Member ၀င်ဖို့ ဖိတ်ခေါ်ပါတယ်ဗျာ...!!!

Wednesday, January 9, 2013

နှစ်သစ် ၂၀၁၃မှာ ကျန်းမာဖို့


နှစ်သစ်တစ်နှစ်သို့ အကူး အပြောင်းကာလ ဟူသည် အဟောင်းတွေ ထားခဲ့ပြီး ပိုကောင်းတာ တွေဆီ လျှောက်လှမ်း ရမည့် ကာလ ဖြစ်သည်။ လူမှုရေး၊ စီးပွားရေး၊ ကျန်းမာရေး စသည်ဖြင့် ကဏ္ဍစုံတွင် ရည်မှန်းချက် သစ်များ ချမှတ်ရမည့် ကာလလည်း ဖြစ်သည်။

နေပျော်သော ဘ၀ တစ်ခုတည် ဆောက်ရေးတွင် ကျန်းမာရေး သည်လည်း အဓိက အရေးပါသော ကဏ္ဍမှ ပါဝင်လျက်ရှိရာ ၂၀၁၃ တွင် ကျန်းမာရေးကို မည်သို့ဂရုစိုက် ကြမည်နည်း။


၁။ မျက်စိ ကျန်းမာရေး စစ်ဆေးပါ

မျက်စိကို ပုံမှန်စစ်ဆေးခြင်းသည် မိမိ၏ အမြင် အာရုံကို ထိခိုက်ပျက်ယွင်းစေမည့် ငုပ်နေသော အန္တရာယ် ရောဂါများကို စောစီးစွာ ကြိုဖော်ထုတ်နိုင်မည့် အထိ ရောက်ဆုံးနည်းလမ်း ဖြစ်ကြောင်း ဗြိတိန်နိုင်ငံ မျက်စိ အလင်းမရသူများဆိုင်ရာ တော်ဝင်သိပ္ပံအသင်းကြီးမှ ဆီရာ စမစ်က ပြောသည်။ ဥပမာအားဖြင့် ဗြိတိန်နိုင်ငံ တစ်နိုင်ငံတည်းမှာပင် ဆီးချိုရောဂါရှိသူ ၁ ဒသမ ၉ သန်းခန့်သည် ဆီးချိုကြောင့် မျက်စိကွယ် နိုင်သည့် အန္တရာယ်ရှိနေသည့်တိုင် မျက်စိစမ်းသပ်မှု ပုံမှန်မပြု ကြသလို၊ ပုံမှန်ပြုရမည်ကိုပင် မသိရှိကြကြောင်း လည်း သိရသည်။ သို့ဖြစ်သောကြောင့် နှစ်နှစ်လျှင် တစ်ကြိမ်ခန့် မိမိ မျက်လုံးကို စမ်းသပ် စစ်ဆေးသင့်သည်။

၂။ ကိုလက်စထရော ပါဝင်နှုန်းကိုလည်း စစ်ဆေးပါ

နှလုံးရောဂါသည် အနောက်တိုင်းတွင် လူသေဆုံးမှု အများဆုံးဖြစ်စေသော အဓိက ရောဂါကြီးတစ်မျိုး ဖြစ်သည်။ ဗြိတိန်နိုင်ငံတွင် အမျိုးသား လေးဦးတွင် တစ်ဦး၊ အမျိုးသမီး ခြောက်ဦးတွင် တစ်ဦးသည် နှလုံး ရောဂါဖြင့် သေဆုံးလျက်ရှိသည်။ သွေးတွင်း ကိုလက် စထရော များပြားခြင်းသည် နှလုံးရောဂါဖြစ်စေသည့် အဓိက လက်သည်ဖြစ်သည်။ သို့ဖြစ်သောကြောင့် အသက် ၄၀ အထက်လူတိုင်း မိမိတို့၏ ကိုလက်စ ထရော ပမာဏကို စစ်ဆေးသင့်သလို၊ များနေပါက လည်း လျှော့ချနိုင်အောင် ကြိုးပမ်းသင့်ကြောင်း ဗြိတိန် နှလုံး ဖောင်ဒေးရှင်းကြီးမှ ပါမောက္ခ ပီတာ ၀ိုင်းဇ်ဘာ့က ပြောသည်။

၃။ ထိုင်ပုံကို ဂရုစိုက်ပါ

ကျောအောင့်ခြင်း၊ ခါးနာခြင်းသည် လူအများ အပြား ကြုံကြရသည့် ကျန်းမာရေး ပြဿနာတစ်ခု ဖြစ်သည်။ စနစ်တကျ ထိုင်တတ်အောင် ဂရုစိုက်ခြင်းဖြင့် ထိုပြဿနာကို အထိရောက် ဆုံး ဖြေရှင်းနိုင်သည်။ ထိုင်ခုံမှာ ခပ်မတ်မတ် ထိုင်ဖြစ်အောင် အကျင့် လုပ်ထား ပါ။ ၀န်နှင့်အား မမျှသော အလေးအပင်များကို မ မမိအောင်လည်း ဂရုစိုက်ပါ။

၎။ အဆီများသော ငါးများကို တစ်ပတ် နှစ်ကြိမ်ခန့် စားပါ

အဆီများသော ငါးများတွင် ပါဝင်သော အိုမီဂါ သရီး အက်ဆစ်ဓာတ်သည် လူ၏ အာရုံကြောမကို အား ဖြည့်ပေးသော အဓိက ဓာတ်တစ်မျိုးဖြစ်သည်။ အာရုံ ကြောမ အားကောင်းခြင်းသည် နှလုံးရောဂါမှအစ အယ်လ်ဇိုင်းမား ရောဂါများအထိ ကာကွယ် ပေးနိုင်စွမ်း ရှိသည်။ ဗြိတိန်နိုင်ငံ အစားအသောက်များ အဆင့် အတန်း သတ်မှတ်ရေး အေဂျင်စီက ကျန်းမာလိုသူများ အနေဖြင့် တစ်ပတ်လျှင် အနည်းဆုံး နှစ်ကြိမ်ခန့် ငါး စားသုံးသင့် ကြောင်း အကြံပြုထားသည်။ အဆီဓာတ်များသော ငါးများကို စားသုံးခြင်းသည် ပိုမိုကောင်းမွန် ကြောင်း လည်းသိရသည်။

၅။ ၀ိတ်ချပါ

နှစ်သစ်ကူး သန်္နိဋ္ဌာန်များထဲတွင် လူတော်တော် များများ ချမှတ်တတ်ကြသည့် သန်္နိဋ္ဌာန် တစ်ခုဖြစ်သည်။ ၀ိတ်ချမယ်ဆိုတာ ပြောရလွယ်သလောက် လုပ်ရကျ တော့ တော်တော်ခက်ကြောင်းနှင့် ကိုယ်ပြောထား စီစဉ် ထားသည့်အတိုင်း ၀ိတ်ကျအောင် တစ်နှစ်လုံးတောက် လျှောက် စောင့်ထိန်းရသည်ကလည်း လူတော် တော် များများအတွက် မလွယ်သောအလုပ်ကြီး တစ်ခုဖြစ် ကြောင်း တွေ့ရသည်။ ချက်ချင်းကြီး ၀ိတ်ကျစေ ရမည် ဟု မှန်းထားတာမျိုး မလုပ်မိဖို့ လိုသည်။ ထိုသို့ မှန်းထားပါက ၀ိတ်မကျဘဲ စိတ်ကျသွားနိုင်သည်။

၆။ ဆေးလိပ်ဖြတ်ပါ

ဖြတ်မယ်လုပ်လိုက် ပြန်သောက်လိုက်၊ ဖြတ်မယ် လုပ်လိုက် ပြန်သောက်လိုက်နဲ့ ဆေးလိပ်က ပြတ်သည် ရယ်ကို မရှိသဖြင့် နှစ်သစ်အတွက် သန်္နိဋ္ဌာန်ချသည့် အထဲတွင် ဆေးလိပ် ဖြတ်မယ် ဆိုသော သန်္နိဋ္ဌာန် ကိုတော့ မထည့်တော့ပါဘူးဟု စဉ်းစား နေသူများ ရှိပါသလား။ ဆေးလိပ် တကယ် ပြတ်သွား သူများကို မေးကြည့်ပါ။ မည်သူမျှ တစ်ခေါက်တည်းနှင့် မပြတ်ခဲ့ပါ။ အကြိမ်ကြိမ် ကြိုးစားဖြတ်ပြီးမှ အောင်အောင်မြင်မြင် ဖြတ်နိုင်ခဲ့ ကြောင်းကို သိရလိမ့်မည်။ ထို့ကြောင့် စာဖတ်သူ အနေနှင့်လည်း ယခုနှစ်အတွက် ဆေးလိပ်ဖြတ်မယ် ဆိုသော သန်္နိဋ္ဌာန်ကို ချဦးမည်ဆိုပါက ရဲရဲသာချပါဟု တိုက်တွန်း လိုက်ပါရစေ။ တစ်ကယ်ပြတ် အောင်လည်း ကြိုးစား ဖြတ်ကြပါဟု တိုက်တွန်း လိုပါသည်။

၇။ အိပ်ရေး၀၀ အိပ်ပါ

အိပ်ရေး၀၀ အိပ်ခွင့်ရခြင်းသည် အ၀လွန်ခြင်းကို ကာကွယ် ပေးနိုင်သလို၊ ဆီးချို သွေးတိုး ရောဂါ များကိုလည်း ကာကွယ်ပေး နိုင်ကြောင်း တွေ့ရသည်။ ထို့ကြောင့် အိပ်ရေး၀၀ အိပ်ခြင်းဖြင့် နှစ်သစ် တွင် ကျန်းမာရေးနှင့် ညီညွတ်သော ဘ၀ပုံစံတစ်ခုကို ပျိုးထောင် နိုင်မည် ဖြစ်သည်။

Ref : မြ၀တီ

0 comments:

Post a Comment

သူငယ်ချင်း... ဒီပို့စ်လေးနဲ့ပတ်သက်ပြီးတော့ သူငယ်ချင်းရဲ့ အမြင်လေးကို ဖော်ပြပေးပါဦး။သူငယ်ချင်းရဲ့ comment တစ်ခုဟာ ကျွန်တော့်အတွက် အားဆေးတစ်ခွက်ပါ။ဒါကြောင့် အမှတ်တရ စကားလေးတွေ ပြောပြီး အကြံဥာဏ် လေးတွေ ပေးခဲ့ပါဦးဗျာ။

သူငယ်ချင်း... မှတ်ချက်ပေးလိုပါက အကွက်ထဲ ရေးချင်တာ ရေးပြီး အရင်ဆုံး
WORD VERIFICATION မှ ကုဒ်နံပတ်များကို မှန်ကန်စွာ ရိုက်ထည့်ပါ။

Google အကွက်လေးကို နှိပ်ပါ။ Name/URL ရွေးနှိပ်ပါ။ ပြီးရင် Name မိမိနာမည်
URL နေရာလေးတွင် မိမိရဲ့ဆိုက်လိပ်စာ ဒါမှမဟုတ် (အီးမေး)ရေးပြီး Publish Your
Comment နေရာလေးကို နှိပ်ပါ။

စာဖတ်သူများ ရေးသားလာသော မှတ်ချက်များကို စီစစ်၍သာ လက်ခံ ဖော်ပြပေး
နေပါ၍ စာဖတ်သူများ ပေးလာသော မှတ်ချက် များကို ချက်ချင်းမြင်ရမည်
မဟုတ်ပါ။

ထို့ကြောင့် အတည်ပြုပြီးကြောင်းကိုတော့ နောက်ထပ်တစ်ကြိမ် ပြန်လည်လာရောက်ကြည့်ရှုဖို့တော့ ဖိတ်ခေါ်လိုက်ပါတယ်နော်။

လာရောက်ဖတ်ရှုတဲ့ သူငယ်ချင်းတို့ကို ခင်မင်လေးစားလျက်.......
ရွှေမန်းသားလေးဝေယံ (နည်းပညာ)

Related Posts Plugin for WordPress, Blogger...

My Account