစုံမဟုတ်ဘူးပေါ့။ ဒါပေမယ့် အခြေခံ လိုအပ်ချက်တွေ အကုန်လုံး ပါပါတယ်။ ဥပမာ၊ Zimbra  ဥပမာ၊ wordpress,Joomla themes/plugins/modules လုပ်ရောင်းသလိုမျိုး။

support ပေးတာလည်းရှိတယ်။ မပေးတာလည်း ရှိတယ်။
Support ပေးတဲ့ တစ်ချို့ကတော့ ပိုက်ဆံ တောင်းပါတယ်။ တစ်ချို့ကလည်း မတောင်းပါဘူး။ corporate version တွေလို့ 24/7 support တို့ hotline to call တို့တော့ မရှိဘူးပေါ့။ အဲဒါကလည်း support လုံးဝမရှိဘူးလို့ ပြောလို့ မရပါဘူး။ များသောအားဖြင့် forums တွေ နဲ့ mailing Lists for support တွေ ရှိပါတယ်။ တစ်ခြားနည်းက Developer တွေဆီလည်း ဆက်သွယ်မေးမြန်းနိုင်ပါတယ်။

Source code တွေကို အကုန်လုံးကို လိုသလို သုံးလို့ရပါတယ်။
အကုန်ပေးထားလို့လည်း source code ထဲဝင်လုပ်မှ အသုံးပြုလို့ ရမှာမဟုတ်ပါဘူး။ ဘာမှသွားမလုပ်လည်း သုံးလို့ရပါတယ်။ တစ်ချို့တွေကတော့ နည်းနည်းပါးပါး ပြင်သုံးချင်တယ်ဆိုပါတော့။ အဲဒါဆိုရင် Source code က အသုံးတည့်ပြီပေါ့။

Programmers တွေ သုံးဖို့တင်လုပ်ထားတာမဟုတ်ပါဘူး။
ရိုးရိုးကွန်ပြူတာ အသုံးပြုသူတွေထင်တာက Open source ဟာ Programmers တွေအတွက်ပဲတဲ့။ ဘာလို့လည်းဆိုတော့ Source code တွေပါ ပါတယ်လေတဲ့။ Source code ပေးထားပေမယ့်လည်း ဘာတွေမှန်းမသိ ဘယ်လိုပြင်ရမှန်းမသိတဲံ သူတွေအတွက်မဟုတ်ပါဘူး။ ဖတ်တတ်တယ်၊ ပြင်တတ်တယ်။ ပြန်ပြီး ပိုကောင်းအောင် လုပ်ချင်သူတွေ အတွက်ပါ။ အသုံးပြုဖို့ကတော့  တတ်တတ် မတတ်တတ် သုံးလို့ရပါတယ်။ ရိုးရိုးတန်းတန်း အသုံးပြုသူအတွက်ကတော့ ဘယ် programming မှာမတက်လည်း ကောင်းတာပဲ။ မဟုတ်ရင် သွားကလိပြီး ဘာတွေ ဖြစ်မှန်း မသိနဲ့ ဒုက္ခရောက်နေအုံးမယ်။

Open Source သုံးတာ ဥပဒေချိုးဖောက်တာ မဟုတ်ပါဘူး။
Open Source သုံးလို့  ဘယ် Intellectual property laws ကိုမှ ချိုးဖောက်တာမဟုတ်ပါဘူး။ Open soruce သုံးတာ ဥပဒေဘောင်တွင်း နေထိုင်ခြင်း လို့သာမှတ်ထားလိုက်တော့။

အသုံးပြုဖို့အတွက် computer expert ဖြစ်စရာ မလိုပါဘူး။
Open source ပြောင်းသုံးပါလားဆို တစ်ချို့က ပြန်ပြောတယ်။ အဲလောက်လည်း ကွန်ပြူတာ မကျွမ်းသေးပါဘူးတဲ့။ တစ်ချို့ကျတော့ မေးတယ်။ Griphic driver ကို Linux မှာ သုံးဖို့ ကိုယ့်ဘာသာကို ကုဒ်တွေ ရေးရတာလားတဲ့။ ရေးစရာလား။ သေရောပေါ့။ တစ်ခြားလုပ်စရာတွေ အများကြီး ရှိသေးနေတာကို။  တော်တော်များများ အခုထိ ထင်နေတာကတော့ Open source သုံးတဲ့လူဟာ ညည အိပ်နေတုန်း source code တွေ ကို ကွန်ပြူတာနဲ့ compile လုပ်နိုင်တဲ့သူလို့ ထင်တာ။ ကျွန်တော်လည်း Gentoo သုံးတုန်းက အဲလိုပဲ ထင်ခဲ့တာ။ :D

စိတ်ချလက်ချသုံးနိုင်တယ်။ တစ်ခြားဟာတွေနဲ့ ယှဉ်နိုင်တယ်။
Open source တွေ ဘယ်နားဖြစ်ဖြစ် ဒေါင်းလုပ်လုပ်နိုင်ပါတယ်။ Download.com, Android market, နဲ့ ဘယ် linux အမျိုးအစားဖြစ်ဖြစ် Add/Remove software ပါပြီးသားပါ။ Internet မှာ ရှာမယ်ဆိုလည်း နာမည်သာ သိပစေ။ Google က ပြောပြလိမ့်မယ်။ Microsoft  တောင်မှာ Open source site လုပ်ထားသေးတယ်။

Freeware, Shareware ဟာ open source မဟုတ်ဘူး။
တော်တော်များများကတော့ Freeware, shareware တွေသိပြီးသားပါ။ အဲဒီ နှစ်ခုဟာ Open source နဲ့ မတူနိုင်ပါဘူး။ Software တစ်ခုဟာ Source code ဒေါင်းလုပ် မရနိုင်ရင် ဘယ်လိုမှ Open source မဖြစ်နိုင်ပါဘူး။

သင်လည်း Open source တစ်ခုခုသုံးနေပါပြီ။
Firefox သုံးလား။ ဒါဆိုရင်တော့ Open source သုံးဖူးတာ သေချာပြီပေါ့။ အဲဒီတစ်ချက်ပဲကြည့်။ Open source ကို ကိုယ်ကိုတိုင် မသိပဲ သုံးနေတာတွေ ရှိနေပြီလေ။ OpenOffice, LibreOffice, Thunderbird, Pidgin, Drupal, WordPress, GnuCache, Notepad++,Bluefish, နဲ့ တစ်ခြားတော်တော်များများ ကို  သုံးကောင်းကောင်း နဲ့ သုံးနေကြတာ အများကြီးပါပဲ။

အများကြီး ဖွံ့ဖြိုးဖို့ ဦးတည်နေပါပြီ။ 
Open source တစ်ချိန်ကရှိခဲ့တဲ့ နာမည်ပျက် အမဲစက်တွေလည်း အခုအချိန်မှာ မရှိတော့သလောက်ဖြစ်နေပါပြီ။ software တော်တော်များများ ကလည်း တစ်ခြား အလားတူ commerical Software တွေနဲ့ ယှဉ်လာနိုင်နေပါပြီ။ သေချာတာကတော့ အဲလိုပဲ ရှေ့ဆက်တိုးတက်နေဦးမှာပဲ။ အထူးသဖြင့် traditional Desktop ကနေပြီးတော့  clud-based တွေ virtualized solutions တွေကို တဖြည်းဖြည်း ပြောင်းသုံးလာတာတွေ များလာပါပြီ။

အခုအချိန် တကယ်လို့ Open source ကို ပြောင်းသုံးချင်လာပြီ ဆိုရင်တော့ သိသင့်တဲ့ အချက်အလက် နည်းနည်းလေးကိုပဲ ဘယ်နေရာ ရှာရှာ ရနေနိုင်တဲ့ အနေအထားပါ။ ပြောင်းသုံးဖြစ်ရင်တော့ ဒုက္ခသုက္ခ နည်းပြီး စိတ်ရှင်းရှင်း ထားလာနိုင်ပါလိမ့်မယ်။
Ref: Techrebublic
ကိုဘလိတ်

Read More

စိတ်တွေကို အရင်ပြင်ဖို့ လိုလိမ့်မည်

၁။
ဘန်ကောက်မြို့ လူစည်ကားသည့် တနေရာ ဖြစ်သည်။ အသက် ၆ဝ ဝန်းကျင်ခန့် အမျိုးသမီးကြီးသုံးဦးနှင့် အသက် ၂၅ နှစ်ခန့် အမျိုးသမီးငယ်တဦး ဈေးဝယ်နေကြသည်။ သူတို့လေးဦးစလုံး မြန်မာလူမျိုးတွေ ဖြစ်သည်။ ဘာကြောင့်လဲဆိုတော့ အဖွားကြီး သုံးယောက်နှင့် မိန်းမပျိုတို့ တဦးနှင့်တဦး မြန်မာလို စကားကို အကျယ်ကြီးပြောနေတာကို ကြားရသောကြောင့် ဖြစ်သည်။ ထိုအချိန် သူတို့နားသို့ အပြာနုရောင် ရှပ်လက်ရှည်နှင့် ကာကီရောင် ရှိုးဘောင်းဘီကို သားသားနားနား ဝတ်စားထားသည့် အသက်လေးဆယ်အရွယ်ခန့် လူစိမ်းအမျိုးသားတဦး ချဉ်းကပ်လာသည်။

Read More

နည်းပညာနှင့် ၂၁ ရာစု စာသင်ခန်း

ကျွန်တော်တို့ အမေရိကန်ရဲ့ တက္ကသိုလ်ဝင်းအတွင်းက မြင်ကွင်းတစ်ခုကိုကြည့်ရအောင်။ ကျောင်းသားတစ်စု နားကြပ်တွေ ကိုယ်စီတပ်ထားကြတယ်။ ပြီးတော့ သူတို့လက်ထဲမှာ ကိုင်ထားတဲ့ တက်ဘလက်တွေကို ငုံ့ကြည့်နေကြတယ်။
အားလုံး Facebook ထဲဝင်သူဝင်၊ Twitter ထဲ ချက်သူ ချက်၊ စာရိုက်ပြီး ပို့သူပို့၊ ဘလော့ဂ်တွေ ဖတ်သူဖတ်၊ သီချင်းတွေ ဒေါင်းလုတ် လုပ်သူတွေလုပ် သူတို့ဟာနဲ့သူတို့ ဟုတ်နေတော့တယ်။ သူတို့စကားနဲ့ပြောရရင် အားလုံး “လိုင်းမိ” နေကြတာပေါ့။ “လိုင်းဝင်” “လိုင်းစွဲ” တယ်လို့လည်းပြောကြတယ်။ ခေတ်အမြင် ကျောင်းသားတွေအားလုံး ဒီအတိုင်းပဲ တက်ဘလက်နဲ့ မျက်နှာမခွာ ဖြစ်ကုန်ကြတယ်။
အထက်တန်းကျောင်းတွေမှာလည်း အင်မတန်ဆင်းရဲပါတယ်ဆိုတဲ့ ကျောင်းတွေတောင် နည်းပညာကို တစ်ခု မဟုတ် တစ်ခုတော့ သုံးလာကြတာပဲ။ လူထု လူတန်းစားတွေကြားမှာ ဒစ်ဂျစ်တယ်ကွာဟချက် ဘယ်လောက် ရှိတယ်ပြောပြော ပညာရေးလောကမှာ ထဲထဲဝင်ဝင် သူ့အလိုလို ရောက်လာတာကိုတော့ တားဆီးလို့ ရမယ် မဟုတ်ပါဘူး။
ဆရာတွေက နည်းပညာကို အကျွမ်းမဝင်၊ တပည့်က ဆရာထက်ပိုတော်ပြီး နည်းပညာကို အဖော်လုပ်၊ အပျော်လုပ် နေချိန်မှာ၊ ကွန်ပျူတာတောင် မကိုင်ဘူးသေးတဲ့ ဆရာတွေနဲ့တော့ ခက်ပါသေးတယ်။ ၂၁ ရာစုမှာ အိမ်တွင်းမှာပညာရှာ၊ အိမ်တွင်းမှစာသင်၊ အိမ်ထဲကဘွဲ့တွေရဖို့ ဦးစားပေးလာတာကိုလည်း သတိပြုမိဖို့လို တယ်။
ကျောင်းတွေမှာ နည်းပညာကို မသုံးဖို့ တားမြစ်သူတွေက တားမြစ်နေတယ်။ ဥပမာ ကျောင်းကိုဖုန်းယူမလာရ ဆိုတာမျိုးတွေပေါ့။ ဖုန်းတစ်လုံးမှာ အင်တာနက်နဲ့ ကမ္ဘာပတ်နိုင်တယ်ဆိုတာ ဆရာလည်း လက်ခံ ကျောင်းသား ကလည်း အကျိုးရှိအောင် အသုံးချနိုင်ကြရင်ကောင်းမယ်။
ဒါကြောင့် တိုးတက်တဲ့နိုင်ငံကြီးတွေမှာ နိုင်ငံတော်အစိုးရက နည်းပညာကို ကျောင်းတွေမှာ မထောက်ပံ့ရင် တောင် ကိုယ့်နည်း ကိုယ့်ဟန်နဲ့ တပ်ဆင်ပြီး သုံးနိုင်အောင် ကြိုးပမ်းလာကြတာတွေ့ရတယ်။
နည်းပညာဟာ ကမ္ဘာ့နေရာအနှံ့ကို ပျံ့နှံ့နေပါပြီ။ ဒါပေမယ့် ပညာရေးမှာ ကျောက်သင်ပုန်း (တက်ဘလက် မဟုတ်) သုံးနေတဲ့ နေရာတွေ ရှိနေကြသေးတယ်။ ဆရာတွေက ဂဏန်းပေါင်းစက်တောင် မကိုင်ဘူးသေးချိန် မှာ အင်တာနက်ကဖေးသွားပြီး ချက်တင်ဝင်နေတဲ့ကျောင်းသားတွေ၊ အိမ်မှာ ကွန်ပျူတာနဲ့ ဖုန်းတွေကို သုံးနေ တဲ့ ကျောင်းသားတွေ အများကြီးရှိနေတယ်။
ခေတ်မီဖွံ့ဖြိုးတိုးတက်မှုအရှိန်နောက်ကို ပညာရေးလည်း လိုက်ပါဖို့အချိန်ရောက်နေပါပြီ။ နည်းပညာကို သုံးတတ်အောင် သင်ခြင်း၊ သင်ရအောင် သုံးခြင်းဟာ ၂၁ ရာစုနဲ့ အံဝင်အောင်ပြင်ဆင်ခြင်းလို့ သတ်မှတ် နိုင်ပါတယ်။

၂၁ ရာစု မြီးကောင်ပေါက်
တိုးတက်တဲ့နိုင်ငံကြီးတွေကအစ နည်းပညာကို ပညာရေးမှာ သုံးဖို့အများကြီး လိုနေပါသေးတယ်။ နည်းပညာကို သုံးတယ်ဆိုတဲ့ နေရာမှာလည်း Facebook နဲ့ YouTube လောက်ကို ဝင်တာပြောတာမဟုတ်ဘူး။ နည်းပညာကို အကျိုးရှိအောင်သုံးဖို့ လမ်းဖွင့်ပေးခြင်း၊ သုံးတတ်အောင် ဆွဲခေါ်ခြင်း၊ သုံးနိုင်အောင် စီစဉ်ပေးခြင်း၊ မသုံးမဖြစ် သုံးလာအောင် ဖန်တီးပေးခြင်းတွေဟာ အရေးကြီးတယ်။
လက်ရှိ နည်းပညာအသုံးပြုမှုကို လေ့လာကြည့်ရင်
- ကျောင်းသား ၆၅ ရာခိုင်နှုန်းက ဂိမ်းကို ပုံမှန်ကစားတယ်
- ၈၀ ရာခိုင်နှုန်းက အင်တာနက်ထဲဝင်ပြီး လူမှုရေးကွန်ရက်ဆိုက်တွေနဲ့ပျော်မွေ့တယ်
- ၇၀ ရာခိုင်နှုန်းက အင်တာနက်ကို ကျောင်းသင်ခန်းစာတွေအတွက် သုံးကြတယ်။
- အွန်လိုင်းပေါ်မှာ ဘလော့ဂ်တွေ ကိုယ်ပိုင် ရေးနေတဲ့ ကျောင်းသားပေါင်း သန်း ၂၀၀၀ ရှိတယ်။
- ၃၀ ရာခိုင်နှုန်းက ဖုန်းပဲသုံးသည်ဖြစ်စေ၊ အင်တာနက်ထဲဝင်သည်ဖြစ်စေ၊ တီဗွီကြည့်သည်ဖြစ်စေ ပျော်ချင်လို့ သုံးတယ်လို့ ပြောကြတယ်။
ယနေ့ခေတ်လူငယ်တွေကို “ဒစ်ဂျစ်တယ်လူသားများ” လို့ခေါ်ဝေါ်ကြတယ်။ မွေးကတည်းက ကင်မရာနဲ့ မွေးလာကြတယ်။ အမှတ်တရဓာတ်ပုံနဲ့ မှတ်တမ်းတင်ခြင်းခံလိုက်ရတယ်။ အရွယ်ရောက်လာတော့လည်း အိမ်ကတီဗွီကအစ ကွန်ပျူတာအဆုံး မဖြစ်မနေသုံးကြတယ်။ အနည်းဆုံး တောရောမြို့ပါ နားကြပ် ကလေးတွေနဲ့ အမ်ပီ သရီးလောက်တော့ သုံးတတ်နေကြတယ်။

နည်းပညာလမ်းကြောင်း
ဒစ်ဂျစ်တယ်လူသားလေးတွေမှာ ပါဝါဟာ အီလက်ထရောနစ်အသုံးအဆောင်တွေပဲ။ သူတို့ပါဝါတွေကို ကျောင်းတွေမှာ မသုံးကြရ သုံးခွင့်မရှိတော့ အင်တာနက်ကဖေးတွေထဲရောက်ကုန်တယ်။ ဒါကြောင့် တရားဝင် လုပ်သင့်တာတွေကို အကျိုးရှိစွာ လုပ်ခွင့်မရတဲ့အတွက် တရားမဝင် ကွယ်ရာမှာ မဟုတ်တာတွေ သွားလုပ်နေ တာကို အပြစ် တင်သင့်သလား ပြန်စဉ်းစားစေချင်တယ်။

ဂိမ်းကစားတော့ ဘာဖြစ်သလဲ
အသက် ၁၂ နှစ်မှ ၁၇ နှစ်ကြားလူငယ် တိုင်းလိုလိုမှာ ဗီဒီယိုကွန်ဆိုးတွေ ပိုင်ဆိုင်ကြတယ်။ ၅၈ ရာခိုင်နှုန်းက တစ်ပတ်ကို အနည်းဆုံး တစ်နာရီလောက်ကစားနေကြတယ်။ ဗီဒီယိုဂိမ်း၊ ကွန်ပျူတာဂိမ်းနှစ်ခုစလုံး လူငယ်ထု ကြားမှာ ပျံ့နှံ့နေပါပြီ။
ခေတ်ပေါ်ဂိမ်းတွေကလည်း အဆင့်ကမြင့်လာပြီး၊ လူကြီးတွေ လိုက်မမီအောင် ရှုပ်ထွေးလာတယ်။ ဥပမာ RPG (role playing games) တွေဆိုရင် (Second Life and World of War Craft) လို ဂိမ်းမှာ လက်တွေ့ဘ၀နဲ့ နီးစပ်မှုရှိတာတွေ အများကြီးထည့်သွင်းထားတယ်။ စိန်ခေါ်နိုင်တယ်၊ ပြိုင်ဆိုင်လို့ရတယ်၊ နိုင်ချင်မှ လည်းနိုင်မယ်။ တုံ့ပြန်မှုတွေနဲ့ရင်ဆိုင်ရမယ်။ ဆုချီးမြှင့်ခံရတာတွေရှိမယ်။ လုပ်ပိုင်ခွင့်အတွက် တိုက်ယူမယ်။ ပါဝါတွေရမယ်။
ဒီတော့ ကလေးတွေမှာ အခက်အခဲတွေ အကြပ်အတည်းတွေနဲ့ ကြုံတွေ့ရပေမယ့် ရင်ဆိုင် တိုက်ပွဲဝင်လိုစိတ်၊ အနိုင်မခံ အရှုံးမပေးလိုစိတ်တွေ ရှိအောင် လေ့ကျင့်ပေးထားပြီးသားဖြစ်နေတယ်။ ဒါကြောင့် ကျောင်းသင်ခန်းစာတွေမှာ အခက်အခဲဆိုတာ သူတို့အတွက် ဂိမ်းသင်ခန်းစာတွေအတိုင်း ကျော်လွှားဖြေရှင်း ချင်စိတ်တွေကို လေ့ကျင့်ပေးသလိုဖြစ်နိုင်တယ်။
ဂိမ်းဆိုတာကို ပညာရှင်တွေက ခေတ်သစ်စာသင်ခန်းတွေနဲ့ နှိုင်းယှဉ်ပြီး ဒီလိုသုံးသပ်ကြတယ်။
- စွဲမြဲစွာလုပ်ကိုင်လိုစိတ်ကို ဖြစ်စေတယ်။ ဂိမ်းကစားရင် မထတမ်းကစားစိတ်တွေကို စာလုပ်ရင် မထတမ်း လုပ်လိုတဲ့စိတ်ဖြစ်အောင် ကူးပြောင်းပေးနိုင်ဖို့လိုတယ်။
- အသိတရားဖွံ့ဖြိုးမှုက ဘ၀အောင်မြင်ဖို့ အထောက်အကူပြုနိုင်တယ်။ ဂိမ်းတွေထဲမှာ အပေးအယူ၊ အရောင်း အဝယ်၊ အပြန်အလှန်သဘောတရားတွေ အများကြီးပါတယ်။ စောစီးစွာ ဘ၀အကြောင်းကို ကောင်းကောင်း သဘောပေါက်နိုင်တယ်။
- ဘ၀မှာ အရှုံးတွေနဲ့ရင်ဆိုင်ရလည်း ကြံ့ကြံ့ခံနိုင်စိတ်ရှိတယ်။ ဂိမ်းဆော့ရင် အမြဲ အနိုင်ချည်းမရှိဘူး။ အချင်းချင်းပဲကစားသည်ဖြစ်စေ၊ စက်နဲ့ကစားသည်ဖြစ်စေ၊ သူ့ level တိုင်းမှာ ခက်ခဲသွားတာကို ကျော်ဖြတ် ရတယ်။ ဂိမ်းဆော့သူတွေအတွက် အရှုံးဆိုတာ ပြဿနာမဟုတ်ဘူး။
- ပေါင်းသင်းဆက်ဆံရေး၊ လှုမှုရေးတိုးတက်စေတယ်။ ခေတ်သစ်ဂိမ်းတွေက တစ်ဦးကောင်းထက် အဖွဲ့လိုက် ကောင်းမှုကို ဦးစားပေးလာတယ်။ ကိုယ့်အချင်းချင်း ခံစားချက် မျှဝေရတာကို သူတို့နားလည်ကြတယ်။
- ဖြစ်နိုင်ခြေပေါင်းများစွာကို တွက်ဆတတ်တယ်။
ဂိမ်းမကောင်းမြင်တာတွေရှိသလို၊ အကောင်းဘက်ကလှည့်တွေးပေးနိုင်တာတွေလည်း အများကြီးရှိပါတယ်။ ဂိမ်းကစားသူတစ်ယောက်ဟာ ပတ်ဝန်းကျင်ကို ထိန်းချုပ်နိုင်တယ်။ သင်ယူလိုစိတ်၊ ကြိုးစားလို စိတ်တွေ ရှိတယ်။ ဒါကြောင့် ကိုယ့်သင်ကြားမှုတစ်ခုကို ဂိမ်းစတိုင်၊ ဂိမ်းပုံစံနဲ့ ပြောင်းလွဲသင်ကြားနိုင်မယ်ဆိုရင် ကျောင်းသားနဲ့ ဆရာကြားမှာ နားလည်မှုတွေ ပိုပြီးတိုးပွားနိုင်လိမ့်မယ်။

ဘလော့ဂ်၊ ဆိုရှယ်မီဒီယာနဲ့ ပြည်သူ့နီတိ
၂၁ ရာစုကျောင်းသားတွေကို ၂၀ ရာစုအမြင်နဲ့ မကြည့်ဖို့လိုတယ်။ စာရေးဆရာ ဝေး ရစ်ချတ်ဆန်က “စာပေကို နည်း ပညာနဲ့ လှုံ့ဆော်ပေးနိုင်ရမယ်” လို့ရေးဖူးတယ်။၂၁ ရာစုပညာရေးလမ်းကြောင်းမှာ “တွန်းခြင်း” ထက် “ဆွဲခေါ်ခြင်း” ကို ပိုပြီး အလေးပေးလာကြတယ်။ ကလေးကို ကိုယ်သင်ချင်တာမသင်ဘူး။ သူလိုချင်တာ သင် ပေးနိုင်တဲ့ ပညာရေးမျိုးကို ဦးတည်လာကြတယ်။ သူတို့ဘာလိုအပ်နေသလဲ ပထမဦးဆုံး သိအောင်လုပ်မယ်၊ ပြီးတော့မှာ သူတို့အတွက် အသိုင်းအဝိုင်းတစ်ခုကို ဖန်တီးပေးမယ်။ ဆိုရှယ်ထက် ဂလိုဘယ်ဖြစ်ရေးကို ဦးတည် ထားရမယ်။
လူငယ်တွေအတွက် အကောင်းဆုံး ဆိုရှယ်ဆိုတာ အွန်လိုင်းပေါ်မှာရှိတဲ့ ဘလော့ဂ်တွေပဲ။ ဥပမာ တစ်ခုပြောရရင် ခုတစ်လော အွန်လိုင်းမှာခေတ်စားနေတဲ့ ဘလော့ဂ်ပို့စ်တစ်ခုမှာ ၁၀ နှစ်သမီးလေး လော်ရာက သူ့အဖိုးအကြောင်းရေးထားတဲ့ ဘလော့ဂ် (၂၅ ရက်အကြာ ပြောင်းလဲမှုတစ်ခုပြုလုပ်ခြင်း) မှာ မှတ်မိသမျှ သူ့အဖိုး အကြောင်းရေးထားတာ အရမ်းဖတ်လို့ကောင်းတယ်။ အဲဒီ ဘလော့ဂ်နာမည်ကျော်သွားပြီး လော်ရာလည်း တစ်နှစ်လောက် စာတွေ ဆက်တိုက်ရေးနေရတယ်။ လော်ရာရဲ့ ဘလော့ဂ်က ငွေတွေ သောက်သောက်လဲရပြီး ရသမျှငွေတွေကိုလည်း အလှူအတန်းတွေအများကြီးလုပ်နိုင်ခဲ့တယ်။
လူငယ်တွေ တစ်ဦးနဲ့ တစ်ဦးဆက်ဆံရေးသားပုံတွေဟာ ယခင်ကထက်စာရင် ပိုပြီးတော့ ယဉ်ကျေးလာတယ်။ တစ်နည်း ပြောရရင် ပိုပြီး ပြည်သူ့နီတိကို နားလည်လာတယ်လို့ပြောနိုင်တယ်။ ကျောင်းတွေမှာ စာစီစာကုံး ညံ့တယ်လို့ အပြောခံရတဲ့သူတွေ ဘလော့ဂ်ထဲမှာ တကယ့်ကို နာမည်ကျော်ကြီးတွေ ဖြစ်နေကြတာအများကြီး။ ဒါကြောင့် ဘလော့ဂ်နဲ့ စာသင်ခန်းကို ပေါင်းစပ်ပေးနိုင်အောင် ဆရာတွေ စဉ်းစားခဲ့ကြဖူးသလား။

ဂယက်တွင်ပါဝင်ပတ်သက်ခြင်း
ယနေ့လူငယ်တွေဟာ ယခင် မျိုးဆက်တွေထက် ပိုပြီးထဲထဲဝင်ဝင်ရှိလာကြတယ်။ အွန်လိုင်းပေါ်မှာ သူတို့ စိတ်ကူးအိပ်မက်တွေကို အကောင်အထည်ဖော်နိုင်မှန်း သိလာကြတယ်။ အွန်လိုင်းဟာ သူတို့အတွက် ထွက်ပေါက်တစ်ခုဖြစ်လာတယ်။ အွန်လိုင်းမှာ ဆရာတွေမပေးနိုင်တဲ့ပညာ၊ ဆရာတွေ သိတာလောက်ကို စိန်ခေါ်နိုင်တဲ့ ပညာရပ်တွေ သူတို့လေ့လာသင်ယူနိုင်တယ်။
မတ်တက်ချီဆိုသူက “ကျောင်းသားတွေကို ဝေဖန်ရှုမြင်တဲ့အကြည့်မျိုးတွေ ကြည့်ခွင့်ပေးသင့်တယ်။ ဆရာ ဆိုတာ ပေါက်ကွဲလာမှာကို ထိန်းချုပ်ဖို့ မဟုတ်ဘူး။ ကိုယ်တိုင်က ပေါက်ကွဲလာအောင် စနက်တံတွေကို မီးရှို့ပေးနေသူတွေ ဖြစ်နေရမှာ” လို့ ပြောဖူးပါတယ်။
၂၁ ရာစုဟာ အမှောင်ကျနေတဲ့ စာသင်ခန်းတွေကို နည်းပညာဆီမီးနဲ့ ထွန်းညှိပေးရမှာဖြစ်ပါတယ်။ နည်းပညာကို ကြောက်ရွံ့ပြီး မထိရဲ မကိုင်ရဲဖြစ်အောင် မလုပ်ဘဲ၊ လက်တွေ့ကိုင်တွယ် အသုံးချခွင့် တွေပေးလိုက်ပါ။ နည်းပညာဟာ စာသင် ခန်းတွေရဲ့ တံတိုင်းမဟုတ်ဘူး။ နည်းပညာဆိုတာ စာသင်ခန်းတွေမှာ လိုရာကို ဖော်ဆောင်နိုင်တဲ့ လက်နက်ဖြစ်နေရမယ်။ ကျောင်းမှာလည်းသုံး၊ အပြင်မှာလည်းသုံး၊ အားလပ်ချိန် တိုင်း သုံးနိုင်တဲ့ အခွင့်အရေးတွေကို ကျောင်းတွေကဖန်တီးပေးထားမှ ဖြစ်တော့မယ်။
ဒစ်ဂျစ်တယ်လူသားတွေအဖြစ် မွေးဖွားလာတဲ့ကျောင်းသားတွေကို ဒစ်ဂျစ်တယ် နည်းပညာနဲ့ မကိုက်ညီတဲ့ သင်ကြားမှုတွေဟာ ထိရောက်တော့မှာမဟုတ်ဘူး။ အင်တာနက်ဆိုတာ သုတေသနပြုစရာ နေရာတစ်နေရာလို့ ခံယူနိုင်အောင် လေ့ကျင့်ပျိုးထောင်ပေးရတော့မယ်။ ဂိမ်းနဲ့ ကျောင်းသင်ခန်းစာတွေကို ပေါင်းစပ်ပေးရ တော့ မယ်။ ကျောင်းထဲကို အနည်းဆုံး လက်ပ်တော့နဲ့ တက်ဘလက်တွေ ယူလာကြအောင် ကြံဆောင်ကြရမယ်။ နည်းပညာကို ဆရာတွေကပါ လက်ခံကျင့်သုံးပြီး၊ တပည့်တွေကို လမ်းညွှန်နိုင်သူတွေ ဖြစ်ရတော့မယ်။
ယနေ့လူငယ်တွေဟာ “ဒစ်ဂျစ်တယ်လူသား” “ဂလိုဘယ်နိုင်ငံသား” တွေဖြစ်လာပြီ။ ကမ္ဘာအနှံ့ သူတို့ ဆက်သွယ်လို့ရတယ်၊ ဆက်သွယ်ခွင့်ရှိတယ်ဆိုတာလည်း သဘောပေါက်ထားရလိမ့်မယ်။ ဆရာတွေ အိပ်ပျော် မနေပါနဲ့။ ၂၁ ရာစုရောက်လာပြီ။ ဆရာတွေလည်း နည်းပညာနဲ့ရင်းနှီးကျွမ်းဝင် အောင်လုပ်ထားမှ အနာဂတ်နဲ့ အံဝင်ခွင်ကျ ဖြစ်လာပါလိမ့်မယ်။
ဆရာဆိုတာ မှောင်ကျနေတဲ့ စာသင်ခန်းကို “မီးထွန်းပေးသူတွေ” ဖြစ်ရပါလိမ့်မယ်။ ဆရာဆိုတာ စိတ်တံခါးကို နည်းပညာစွမ်းအားနဲ့ ဖွင့်ပေးနိုင်သူတွေ ဖြစ်ရပါလိမ့်မယ်။ ဆရာ ဆိုတာ ကလေးတွေရဲ့ ဆန္ဒကို အမှန်ဘ၀ရောက်အောင် နားလည်နိုင်စွမ်းရှိသူတွေ ဖြစ်ရပါလိမ့်မယ်။
နည်းပညာဆိုတာ ပျံ့နှံ့လွယ်၊ နေရာယူ လွယ်တတ်တယ်။ ၂၁ ရာစုဟာ ပညာလိုလားပြီး ပညာတတ် ဖြစ်ချင်သူတွေ ပေါနေဦးမှာပဲ။ သူတို့ကို ကျောင်းတွေမှာ ချုပ်ထားမလား၊ အွန်လိုင်းနဲ့ပေါင်းစပ်ပေးပြီး လွှတ် ပေးလိုက်မလား စဉ်းစားရတော့မယ်။ ကလေးတွေကို နည်းပညာတစ်ခုတည်း မိတ်ဆက်ပေးရုံနဲ့လည်း မလုံလောက်တော့ဘူး။ နည်းပညာကိုအသုံးချပြီး ရလဒ်တစ်ခုခုထွက်လာအောင်၊ ထွက်လာတဲ့ ရလဒ်နဲ့ သူတို့ ရပ်တည်နိုင်အောင် ဖန်တီးပေးရတော့မယ်။ ကျောင်းဆိုတဲ့ လေးဘက်နံရံကြီးထဲမှာ ကလေးတွေကို ပိတ်လှောင် ထားတာ ခေတ်မမီတော့ပါဘူး။ ကျောင်းမတက်တာ ပြဿနာမဟုတ်ဘူး။ အွန်လိုင်းထဲမဝင်တာ၊ အွန်လိုင်း ကနေ အိမ်စာမတင်တာ၊ အွန်လိုင်းကနေ ပရောဂျက်တစ်ခုခုအတွက် မပြင်ဆင်တာ၊ အွန်လိုင်းကနေ ရည်ညွှန်း ချက်တွေ မပေးပို့တာ ပြဿနာတစ်ခုပမာ ဖြစ်လာတဲ့ခေတ်နဲ့ ပညာရေးစနစ်မျိုးလိုအပ် လာပါတယ်။
ကွန်ပျူတာခန်းတွေ သော့ခတ်မထားပါနဲ့။ ကွန်ပျူတာတွေကို စောင်မခြုံထားပါနဲ့။ ယနေ့ ဒစ်ဂျစ်တယ လူသားလေးတွေဟာ အနာဂတ်မှာ နည်းပညာခေါင်းဆောင်တွေ ဖြစ်လာကြပါလိမ့်မယ်။ ကိုယ်တိုင်ဘာတွေ ပြင်ဆင်ထားပြီးပြီလဲ။ သူတို့ကို ဘာတွေလုပ် ပေးပြီးပြီလဲ။ သူတို့ကို ဘယ်လိုကိုင်တွယ်ကြမလဲဆိုတာ ၂၁ ရာစုရဲ့ စိန်ခေါ်ချက်တွေ ဖြစ်နေပါတယ်။
တင်ညွန့်

Read More

မြန်မာ့ဆက်သွယ်ရေးကဏ္ဍ ၂၀၁၂-၂၀၁၃ ဘဏ္ဍာနှစ်အတွင်း တိုးတက်မှုရာခိုင်နှုန်း (၁၅၀) ကျော် ရည်မှန်း လုပ်ဆောင်သွားမည်ဟုဆို

မြန်မာ့ဆက်သွယ်ရေး ကဏ္ဍကို ၂၀၁၂-၂၀၁၃ ဘဏ္ဍာနှစ်အတွင်း တိုးတက်မှု ရာခိုင်နှုန်း (၁၅၀) ကျော် ရည်မှန်း လုပ်ဆောင်သွားရမည်ဟု အမျိုးသားစီမံကိန်း ဥပဒေတွင် ဖော်ပြထားကြောင်း သိရသည်။  မတ်လ (၁၉) ရက်နေ့စွဲဖြင့် နိုင်ငံတော် သမ္မတဦးသိန်းစိန် လက်မှတ် ရေးထိုးထားသည့် အဆိုပါ ဥပဒေတွင် စီမံကိန်း၏ ကဏ္ဍပေါင်း (၁၄) ခုအနက် ဆက်သွယ်ရေး ကဏ္ဍသည် တိုးတက်မှု ရည်မှန်းချက် ရာခိုင်နှုန်း (၁၅၀၄) ဖြင့် အမြင့်ဆုံးဖြစ်သည်။ ထို့ကြောင့် ကျပ်ငွေသန်းပေါင်း ကိုးသိန်းရှစ်သောင်းကျော်ဖြင့် ဝန်ဆောင်မှု ပေးရမည်ဟု ပါရှိသည်။ မြန်မာ့ဆက်သွယ်ရေး လုပ်ငန်းသည် ဒေသတွင်း အရှေ့တောင် အာရှနိုင်ငံများနှင့် နှိုင်းယှဉ်ပါက နိမ့်ကျလျက်ရှိသည်ကိုလည်း ကမ္ဘာ့ဘဏ်၏ မှတ်တမ်းများအရ သိရှိရသည်။

မြန်မာနိုင်ငံတွင် လက်ကိုင်ဖုန်း အသုံးပြုနိုင်မှုမှာ လူတစ်ရာလျှင် တစ်ယောက်သာ အသုံးပြုနိုင်ချိန်တွင် အိမ်နီးချင်းနိုင်ငံဖြစ်သော ထိုင်းနိုင်ငံ၌ လူအယောက် တစ်ရာလျှင် ဖုန်းအလုံးရေ (၁၀၁) လုံးပိုင်ဆိုင်နေသည်ဟု ကမ္ဘာ့ဘဏ်၏ ၂၀၁၀ ခုနှစ် မှတ်တမ်းများအရ သိရသည်။ အင်တာနက် အသုံးပြုမှုနှင့် ပတ်သက်၍လည်း မြန်မာနိုင်ငံတွင် လူတစ်ရာလျှင် နှစ်ယောက်သာ ရှိနေချိန်တွင် ထိုင်းနိုင်ငံ၌ လူတစ်ရာလျှင် (၂၀) ယောက် အင်တာနက် အသုံးပြုနိုင်ကြောင်း ကမ္ဘာ့ဘဏ်၏ ၂၀၀၉ ခုနှစ် စာရင်းများအရ သိရှိရသည်။ မြန်မာနိုင်ငံတွင် အင်တာနက် တပ်ဆင် အသုံးပြုနိုင်ရာ၌လည်း ၂၀၁၀ ခုနှစ်အတွင်း လူတစ်ရာလျှင် သုံးဦးသာ တပ်ဆင် အသုံးပြုနိုင်သေးသည်ဟု ကမ္ဘာ့ဘဏ်၏ မှတ်တမ်း၌ ဖော်ပြထားသည်။ ထိုအချိန်က ထိုင်းနိုင်ငံတွင် လူဦးရေ တစ်ရာလျှင် (၃.၈၇) ယောက် အင်တာနက် တပ်ဆင် အသုံးပြုနေပြီ ဖြစ်သည်။

လက်ကိုင်ဖုန်းနှင့် ပတ်သက်၍ မြန်မာ့ဆက်သွယ်ရေးက (၅) နှစ် စီမံကိန်းချမှတ်ပြီး ၂၀၁၂ ခုနှစ်မှစ၍ ဖုန်းအလုံးရေ သန်းသုံးဆယ် တပ်ဆင်ပေးသွားမည်ဟု ကြေညာထားသည်။ မတ်လ ဒုတိယအပတ်မှစ၍ Sim Card တစ်ခုကို ကျပ်ငွေနှစ်သိန်းနှုန်းဖြင့် ရောင်းချပေးခဲ့သော်လည်း အဆိုပါ ရောင်းချမှုတန်ဖိုးသည် အိမ်နီးချင်းနိုင်ငံများနှင့် နှိုင်းယှဉ်ပါက များလွန်းသည်ဟုဆိုကာ ၅၀၀၀ ကျပ်တန်ဖုန်း Sim Card များကို ရောင်းချပေးနိုင်ရန် တောင်းဆိုမှုများလည်း ရှိနေသည်။ အဆိုပါ အမျိုးသားစီမံကိန်း ဥပဒေအရ ၂၀၁၂-၂၀၁၃ ဘဏ္ဍာနှစ်တွင် ပြည်တွင်း အသားတင် ထုတ်လုပ်မှုတန်ဖိုး (GDP) ၆.၇ ရာခိုင်နှုန်း တိုးတက်ရန်ဖြစ်ပြီး လယ်ယာကဏ္ဍတွင် ၃ ရာခိုင်နှုန်း၊ စက်မှု ကဏ္ဍတွင် ၉ ရာခိုင်နှုန်းနှင့် ဝန်ဆောင်မှု ကဏ္ဍတွင် ၈.၃ ရာခိုင်နှုန်းတိုးတက်ရန် ရည်မှန်းထားသည်။ တစ်ဦးချင်းစီ၏ ပျမ်းမျှ ပြည်တွင်း အသားတင် ထုတ်လုပ်မှု တန်ဖိုး (Per Capita GDP) ယခင် ကျပ်သန်း (၇၄၀၈၁၄) ရှိခဲ့ရာမှ ၂၀၁၂-၂၀၁၃ တွင် ကျပ်သန်း (၈၃၉၅၅၁) ဖြစ်ပေါ်စေရန် ရည်ရွယ်ထားသည်ဟုဆိုသည်။ ထို့အပြင် နှစ်အလိုက် ဈေးနှုန်းအရ ပြည်ပပို့ကုန်ကို ကျပ် (၉၂၁၁၁၄၃) သန်း ပြည်တွင်း သွင်းကုန်ကျပ် (၆၅၈၂၈၀၀) သန်း တင်သွင်းရန် ရည်ရွယ်ထားသည်ဟု ဆိုသည်။ အဆိုပါ ဥပဒေသည် ၂၀၁၂ ခုနှစ် ဧပြီလ (၁) ရက်နေ့မှစ၍ အသက်ဝင်မည်ဖြစ်ကြောင်း သိရသည်။

Read More

ဖုန်းမက်ဆေ့ခ်ျဖြင့် မိုးလေဝသ သတင်းပေးပို့မှု အစီအစဉ် ပြုလုပ်မည်

နေ့စဉ်ထွက်ရှိသည့် မိုးလေဝသ သတင်းများကို ကျေးရွာများသို့ ဖုန်းမက်ဆေ့ခ်ျဖြင့် ပေးပို့မည့် အစီအစဉ်တစ်ရပ်ကို ပြုလုပ်သွားရန် ရှိကြောင်း  အီကိုဒက်ဖ်မှ အုပ်ချုပ်မှုဒါရိုက်တာ ဦးဝင်းမျိုးသူမှ ပြောသည်။ ယင်းအစီအစဉ်ကို ဧရာဝတီတိုင်းဒေသကြီး အတွင်းရှိ ဘိုကလေးနှင့် လပွတ္တာတို့တွင် မေလပိုင်းအတွင်း စတင်ပြုလုပ်ရန် စီစဉ်ထားကြောင်း သိရသည်။ အစိုးရဌာနမှ နေ့စဉ်ထုတ်ပြန်သည့် မိုးလေဝသ သတင်းများကို အဆိုပါနေရာ ၂ ခုသို့ ဖုန်းမက်ဆေ့ခ်ျဖြင့် ပုံမှန်ပေးပို့သွားမည် ဖြစ်သည်။ "Day to Day ရာသီဥတုနဲ့ ပတ်သက်တာတွေကို ဖုန်းမက်ဆေ့ခ်ျ ပေးမယ်၊ ရွာသားတွေများ အကျိုးရှိမလားလို့ပါ၊ လုပ်ဖို့ပြင်ထားတယ်။ စတော့ မစရသေးဘူး။ မေလနဲ့ ဧပြီကုန်လောက်ဖြစ်ဖို့ များတယ်။ ဦးထွန်းလွင်နဲ့ ပို့ပေးမယ်။ ပို့ပေးရင် ရွာကဆရာတို့နဲ့ ဆက်ထားတဲ့ သူကို message ပေးပြီး ရွာထဲမှာ ကြေညာသင်ပုန်းနဲ့ အဲလိုနေရာတွေမှာ ကပ်ပေးထားမယ် " ဟု ၎င်းက ထပ်မံပြောကြားသည်။ မက်ဆေ့ခ်ျပို့ရာတွင် ရာသီဥတု သတင်းအပြင် ဈေးကွက်သတင်း ပေးပို့မှုကိုပါ ပြုလုပ်သွားမည်ဟု သိရသည်။

Read More

ဘုရားရှင်၏ အံ့ဖွယ် ၁၈ ပါး

(၁) ၀တ်တော်မူသော သင်္ကန်းတော်သည် ဖွပ်ဆိုးရခြင်း၊ ဟောင်းနွမ်းခြင်းမရြှိုခင်း။

(၂) ပရိက္ခရာ (၈)ပါးကို ဆောင်တော်မူလျှင် ကိုယ်နှင့်မထိ လက်လေးသစ်မျှကွာခြင်း။

Read More

စကားကြီးဆယ်ခွန်း

စကားပြောဆိုရာ၌ ကျွမ်းကျင်လိမ္မာစေရန် စကားပြောနည်း ၁၀-မျိုးရှိတာကိုကြားဖူးကြမှာပါ ။ မြန်မာလူမျိုး တို့က စကားကြီး ၁၀-မျိုးဟုခေါ်ဝေါ်ခဲ့ကြပါသည်။

ရေကူးညာတင်၊ ကောက်ပင်ရိတ်လှီး
ရေစီးဖောင်ဆန်၊ အိုးတန်ဆန်ခပ်
ဆီပွတ်ကျည်ပွေ့၊ ဆင်ဝှေ့ရန်ရှောင်
တောင်သူယာခုတ်၊ ကြက်ဆုတ်ခွပ်ပစ်
ရေစစ်ကရား၊ ခက်တင်မောင်းနင်း
ဆိုခြင်းစကား 'ဤဆယ်ပါး'
 ကဗျာလေးနှင့် မှတ်မိနိုင်ကြပါစေ  သူတို့ရဲ့အနက်ကိုတော့ အောက်တွင်ဖော်ပြထားပါတယ်

၁။ ရေကူးညာတင်ပြောဆိုခြင်း
 မြစ်တဘက်မှ လိုရာဆိပ်ကမ်းသို့ ကူးလိုလျှင် မြစ်ညာက တင်၍ကူးမှ လိုရာသို့ ရောက်သကဲ့သို့ မိမိအလိုရှိရာသို့ ရောက်အောင် အထက်က တင်ကူး၍ ပြောခြင်းသည် "ရေကူးညာတင် ပြောခြင်း "လို့
ခေါ်ဆိုကြပါတယ်

၂။ ကောက်ပင်ရိတ်လှီးပြောဆိုခြင်း

စပါးရိတ်သောအခါ ကောက်ပင်ကို လက်တဖက်ဖြင့် ဆုတ်သိမ်းကာ တံဇဉ်ဖြင့် အရင်းမှ ဖြတ်၍ ရိတ်ယူသကဲ့သို့ တဘက်လူ၏ စကားကို သိမ်းကျုံးဖမ်းယူပြီးမှ အရင်းက ဖြတ်၍ ပိုင်လောက်အောင် ပြောဆိုခြင်းသည် "ကောက်ပင်ရိတ်လှီး ပြောခြင်း"လို့ခေါ်ဆိုပါတယ်

၃။ ရေစီးဖောင်ဆန်ပြောဆိုခြင်း

 ဖောင်ကြီးသည် အညာသို့ ဆန်သောကာလ လိုရာရှိသမျှကို တင်ယူ၍ ဖြည်းညင်းသာယာစွာ ဆန်လျှင် လိုရာအရပ်သို့ ရောက်နိုင်သကဲ့သို့ စကားအရာတွင်လည်း ဥပမာ, ဥပမေယျ တို့ဖြင့် ဖြည်းညင်း သာယာစွာ လိုရာရောက်အောင် ပြောဆိုခြင်းသည် "ရေစီးဖောင်ဆန် ပြောခြင်း"ဖြစ်သည်

၎။ အိုးတန်ဆန်ခပ်ပြောဆိုခြင်း
 အိုးနှင့်ဆန်သည် တန်အောင်ချက်လျှင် နူးနပ်စွာ သုံးဆောင်ရသကဲ့သို့ စကားအရာတွင်လည်း မယုတ်မလွန်နှင့် လိုရင်းရောက်အောင် ပြောဆိုခြင်းသည် "အိုးတန်ဆန်ခပ်"ပြောဆိုခြင်းဖြစ်သည်

၅။ ဆီပွတ်ကျည်ပွေ့ပြောဆိုခြင်း
ဆီကို ရအောင် ပွတ်သည့်အခါတွင် အထပ်ထပ်အခါခါ ပွတ်ရသကဲ့သို့ အလိုရှိသော စကားကို အထပ်ထပ် ပြောဆိုခြင်းသည် "ဆီပွတ်ကျည်ပွေ့"ပြောဆိုခြင်းဖြစ်သည်

၆။ ဆင်ဝှေ့ရန်ရှောင်

 ဆင်ဝှေ့မည်ဟု လိုက်လျှင် လွတ်ရာလွတ်ကြောင်း တိမ်းရှောင်က ချမ်းသာသကဲ့သို့ စကားအရာတွင်လည်း မိမိအဖို့ ဘေးရောက်မည့် စကားကို ရှောင်လွှဲ၍ ပြောဆိုခြင်းသည် "ဆင်ဝှေ့ရန်ရှောင်"ပြောနည်းပင်ဖြစ်သည်

၇။ တောင်သူယာခုတ်
 တောင်သူတို့သည် ယာခုတ်လျှင် ခြုံငယ်သစ်ပင်ငယ်တို့ကို ဦးစွာရှင်းလင်းခုတ်ထွင်ပြီးမှ သစ်ပင်ကြီးများကို လှဲသကဲ့သို့ စကားအရာတွင်လည်း ဦးစွာစကားငယ်ပြော၍ နောက်မှ စကားကြီးများကို ပြောခြင်းဖြင့် အနိုင်ယူခြင်းသည် "တောင်သူယာခုတ်"ပြောခြင်းဖြစ်သည်


၈။ ကြက်ဆုတ်ခွပ်ပစ်ပြောခြင်း
 ကြက်တို့၏ သဘောသည် ခွပ်မည်ပြုသောအခါ နောက်သို့ဆုတ်ဟန်ပြု၍ တကယ်ခွပ်သောအခါမှသာ စီး၍ခွပ်သကဲ့သို့ စကားအရာတွင်လည်း သူ့အလိုကို လိုက်တန်သရွှေ့ လိုက်ပြီးလျှင် စီးသာသောအခါမှ စီးလျက် ပြောသောစကားမျိုးသည် "ကြက်ဆုတ်ခွပ်ပစ်"ပြောခြင်းဖြစ်သည်

၉။ ရေစစ်ပမာပြောခြင်း
 ရေစစ်ကို ရေတွင် နှစ်၍ ရေပြည့်လျှင် အပေါက်ကို လက်ဖြင့် ပိတ်ယူပါက ရေမထွက်နိုင်သကဲ့သို့ တဘက်လူ၏စကားကို ပိတ်မိအောင် ပြောဆိုခြင်းသည် "ရေစစ်ပမာ စကားပြောခြင်း" ခြင်းဖြစ်သည်

၁၀။ ခက်တင်မောင်းနင်း

သူ့စကားကို ဟုတ်၏လည်း မဆို၊ မဟုတ်ဟုလည်း မဆိုဘဲ မတင်မကျ ပြောဆိုခြင်းသည် "ခက်တင်မောင်းနင်း" ပြောခြင်းဖြစ်သည်၊
(စကားအလင်္ကာစာအုပ်မှ စကားကြီး ၁၀ခွန်းပြောခဲ့တာလေးကိုပြန်လည့်မျှဝေခြင်းဖြစ်ပါသည် )

Read More

လအလိုက်သတ်မှတ်ထားသောကျောက်မျက်ရတနာ (၁၂)မျိုး

နှစ်လရာသီအလိုက်နှင့်ကျောက်မျက်ရတနာများကိုလည်းသတ်မှတ်
ထားခဲ့ကြပါတယ် အဲ့ဒီ (၁၂)မျိုးကိုပုံနှင့်တကွ ဖော်ပြထားပါတယ်

(၁)  january Birthstone
       ဇန်န၀ါရီ ကျောက်မျက်ရတနာလို့သတ်မှတ်ထားတာကတော့ garnet ဂါနက်လို့ခေါ်တဲ့
       ကျောက်အမျိုးအစားပဲဖြစ်ပါတယ် ဂါနက်ကျောက်တွေကို မြန်မာလိုကတော့ဂေါ်မုတ်နီလို့
       လည်းခေါ်ဆိုပါတယ်  ထိုကျောက်များကတော့ အများအားဖြင့် အနီရောင်အရင်းခံပြီး
       ရောင်စဉ်ခုနှစ်ခုသွယ်တို့နှင့်လှပသော ဒီဇိုင်းပုံစံနှင့်ဆွဲဆောင်မှု၇ှိပါတယ်  ထိုကျောက်များ
       ကို အများအားဖြင့် လက်ဆောင်ပေးခြင်းတွေမှာအသုံးပြုတတ်ကြပါတယ် ဂါနက်ကျောက်ကို
       အဓိကအသုံးပြုကြတာ အာဖရိက နိုင်ငံနှင့် အိန္ဒိယနိုင်ငံတွေမှာ အသုံးပြုကြပါတယ်

(၁)Garnet (ဂေါ်မုတ်နီ) ကျောက်မျက်ရတနာ

(၂) february  Birthstone
      ဖေဖော်ဝါရီ ကျောက်မျက်ရတနာဖြင့်တင်စား ခေါ်ဆိုသောကျောက်ကတော့ amethyst
      အာမီသစ်လို့ခေါ်တဲ့ကျောက်မျက်ရတနာတစ်ခုပါ ထိုကျောက်ကိုတော့ မြန်မာလို နီလာ
      ကျောက်အမျိုးအစားထဲမှ တစ်မျိုးလို့ဖြစ်ပါတယ်  ဥရောပနိုင်ငံတွေ၇ဲ့တော်ဝင်ကျောက်မျက်
      ရတနာ တစ်မျိုးအဖြစ်သတ်မှတ်ကြပါတယ်

 (၂)Amethyst (နှီလာ ခရမ်း)ကျောက်မျက်ရတနာ

(၃) March Brithstone
     မတ် ကျောက်မျက်ရတနာလို့ခေါ်ဆိုတာကတော့ aquamarine (အကွာမက်ရင်း)လို့ခေါ်ပါတယ်
     ထိုကျောက်မျက်ရတနာများကို မြန်မာလိုကတော့ မြကျောက်တစ်မျိုးလို့ခေါ်ဆိုပါတယ် ဆယ်နှစ်
     ရာသီပတ်လုံးအတွက် လည်း ခေါ်ဆိုနိုင်တယ်လို့လည်းသတ်မှတ်ထားကြပါတယ် ထိုကျောက်တွေ
     ရဲ့အလွန်လှပကြပါတယ်  ထိုကျောက်မျက်ရတနာများက လှပမှု ရိုးသားမှု သစ္စာရှိမှု ပျော်ရွှင်မှုတွေ
     နဲ့ပြည့်စုံသော ကျောက်မျက်ရတနာ လို့လည်း ပြောဆိုစာဖွဲ့ခဲ့ဖူးတာတွေ ရှိပါတယ်

    (၃)aquamarine(မြကျောက်တစ်မျိုး)     

(၄)April Birthstone
     ဧပရယ် ကျောက်မျက်ရတနာလို့လူသိနည်းပေမယ့် အဲ့ဒီကျောက်မျက်ရတနာကိုတော့
    လူသိများပါတယ်   Diamond  (ဒိုင်းမွန်း) ဖြစ်ပါတယ် မြန်မာလိုကတော့ စိန်ကျောက်မျက်
    ရတနာဖြစ်ပါတယ်

 (၄)Diamomd (စိန်)ကျောက်မျက်ရတနာ

(၅)  May  Birthstone
      မေ ကျောက်မျက်ရတနာကတော့  emerald (အိမီ၇န့်)လို့ခေါ်တဲ့ကျောက်မျက်ရတနာ
      တစ်ခုဖြစ်ပါတယ် မြန်မာလိုတော့မြကျောက်လို့ခေါ်ဆိုကြပါတယ်

(၅) Emerald (မြ)ကျောက်မျက်ရတနာ

 (၆) June birthstone 
      ဂျွန်ကျောက်မျက်ရတနာကတော့ Pearl လို့ခေါ်တဲ့ကျောက်မျက်ရတနာတစ်ခုဖြစ်ပါတယ်
      မြန်မာလိုကတော့ ပုလဲကျောက်မျက်ရတနာဖြစ်ပါတယ်

(၆)Pearl (ပုလဲ)ကျောက်မျက်ရတနာ

(၇) July  Birthstone
      ဂျုလိုင် ကျောက်မျက်ရတနာကတော့ Ruby(ရူဘီ)လို့ခေါ်တဲ့ကျောက်မျက်ရတနာတစ်မျိုး
     ဖြစ်ပါတယ်  မြန်မာလိုတော့ ပတ္တမြား ကျောက်မျက်ရတနာပဲဖြစ်ပါတယ်

(၇)ruby (ပတ္တမြား)ကျောက်မျက်ရတနာ

(၈)August  Birthstone
    သြဂုတ် ကျောက်မျက်ရတနာကတော့  peridot (ပ၇ီဒေါ့)လို့ခေါ်တဲ့ ကျောက်မျက်ရတနာ
    ဖြစ်သည် မြန်မာလိုကတော့ ပြောင်ခေါင်းစိမ်းလို့ခေါ်ကြပါတယ် ပြောင်ခေါင်းစိမ်းက မြန်မာ
    နိုင်ငံ မိုးကုတ်လိုနေရာမျိုးတွေမှာထွက်ရှိတာကိုလည်းတွေ့၇ပါတယ်  ထိုကျောက်တွေဟာ
   အပျော့စားကျောက်များလည်းဖြစ်ပါတယ် အရောင်ကတော့ စိမ်းဝါရောင်၇ှိပါတယ် သံလွင်စိမ်း
   ရောင်များလည်းတွေ့၇ှိ၇တတ်ပါတယ်  အများအားဖြင့် မြန်မာ၊တရုတ် ၊သြစတေးလျ ၊တောင်
   အာဖ၇ိက၊ဘရာဇီး နိုင်ငံတွေမှာ တွေ့၇ှိ၇ပါတယ်

(၈) peridot (ပြောင်ခေါက်စိမ်း ကျောက်)

(၉) September  Birthstone
      စက်တင်ဘာ ကျောက်မျက်ရတနာကတော့  Sapphire လို့ခေါ်တဲ့ကျောက်မျက်ရတနာ
      ပဲဖြစ်ပါတယ် မြန်မာလိုကတော့ နီလာကျောက်မျက်ရတနာ ဖြစ်ပါတယ်

(၉)Sapphire(နီလာ)ကျောက်မျက်ရတနာ 

(၁၀) October  Birthstone
       အောက်တိုဘာ ကျောက်မျက်ရတနာကတော့  opal (အောပယ်)လို့ခေါ်တဲ့ ကျောက်
       မျက်ရတနာတစ်မျိုးပါ  မြန်မာလို့ကတော့ မဟူရာလို့ ခေါ်ဆိုကြပါတယ်  ပုလဲနှင့်ဆင်
       တူသလိုရှိပေမယ့် ကွဲပြားပြီး ပိုမိုလှပသောကျောက်မျက်ရတနာဖြစ်ပါတယ်

(၁၀)opal(မဟူရာ)ကျောက်မျက်ရတနာ

(၁၁)November  Birthstone
        နိုဝင်ဘာ ကျောက်မျက်ရတနာကတော့ topaz တိုပက်(ဇ်) လို့ခေါ်တဲ့  ကျောက်မျက်ရ
        တနာတစ်မျိုးဖြစ်ပါတယ်  မြန်မာလိုကတော့ ဥသဖရား ကျောက်ရိုင်းတုန်းလို့ခေါ်ဆိုကြ
        ပါတယ်

(၁၁)topaz(ဥသဖရား)ကျောက်မျက်ရတနာ 

(၁၂) December  Birthstone
        ဒီဇင်ဘာ ကျောက်မျက်ရတနာကတော့  tanzanite (တန်ဇနိုက်)လို့ခေါ်တဲ့ ကျောက်မျက်
        ရတနာပဲဖြစ်ပါတယ်  ထိုကျောက်များက အများအားဖြင့်တော့ အပြာနှင့်ခ၇မ်းပြာေ၇ာင်
        လေးများဖြစ်ကြပါတယ်  ထိုကျောက်များ၇ဲ့တန်းဖိုးမှာ နီလာကျောက်တွေထက်ပိုမိုတန်ဖိုး
        ကြီးပြီးလှပဆန်းသစ်သောကျောက်များလည်းဖြစ်ပါတယ်

 (၁၂)tanziniteကျောက်မျက်ရတနာ

     
                          (   American gem society  ,birthstones by months )

Read More

အမျိုးသမီးများတွင် ထင်ရှားသောမှဲ့ (၇)မျိုး

တစ်နေ့သ၌ ကျွန်ုပ်သည် တစ်စုံတစ်ခုသော ကိုယ်ရေးကိုယ်တာ ပြဿနာအနည်းငယ်ကြောင့် မဟာချိုင်နေ၀စ်ရှိ ကျွန်ုပ်၏အခန်းနှင့် မနီးမဝေးတွင်ရှိသော ၀ပ်ခုပ်ဟုမည်တွင်သော ဘုရားသို့ ထွက်လာခဲ့၏။ ၀ပ်ခုပ်ဘုန်းကြီး ကျောင်းသည် ချောင်းကမ်းပါးဘေးတွင် ရှိလေ၏။ ထိုချောင်းကမ်းဘေးနားတွင် ထိုင်ခုံကလေးများလည်း ချထားလေ၏။ လှမ်းကြည့်လိုက်သောအခါတွင် ချောင်းလေးထဲတွင် ဗေဒင်ပန်းများသည် ဦးတည်ရာမဲ့ မျောပါနေလေ၏။ ကျွန်ုပ်၏ စိတ်အစဉ်သည်လည်း ဥိးတည်ရာမဲ့ မျှောပါနေသော ဗေဒါပန်းများကဲ့သို့ ဟိုမှဒီမှ လွင့်မျောနေလေတော့၏။

ကျွန်ုပ်သည် ချောင်းကမ်းလေးဘေးနားတွင် ထိုင်နေရင်းနှင့် ပါးစပ်ထဲတွင် ခံတွင်းချဉ်လာသောကြောင့် အသင့်ပါလာသော KRONG THIP ဆေးလိပ်ဗူးထဲမှ ဆေးလိပ်တစ်လိပ်ကို ထုပ်ယူ၍ အားရပါးရ မီးညှိရှိုက်ဖွာ လိုက်၏။ ထို့နောက် ပါးစပ်ထဲမှ ထွက်လာသော မီးခိုးများကို ကောင်းကင်ပေါ်သို့ မှုတ်ထုပ်လိုက်ရင်း ကောင်းကင်ကို အမှတ်မထင် မော့ကြည့်လိုက်မိလေ၏။ ကမ်းနဘေး ဓာတ်တိုင်ပေါ်တွင် ငှက်ကလေးနှစ်ကောင်သည် တစ်ကောင်နှင့် တစ်ကောင် ကြည်စယ်နေကြလေ၏။ ကမ်းနဘေး ပန်းပင်လေးများပေါ်တွင်လည်း လိပ်ပြာလေးများသည် ဟိုမှဒီမှ ပြန်ဝဲနေလေ၏။ လောကကြီးသည် ပကတိ တိပ်ဆိတ်နေ၏။

ကျွန်ုပ်သည် ဆေးလိပ်များကို တစ်လိပ်ပြီးတစ်လိပ် မီးညှိရိုက်ဖွာနေမိ၏။ ထိုအချိန်တွင် ကျွန်ုပ်၏ နောက်ကွယ်မှ ဆရာ တစ်ယောက်တည်းလားဟူသော အသံကို ကြားသဖြင့် လှည့်ကြည့်လိုက်ရာ ကျွန်ုပ်ထံတွင် ဗေဒင်မေးဘူးသော မှဲ့ကြီးနှင့် အမျိုးသမီးကို တွေ့လိုက်ရလေ၏။ သူမ၏ အမည်ရင်းမှာ မ၀ါဝါဟူ၍ ဖြစ်လေ၏။ သို့သော် သူမ၏ ညာဘက်အောက်မျက်ခမ်းတွင် လက်သဲခွံခန့် မှဲ့နက်ကြီးတစ်လုံး ထင်းထင်းကြီး ရှိနေသောကြောင့် ကျွန်ုပ်သည် ထိုမှဲ့နက်ကြီးကို မှတ်ထားခြင်းဖြစ်လေ၏။

ဆရာ ကမ်းနဖူးမှာ တစ်ယောက်တည်း ဘာတွေလာဆွေးနေတာလဲ။ ဧကန္တ မြန်မာပြည်မှာ ကျန်ခဲ့တဲ့ မိန်းမနဲ့ ကလေးကို လွမ်းနေတာမဟုတ်လားဟု မေးရင်း ကျွန်ုပ်နှင့် မလှမ်းမကမ်းတွင် ထိုင်လေတော့၏။ ထိုအခါ ကျွန်ုပ်က မ၀ါရယ် ခင်ဗျား ထိုင်ချင်ရင် ဟိုးခပ်ဝေးဝေးမှာ သွားထိုင်ပါ။ တော်ကြာ ခင်ဗျားနဲ့ ပါတ်သက်တဲ့ တစ်ယောက်ယောက်က မြင်သွားရင် အထင်လွဲနေပါ့ဦးမယ်ဟု ကျွန်ုပ်က ပြန်ပြောလိုက်လေရာ မ၀ါက ဆရာရယ် အခု ပါတ်သက်တဲ့လူလည်း မရှိတော့ပါဘူး။ ဟိုတလောကမှ သူ အိမ်ပေါ်က ဆင်းသွားတာလေ။ ကျွန်မလည်း ယောက်ျားတွေကို စိတ်နာလို့ ပြန်မရှာတော့ဘူး။ အခုလောလောဆယ်တော့ ကျွန်မ တစ်ယာက်တည်းပဲ နေတယ်။ အဲဒီတော့ ကျွန်မကလည်း တစ်ယောက်တည်းသမား ဆရာကလည်း တစ်ယောက်တည်းသမားဆိုတော့ နှစ်ယောက်ပေါင်း ဘ၀တစ်ခု တည်ဆောက်လိုက်ရရင် မကောင်းဘူးလား ဟု ပြန်၍ နောက်လေတော့၏။ ထိုအခါ ကျွန်ုပ်က...

မ၀ါရယ် ခင်ဗျားမလည်း ယောက်ျားတွေကို စိတ်နာတယ် စိတ်နာတယ်နဲ့ အခု လင်ယူတာ ဘယ်နှစ်ယောက် တောင်၇ှိပြီလဲဟု မေးလိုက်လေရာ မ၀ါက အာ...ဆရာကလည်း အခုမှ လေးယောက်ပဲ ရှိပါသေးတယ်ဟု ပြန်ပြောလေ၏။ ကျွန်ုသည် ယောက်ျားတစ်ယောက်ပြီး တစ်ယောက် အပစ်ခံရသော ထိုမိန်းကလေးအား အပစ်မမြင်ရက်ပေ။ မကောင်းသော မိန်းကလေးဟုလည်း မထင်ရက်ပေ။ ဘ၀ကို ပေါ့ပေါ့တန်တန် ထားသော ပေါ့ပျက်ပျက် မိန်းကလေးတစ်ဦးဟုလည်း မသတ်မှတ်ပေ။ အဘယ်ကြောင့်ဆိုသော ထိုမ၀ါဆိုသော မိန်းကလေးသည် ဘာသာတရားအင်မတန် ကိုင်းရိုင်းပြီး မိဘဆရာသမား လူကြီးသူမများကို အလွန်းရိုသေ တတ်သူဖြစ်ကြောင်းကို ကျွန်ုပ် ကောင်းစွာ သိထားသောကြောင့်ပင် ဖြစ်၏။

သူမသည် မကြာခဏဆိုသလို ကျွန်ုပ်ထံတွင် အဓိဋ္ဌာန်များကို လာလာတောင်းဘူး၏။ ကျွန်ုပ်ကလည်း အဓိဋ္ဌာန်များကို မကြာခနဆိုသလို လမ်းညွန်ဘူး၏။ သူမသည် အင်မတန် ခက်ခက်ခဲခဲ ၀င်ရသော (၄၉) ရက် အဓိဋ္ဌာန်များကိုပင် အလုပ်တစ်ဖက်နှင့် မပျက်အောင် ကြိုးစားဝင်သူဖြစ်လေ၏။ တရားပွဲတိုင်းတွင်လည်း သဒ္ဓါတရား ရက်ရက်ရောရောဖြင့် အလှူဒါနကို ပြုသူဖြစ်၏။ သာရေးနာရေး များတွင်လည်း တစ်ညလုံး အိပ်ရေးပျက်ခံ၍ ကူညီလုပ်ကိုင်ပေးတတ်သူလည်း ဖြစ်လေ၏။ ထိုမျှလောက် သဘောမနောကောင်းသော မ၀ါဆိုသော အမျိုးသမီးတွင် အပြစ်ပြောစရာဟူ၍ ညာဘက်မျက်လုံးအောက်ရှိ မှဲ့နက်ကြီးတစ်လုံးနှင့် ယူသမျှ ယောက်ျားများက ပစ်သွား၍ တစ်ခုလပ်မက လေးခုလပ် ဖြစ်နေသော အချက်သာ ရှိလေ၏။

ထို့နောက် မ၀ါက ဒီမှာဆရာရဲ့။ ကျွန်မကလည်း ယောက်ျားတွေ တစ်ယောက်ပြီးတစ်ယောက် ယူချင်လို့ ယူနေတယ် ထင်လို့လား။ နောက်ပြီး ကျွန်မကလည်း လင်တစ်ယောက်ပြီးတစ်ယောက် ကွချင်လို့ ကွဲနေတယ် ထင်လို့လားဆရာ။ အမှန်အတိုင်း ပြောရရင် ကျွန်မလည်း သူများမိသားစုတွေလို စည်းစည်းလုံးလုံး အေးအေးချမ်းချမ်း နေချင်တာပေါ့။ ဒါပေမယ့်ဆရာရယ် ။ကျွန်မကံကိုက လင်ပစ်မယ့် ကံဇာတာပါလာသလား မှ မသိတာ။ နောက်ပြီး ကျွန်မစိတ်ထင် ကျွန်မရဲ့ မျက်ရည်ခံမှဲ့ကြောင့် ဖြစ်တယ်ထင်တယ်ဟု ပြောလေ၏။

ကျွန်ုပ်လည်း ဆေးလိပ်တစ်လိပ်ကို ထုပ်ယူမီးညှိ့ ရှိုက်ဖွာလို်က်ရင်း ဒီလို မ၀ါရဲ့။ မိန်းကလေးတွေမှာ ထင်ရှားတဲ့ မှဲ့(၇)မျိုးရှိတယ်လို့ မှဲ့နဲ့ပါတ်သက်တဲ့ ကျမ်းတွေမှာဆိုတယ်။ အဓိက မှဲ့တွေပေါ့ဟာ။ အဲဒီ မှဲ့ (၇)မျိုးက ဘာတွေလည်းဆိုတော့ ....

• ရတနာဆံကျစ်လို့ ခေါ်တဲ့မှဲ့ရယ်။
• ရတနာဆီမီးထွန်းဆိုတဲ့ မှဲ့ရယ်။
• မျက်ရည်ခံမှဲ့ရယ် (ဘယ်ဘက်)
• မျက်ရည်ခံမှဲ့ (ညာရယ်)
• နှုတ်တဆိတ်ဆိုတဲ့ မှဲ့ရယ်။
• ရွှေပိတုန်းစုပ်ဆိုတဲ့ မှဲ့ရယ်။
• စံပယ်တင်(ညာဘက်) မှဲ့ရယ်ဆိုပြီး အမျိုးသမီးတွေအတွက် အထင်ကရ မှဲ့ (၇)မျိုးရှိတယ်။

အဲဒီမှာ ရင်ဘတ်အလယ်မှာ ထင်ထင်ရှားရှား မှဲ့တစ်လုံးတည်း ထင်းထင်းကြီး ရှိနေတယ်ဆိုရင် အဲဒီမှဲ့ကို ၇တနာရွှေအိုးလို့ ခေါ်တယ်။ အဲဒီမှဲ့ ရှိတဲ့ အမျိုးသမီးတွေဟာ များသောအားဖြင့် ကြွယ်ဝချမ်းသာလေ့ ရှိတယ်။ နာမည်ဂုဏ်သတင်း ကျော်ကြားတတ်တယ်။ နောက်ပြီး သူတို့တွေဟာ အလုပ်ဌာနတွေမှာ အကြီးအကဲ ခေါင်းဆောာင်ဖြစ်လေ့ရှိတယ်။ သူတို့တွေဟာ ဆင်းရဲရင်လဲ ခနပဲ။ ဆင်းရဲတွင်းတဲ ကျနေရင်လည်း ခနပဲ။ မုချ ကြီးပွားချမ်းသာမယ့်သူတွေ ဖြစ်တယ်။ အဲဒီလို ၇တနာရွှေအိုး မှဲ့ပါနေတဲ့ အမျိုးသမီးတွေဟာ ကျော်နီ ၊ ပတ္တမြား၊ စိန် ၊ နှစ်သက်ရာ တစ်ခုခုကို လက်သူကြွယ်မှာ ၀တ်ဆင်ထားရင် ထူးထူးခြားခြား ကံမြင့်မားမယ်။

နောက်တစ်ခုက နဖူးရဲ့ ဘယ်ဘက်မှာ ထင်ထင်ရှားရှား မှဲ့တစ်လုံးတည်း ထင်းထင်းကြီး ရှိနေတယ်ဆိုရင် အဲဒီမှဲ့ကိုကျတော့ ရတနာဆီမီးထွန်းလို့ခေါ်တယ်။ အဲဒီလို မှဲ့ရှိတဲ့ အမျိုးသမီးတွေကြတော့ ပစ္စည်းဥစ္စာ ကြွယ်ဝ ချမ်းသာကြတယ်။ အိမ်ထောင်ဘက်ကောင်းနဲ့ ဆုံတွေ့နိုင်ကြတယ်။ နောက်ပြီး သားကောင်း သမီးကောင်တွေ ထွန်းကားကြတယ်။ ပြောရရင်တော့ မိဘထက်မြတ်တဲ့ သားသမီးတွေ နောက် ထင်ပေါ်ကျော်ကြားတဲ့ သားသမီးရတနာတွေကို ဖွားမြင်နိုင်ကြတယ်။ ဘာသာရေးဆိုရင်လည်း အရမ်း စိတ်ဝင်စားလေ့ရှိတယ်။ တစိုက်မတ်မတ် လုပ်လေ့ရှိတယ်။ ဒီဘ၀တွင် ဘာသာတရားလိုက်စားမယ်ဆိုရင် တရားထူးတရားမြတ် တောင်ရနိုင်တယ်လို့ ဆိုတယ်။

နောက်တစ်မျိုးက ဘယ်ဘက်မျက်ခန်းနဲ့ အထက်နှုတ်ခမ်းကြား ထင်ထင်ရှားရှား မှဲ့တစ်လုံးတည်း ထင်းထင်းကြီး ရှိနေတယ်ဆိုရင် အဲဒီမှဲ့ကို မျက်ရည်ခံမှဲ့လို့ ခေါ်တယ်။ ဘယ်လောက်ပဲ ငွေကြေးတွေ စီးစိမ်ဥစ္စာတွေ ပြည့်စုံနေပေမယ့် စိတ်ဆင်းရဲရတတ်တယ်။ သောကများမယ်။ ငယ်စဉ်ကလေးဘ၀ ကတည်းက ကြမန်းတမ်းတဲ့ ဘ၀ခရီးကို အကွေ့အကောက်များစွာနဲ့ ဖြတ်သန်းရတတ်တယ်။ နောက်ပြီး အိမ်ထောင်ဆက်လဲ များတတ်တယ်။ သူတို့တွေဟာ အနက်ရောင်ဆိုရင် လုံးဝမ၀တ်သင့်ဘူး။ ရှောင်သင့်တယ်။ ကျောက်စိမ်းကိုလည်း မ၀တ်သင့်ဘူး။ စိန်၊ ဥဿဖယား ၊ ပုလဲစတဲ့ ရတနာတစ်ခုခုကို ကိုယ်နဲ့မကွာ ၀တ်ထားသင့်တယ်။

နောက်မှဲ့တစ်မျိုးကိုကြတော့ ညာဘက်အောက်မျက်ခမ်းနဲ့ အထက်နှုတ်ခမ်းကြားမှာ ထင်ထင်ရှားရှား မှဲ့တစ်လုံးတည်း ထင်းထင်းကြီး ရှိနေတယ်ဆိုရင် မျက်ရည်ခံကြီး လို့ ခေါ်တယ်။ သူတို့ရဲ့ ဘ၀တစ်လျှောက် ဆုံးရှုံးမှု့ကြီး များစွာနဲ့ ကြုံတွေ့ရတတ်ပြီး အသက်ကြီးတဲ့အချိန်မှာ ဆင်းရဲဒုက္ခရောက်ရတတ်တယ်။ မမျှော်လင့်ပဲ ခင်ပွန်းသည် သေဆုံးတတ်ပြီး ငယ်ငယ်ရွယ်ရွယ်နဲ့ မုဆိုးမဖြစ်တတ်တယ်။ အဲဒီမျက်ရည်ခံမှဲ့ကြီး ရှိတဲ့ အမျိုးသမီးတွေဟာ ဘာသာတရားကို အထူဒလိုက်စားပြီး ကိုယ်ကျင့်တရား အထူးကောင်းမွန်အောင် နေထိုင်ရမယ်။ ကုသိုလ်ကောင်းမှု့ တရစပ်ပြုလုပ် ဆောင်ရွက်ရမယ်။ အကျင့်သီလကို အကောင်းဆုံး ဖြစ်အောင် နေထိုင်ရမယ်။ မွေးနေ့တိုင်း ပန်းဆီမီး ရေချမ်း ကပ်လှူပူဇော်သင့်တယ်။ စိန်၊ ဥဿဖယား လက်ဝတ်ရတနာတို့ကို ၀တ်ဆင်ဆောင်ထားသင့်တယ်။

နောက်မှဲ့တစ်မျိုးကိုကြတော့ နှုတ်တဆိတ် လို့ ခေါ်တယ်။ ဘယ်ဘက်ပါးပြင် ပါးစပ်နားမှာ ထင်ထင်ရှားရှား မှဲ့တစ်လုံးတည်း ထင်းထင်းကြီး ရှိနေတယ်ဆိုရင် အဲဒီမှဲ့ကို နှုတ်တဆိတ် လို့ခေါ်တယ်။ အဲဒီမှဲ့ ပိုင်ရှင်တွေဟာ စကားပြောအတော် ပြေပြစ်တယ်ကြတယ်။ ချိုသာကြတယ်။ စကားပြောပရိယာယ် ကြွယ်ဝတယ်။ မူယာမာယာ များတတ်ကြတယ်။ အသိသာဆုံးက ယောက်ျားများ၏ ချစ်ခင်မှု့ စွဲလန်းမှု့များ ရလေ့ရှိတယ်။ အဲဒီမှဲ့ ပိုင်းရှင်များဟာ စိန်ရယ် မြရယ် ပြောင်ခေါင်းစိမ်းရတနာတို့ကို ၀တ်ဆင်သင့်တယ်။ အနီရောင်ပန်းပွင့်များကို မကြာခဏဆိုသလို ဘုရားကို ကပ်လှူပေးရင် ကံဇာတာပိုပြီး မြင့်မားစေတယ်။

နောက်မှဲ့တစ်မျိုးက ရွှေပိတုန်းစုပ် လို့ ခေါ်တယ်။ ညာဘက်ပါးပြင် ပါးစပ်နားတွင် ထင်ထင်ရှားရှား မှဲ့တစ်လုံးတည်း ထင်းထင်းကြီး ရှိနေတဲ့ မှဲ့ပေါ့။ ချစ်ခင်နှစ်သက်သူများ ၀န်းရံနေတယ်။ မာယာပရိယာယ် ကြွယ်ဝပြီးတော့ လူချစ်လူခင် အားကြီးများတယ်။ စန်းပွင့်တယ်။ အိမ်ထောင်ဘက် အမျိုးသား၏ အကျိုးကျေးဇူးကို ခံစားရတယ်။ အဖြူရောင် အစိမ်းရောင် ရတနာမှန်သမျှ ၀တ်ဆင်သင့်တယ်။ ပုလဲတစ်မျိုးကို တော့ လုံးဝ ရှောင်ထားသင့်တယ်။

နောက်ဆုံးတစ်မျိုးကတော့ စံပယ်တင်မှဲ့လို့ ခေါ်တယ်။ ဘယ်ဘက် ပါးပြင်မို့မို့မှာ ထင်ထင်ရှားရှား မှဲ့တစ်လုံးတည်း ထင်းထင်းကြီး ရှိနေတဲ့ မှဲ့ကို ခေါ်တယ်။ သူတို့တွေဟာ နာမည်ကျော်ကြားထင်ရှားမယ်။ လူတစ်ဦးကို အလွယ်တကူ နှစ်သက်တတ်တယ်။ ကိုယ့်အပေါ်ကို အိမ်ထောင်ဘက်က ချစ်ခင်အောင် စွဲလန်းအောင် အမျိုးမျိုး ဆောင်ရွက်လေ့ရှိတယ်။ သူတို့တွေရဲ့ အချစ်ရေးတွေမှာတော့ အမြဲတမ်းဆိုသလို နှစ်မျိုးနှစ်ခွ ကြုံရလေ့ရှိတယ်။ သူတို့တွေအတွက် အကောင်းဆုံး အဆောင်ကတော့ ပန်းပွင့်ပုံလည်ဆွဲတန်ဆာ ကို ရွှေနဲ့ လုပ်ပြီး ဆောင်ထားသင့်တယ်။ အဖြူရောင် ကျောက်မျက်ရတနာ မျိုးစုံနဲ့ သင့်မြတ်တယ်။

ကျွန်ုပ်သည် အထက်ပါအတိုင်း မ၀ါအား အမျိုးသမီးများတွင် ထင်ရှားသော မှဲ့(၇)မျိုး အကြောင်းကို ပြောပြလိုက်ပြီးလျှင် ဆေးလိပ်တစ်လ်ိပ်ကို မီးညှိရှိုက်ဖွာလိုက်၏။ ထို့နောက် မီးခိုးများကို ကောင်းကင်သို့ မှုတ်ထုတ်လိုက်၏။ ထိုအခါ မ၀ါက ဒါဆိုရင် ကျွန်မယောက်ျားတွေက တစ်ယောက်ပြီးတစ်ယောက် ကျွန်မကို ပစ်ထားခဲ့တာ ဒီမျက်ရည်ခံ မှဲ့ကြီးကြောင့် ဖြစ်မယ်ဟု သူမ၏အထင်ကို ပြန်ပြောပြလေ၏။ ထိုအခါ ကျွန်ုပ်က ဒါဆိုရင် မ၀ါရယ် အဲဒီမှဲ့ကြီးကို ကိုးရီးဟားနည်းပညာနဲ့ သွားပြီး ရှင်းပစ်လိုက်ပါလားဟု ကျွန်ုပ်က ပြောလိုက်လေရာ မ၀ါက...

မလုပ်ပါနဲ့ ဆရာရယ်။ သဘာဝဟာသဘာဝပဲ ကောင်းပါတယ်။ သဘာဝကို ပြန်လည်ပြင်ဆင်တာ မကောင်းဘူးထင်ပါတယ်။ အဲဒီတော့ဆရာရယ် အခုလည်း ကျွန်မနဲ့ ဆရာလည်း သဘာဝအတိုင်း လူလွတ်ချင်း တစ်အိုးတစ်အိမ် ထူထောင်လိုက်ရင် မကောင်းပေဘူးလားဟု ပြန်နောက်လေတော့၏။ ထိုအခါ ကျွန်ုပ်က သဘာဝတရားကြီးကို ဒီအတိုင်းထားတာ ကောင်းပေမယ့် နင်နဲ့ငါနဲ့ တစ်အိုးတစ်အိမ် ထူထောင်တာတော့ မပါဘူးဟာ။ အဲဒီတော့ သဘာဝအတိုင်း အချိန်တန်အိမ်ပြန်ကြစို့ဟု နှုတ်ဆက်ရင်း မဟာချိုင်နေ၀စ်ရှိ ၀ပ်ခုပ်ဘုရားမှ လမ်းခွဲ၍ ပြန်လာလေတော့သတည်း။

Read More