ကိုယ်ပိုင်ဂြိုဟ်တု လွှတ်တင်ရန် အစ္စရေးနှင့် ပူးပေါင်းဆောင်ရွက်မည်

မြန်မာနိုင်ငံပိုင်  ဂြိုဟ်တုတစ်လုံး လွှတ်တင်မည့် စီမံကိန်းကို အစ္စရေး နိုင်ငံနှင့် ပူးပေါင်း ဆောင်ရွက်သွားမည်ဟု မြန်မာ့ဆက်သွယ်ရေး လုပ်ငန်းမှ တာဝန်ရှိသူ အချို့ထံမှ စုံစမ်းသိရှိရသည်။  ထိုစီမံကိန်းအတွက် အစ္စရေး နိုင်ငံက နည်းပညာပိုင်းအရ ပါဝင်ကူညီမည် ဖြစ်ကြောင်း သိရသည်။ အရှေ့အလယ်ပိုင်း နိုင်ငံတစ်ခုဖြစ်သည့် အစ္စရေးနိုင်ငံနှင့် ပြည်တွင်း ဆက်သွယ်ရေးနှင့် နည်းပညာကဏ္ဍကို ပူးပေါင်းဆောင်ရွက်ခြင်းမှာ ပထမဆုံးအကြိမ်ဖြစ်ကြောင်း သိရသည်။

မြန်မာနိုင်ငံပိုင် ဂြိုဟ်တုတစ်လုံးကို လွှတ်တင်ပြီးပါက ဥပမာအားဖြင့် ယခု ပြည်ပနိုင်ငံများထံမှတစ်ဆင့် ဝယ်ယူပြသနေရသည့် နိုင်ငံတကာ ရုပ်သံလိုင်းများကို ကိုယ်ပိုင်စနစ်ဖြင့် ကြည့်ရှုလာနိုင်မည့်အပြင် နိုင်ငံ၏ ဆက်သွယ်ရေးနှင့် နည်းပညာကဏ္ဍကို ပိုမို အထောက်အပံ့ပေးလာနိုင်မည် ဖြစ်ကြောင်း အထက်ပါ တာဝန်ရှိသူများက ပြောသည်။ “တကယ်တမ်း နိုင်ငံပိုင် ဂြိုဟ်တု လွှင့်တင်နိုင်မယ်ဆို ပြည်တွင်းရဲ့ ဆက်သွယ်ရေးကဏ္ဍက သိသိသာသာကို တိုးတက်လာမှာ သေချာပါတယ်။ လက်တွေ့ အကောင်အထည် ဖော်နိုင်ဖို့သာ အရေးကြီးပါတယ်။ ပြည်သူကို အကောင်းဆုံး ဝန်ဆောင်မှု ပေးနိုင်ဖို့ကလည်း အဓိက ကျပါတယ်” ဟု စင်ကာပူ နိုင်ငံရောက် ကွန်ပျူတာပညာရှင် တစ်ဦးက သုံးသပ်ပြောဆိုသည်။

မြန်မာ့ဆက်သွယ်ရေးလုပ်ငန်းက ပြည်ထောင်စုမြန်မာနိုင်ငံပိုင် ဂြိုဟ်တု လွှင့်တင်နိုင်ရန်အတွက် ကန်ဒေါ်လာ သန်းပေါင်းများစွာကို အသုံးပြုရမည်ဖြစ်ပြီး လက်ရှိ အစိုးရလက်ထက်အတွင်း ပြီးစီးအောင် ဆောင်ရွက်သွားမည် ဖြစ်ကြောင်း ယင်းလုပ်ငန်း၏ အကြီးတန်း တာဝန်ရှိသူ တစ်ဦးက ပြီးခဲ့သည့် လအနည်းငယ် အတွင်းက 7 Day News သို့ ပြောကြားခဲ့သည်။

မြန်မာ့ဆက်သွယ်ရေးလုပ်ငန်း အနေဖြင့်  အစ္စရေးနိုင်ငံနှင့် ယခုကဲ့သို့  ဂြိုဟ်တုလွှင့်တင်မည့် စီမံကိန်းအပြင် ဖိုက်ဘာဆက်ကြောင်း အင်တာနက်ဆက်သွယ်မှု စနစ်နှင့် ကျေးလက်ဒေသ တယ်လီဖုန်း ဆက်သွယ်မှု စနစ်များကိုပါ ပူးပေါင်းဆောင်ရွက်သွားမည် ဖြစ်သည်။ အထက်ပါ ကိစ္စရပ်များကို နှစ်နိုင်ငံ ပူးပေါင်းဆောင်ရွက်ရန် အတွက် အစ္စရေးက ပြီးခဲ့သည့် ရက်သတ္တပတ် အတွင်းက မြန်မာအစိုးရနှင့် လာရောက်ဆွေးနွေးခဲ့သည်။

ယုဇနကိုကို

Posted in: နည်းပညာ သတင်း