CDMA 800 MHz အတွက် ပထမဆုံး 8 Megapixel ကင်မရာဖုန်း ဝင်ရောက်လာ

CDMA 800 MHz စနစ် အသုံးပြုသူများအတွက် CPU စနစ်နှင့် ကင်မရာစနစ် မြင့်မားကောင်းမွန်သော ဖုန်းအမျိုးအစားသစ်တစ်ခု ဈေးကွက် ဝင်ရောက်လာခဲ့ကြောင်း  သိရသည်။ အဆိုပါဖုန်းမှာ Motorola Driod X ME811 ဖြစ်ပြီး ပြည်တွင်းသို့ ဝင်ရောက်လာခဲ့သော CDMA 800 MHz စနစ် အသုံးပြု ဟန်းဆက်များထဲတွင် ကင်မရာစနစ် အမြင့်မားဆုံးနှင့် CPU စနစ် မြင့်မားသော ဖုန်းတစ်လုံးဖြစ်ကြောင်း သိရသည်။

ပြည်တွင်းသို့ ဝင်ရောက်လာခဲ့သော CDMA  800 MHz ဟန်းဆက်များထဲတွင် 8 Mega Pixel ကင်မရာဖြင့် စတင် ဝင်ရောက်လာခဲ့သော ဖုန်းအမျိုးအစား ဖြစ်ပြီး ကင်မရာစနစ်များ အနေဖြင့်လည်း ပြည့်စုံသော ဖုန်းအမျိုးအစားဖြစ်ကြောင်း သိရသည်။ Auto-focus, dual-LED flash, Geo-tagging, face detection, image stabilization အစရှိသော ကင်မရာစနစ်များ ပါဝင်သောကြောင့် CDMA 800 MHz ဖုန်းများထဲတွင် ကင်မရာစနစ် အပြည့်စုံဆုံး ဖုန်းတစ်လုံး ဖြစ်သည်။

အဆိုပါဖုန်းတွင် CPU အနေဖြင့်လည်း 1.2GHz Cortex A8 ကို သုံးပြုပေးထားပြီး TI OMAP3630-1200 Chipset, Power VR SGX530 GUP တွေကို အသုံးပြုပေးထားသောကြောင့် CPU စနစ်ရော၊ ဂရပ်ဖစ် GPU စနစ်ပိုင်းများတွင်ပါ ကောင်းမွန်သောဖုန်း ဖြစ်သည်။ ဖုန်းတွင်းမှတ်ဉာဏ် စနစ်ပိုင်းအတွက်လည်း မြင့်မားကောင်းမွန်သော ဖုန်းဖြစ်သည်။ Internal Memory 512MB RAM, 1GB ROM စနစ်များ ပါဝင်ပြီး Micro SD Card 32GB ထိ ထပ်တိုးအသုံးပြုနိုင်မည် ဖြစ်ကြောင်း သိရသည်။ Android OS စနစ်အား အသုံးပြုထား ယင်းဖုန်းအား ဝယ်ယူအသုံးပြုလိုပါက My Mobile ဖုန်းဆိုင် ဖုန်း-၀၉ ၄၃၀၂၀၄၃၀ တွင် ဆက်သွယ်စုံစမ်းနိုင်မည် ဖြစ်သည်။

ကိုသက်

Posted in: နည်းပညာ သတင်း