ဘာကြောင့် တရားနာသလဲ? (ဘာသာရေးဆိုင်ရာ အမေးအဖြေဆောင်းပါး)

စာဖတ်သူတို့ကို ဘာကြောင့်တရားနာသလဲမေးလျှင် တရားရချင်လို့ပေါ့၊ နိဗ္ဗာန်ရောက်ချင်လို့ပေါ့၊ ကုသိုလ်ရချင်လို့ပေါ့ စသည်ဖြင့် ဖြေကြပါလိမ့်မည်။ အမှန်စင်စစ်အားဖြင့် တရားနာသူတစ်ယောက်သည် ဗုဒ္ဓ တရားတော်အတိုင်း ကျင့်ကြံနေထိုင်ခြင်းသည် အကောင်းဆုံးဖြစ်သည်။ ဗုဒ္ဓဘုရားဟောကြားတော်မူခဲ့သည်မှာ စိတ်ကောင်းစိတ်မြတ်ထားရှိဖို့ပင် ဖြစ်သည်။ ထို့ကြောင့် အမရပူရ မဟာဂန္ဓာရုံဆရာတော်ကြီးကလည်း “စိတ်ကောင်းရှိဖို့ ပထမ” ဟုမိန့်ဆိုထားခဲ့ခြင်း ဖြစ်သည်။
                   စိတ်ကောင်းလျှင် လူကောင်းမည်၊စိတ်ညံ့လျှင် လူညံ့ ဖြစ်ပေလိမ့်မည်။ ထို့ကြောင့် အခြေခံ ကျောင်းသားဘ၀ကတည်းက စိတ်ကောင်းထားရှိကြစေရန် “စိတ်ဓါတ်၊စည်းကမ်း၊ပညာ” ဟူသောဆောင်ပုဒ်က ညွှန်ပြနေပါသည်။ ပုထုဇဉ်လောကကြီးတွင် အများနည်းတူ လူတစ်ယောက်သည် အကြောင်းအမျိုးမျိုးကြောင့် စိတ်အခန့်မသင့်တာ၊စိတ်ဆိုးတာများ ရှိပေလိမ့်မည်။ ထိုအချိန်တွင် မိမိစိတ်ကို အတတ်နိုင်ဆုံးထိန်းကာ ရှိရမည်။ မိမိစိတ်တွင်ဖြစ်ပေါ်လာသော အစိုင်အခဲများ၊ အခုခံများကိုထိန်းချုပ်နိုင်ရန် အကောင်းဆုံးနည်းလမ်းမှာ တရားထိုင်ခြင်းပင် ဖြစ်သည်။ ထို့ကြောင့် လူတစ်ယောက်သည် နေ့စဉ်နေ့တိုင်း အနည်းဆုံး(၁၅)မိနစ်လောက် ၀င်လေထွက်လေ ရှုမှတ်သင့်သည်။
                   ထိုအခါ မိမိစိတ်သည် စူးစိုက်မှုအားလောက်လာကာ မိမိပြုလုပ်သော အလုပ်အပေါ်တွင် အကျိုးဖြစ်ထွန်းရုံသာမက ပြဿနာများပေါ်ပေါက်လာလျှင်လည်း စိတ်ကိုချုပ်ထိန်းကာ ပြဿနာကိုလွယ်ကူစွာ ဖြေရှင်းနိုင်မည် ဖြစ်သည်။ ထို့အပြင် မြတ်စွာဘုရား ဟောကြားခဲ့သော ဗြဟ္မစိုရ်တရား(၄)ပါးကို ကျင့်ကြံနေထိုင် အားထုတ်လျှင်လည်း ကောင်းကျိုးများစွာရရှိပေလိမ့်မည်။ ထို့ကြောင့် လူသားတိုင်းအပေါ် မေတ္တာထားနိုင်လျှင် အကောင်းဆုံးဖြစ်သည်။ မေတ္တာတရားသည် ကြေးမုံမုန်တစ်ချပ်နှင့်လည်း တူသည်။ မေတ္တာတရားသည် ပေး၍မကုန်နိုင်သော စမ်းရေနှင့်လည်း တူသည်။
          မိမိအပေါ်လူတစ်ယောက်သည် အဆုံးစွန်မကောင်းစေခဲ့ကာမူ မိမိသည် ထိုသူအပေါ် မေတ္တာတရား ပွားများနေသင့်သည်။ ထိုအခါ် မိမိပို့သအပ်သောမေတ္တာတရားကြောင့် အကယ်၍ မိမိအပေါ် မကောင်းကြံလာပါက ထိုသူသည် တန်ပြန်အကျိုးခံစားရလိမ့်မည်။ မေတ္တာထက် အဆင့်မြင့်သော ကရုဏာတရား ထားနိုင်လျှင်လည်း အကောင်းဆုံးဖြစ်မည်။ လူသားတိုင်း ကရုဏာတရားလက်ကိုင်ထားလျှင် ကမ္ဘာပေါ်တွင် စစ်ပွဲများထာဝရ ငြိမ်းချမ်းသွားလိမ့်မည်။ ထို့ကြောင့် သတ္တ၀ါတိုင်းအပေါ် ကရုဏာထားသင့်သည်။ မိမိပစ်လိုက်သော လောက်စာလုံးကြောင့်ငှက်ကလေး သေသွားမလား၊ မိမိရိုက်လိုက်သောတုတ်ချက်ကြောင့် ခွေးလေးတစ်ကောင် ခြေထောက်နာသွားမလား စသည်ဖြင့် မိမိဘာသာ စဉ်စားကြည့်သင့်သည်။
          ဘယ်အရာမဆိုလုပ်ဆောင်မည်ဆိုလျှင် ပထမဦးစွာစဉ်းစားသင့်သည်။ မိမိလုပ်သင့် မလုပ်သင့်။ မိမိကြောင့် တစ်ပါးသူ ဒုက္ခရောက် မရောက်။မိမိကြောင့် လူတစ်ယောက်လောကအလယ်မှာ မျက်နှာငယ် မငယ်
စသည်ဖြင့် မိမိကိုယ်ပိုင်အသိစိတ်ဖြင့် ဆုံးဖြတ်သင့်သည်။ ဥပမာဆိုရလျှင်- သင့်ကို မောင်မောင်က ရန်လာစလျှင် သင်က အပေါင်းအသင်းတွေကိုခေါ်ပြီး မောင်မောင်ကို ကလဲ့စားချေမှာလား? သို့မဟုတ် မောင်မောင့်အပေါ်ကို မေတ္တာထားကာ နေမလား? စာဖတ်သူတို့ကိုယ်တိုင် ဆုံးဖြတ်ကြည့်ကာ ပြန်လည်ဆန်းစစ်ကြည့်ပါ။
                   မိမိသည် ထိုသူအပေါ် မေတ္တာ၊ ကရုဏာ ထားသည့်တိုင်အောင် ထိုသူသည် မိမိအပေါ်တွင် မကောင်းကြံနေသည်ရှိသော် မုဒိတာတရားပွားများနေသင့်သည်။ မုဒိတာပွားနေခြင်းကြောင့် မိမိစိတ်တွင် အေးချမ်းမှု ရှိမည်။ မိမိပတ်ဝန်းကျင်တွင်လည်း အေးချမ်းမှုရှိလာမည်။ ဥပမာဆိုရသော် မိမိစိတ်ထဲတွင် မကျေမနပ် ဖြစ်နေသော လူတစ်ယောက်သည် အကြောင်းတစ်ခုခုကြောင့် အောင်မြင်မှုများရရှိနေပါက ဖြူစင်သောစိတ်ဖြင့် ထိုသူနှင့်အတူ ၀မ်းသာစွာနေလိုက်ပါ။ မနာလိုစိတ်များ မထားရှိပါနှင့်။ ထိုအခါ ထိုသူ၏စိတ်တွင် “ မိမိသည်  သူ့အပ်ါမကောင်းကြံခဲ့တာတောင် ခွင့်လွတ်ပေးနိုင်ပါလား ” ဟုထင်မိလာကာ မေတ္တာတရား၏ တန်ပြန်အကျိုးကို ခံစားရရှိလာလိမ့်မည်။
                   အကယ်၍ မိမိသည် ထိုသူအပေါ် မေတ္တာ၊ ကရုဏာ၊ မုဒိတာတရား ထားသည့်တိုင်အောင် မိမိအပေါ်တွင် ဆက်လက်၍မကောင်းကြံစည်နေပါက အကောင်းဆုံးနည်းလမ်းမှာ ဥပက္ခာပြုထားလိုက်ပါ။ ဥပက္ခာ ပြုရန်ဆိုသည်မှာ သာမန်သူအဖို့လွယ်ကူသောအရာ မဟုတ်ပေ။ ထိုအခါ မိမိသည် ထိုသူနှင့်ပတ်သက်သော အကြောင်းအရာများကို စိတ်မှထုတ်ပစ်လိုက်ခြင်းသည် အကောင်းဆုံးဖြစ်သည်။ ထိုသူနှင့် အကယ်၍ ဆုံတွေ့လာခဲ့လျှင်တောင် မသိသလိုနေလိုက်ခြင်းဟာ အကောင်းဆုံးဖြစ်သည်။ထိုအခါ မိမိစိတ်သည်လည်း အေးချမ်းသွားပါလိမ့်မည်။
                   ထို့ကြောင့် တရားနာခြင်းဟာ ကုသိုလ်ရဖို့သက်သက်လား? သို့မဟုတ် ရှင်တော်ဘုရားဟောကြား ခဲ့သည့်အတိုင်း ကျင့်ကြံနေထိုင်ဖို့က အဓိကလား? ဆိုတာကို စာဖတ်သူတို့ကိုယ်တိုင် ဆန်းစစ်ကြည့်ကြပါ။ လောကဟူသည် နိမ့်တစ်ခါ မြင့်တစ်လှည့်၊ သစ်ငုတ်မြင့်တုံ မြက်မြင့်တုံ ဖြစ်သည်။ အကောင်း အဆိုး၊ အကြောင်း အကျိုး ဒွန်တွဲနေသည်။ မိမိထက်သာစဉ်က မိမိအပေါ်မည်မျှနှိပ်စက်ခဲ့သော်လည်း မိမိအသာစီးရနေသည့်အခါတွင် မူ ပြန်လည်မနှိပ်စက်သင့်ပေ။ ဒုက္ခရောက်နေသူကို ကူညီဖေးမစောင့်ရှောက်ပါ။ မိမိကစေတနာသက်သက် ကူညီသည့်တိုင်အောင် မကောင်းကြံစည်နေလျှင် ထိုသူကို ဥပက္ခာပစ်လိုက်ခြင်းသည်သာ အကောင်းဆုံးဖြစ်သည်။ ထို့ကြောင့် တရားနားခြင်းဟာ တရားပွဲသွားပြီး “ တင်ပါ့ဘုရား၊ မှန်ပါ့ဘုရား ” ဟု အော်နေရုံနဲ့ မပြီးပေ။ ဟောကြားတော်မူသော တရားတော်များကို အာရုံစိုက်နားထောင်ကာ လိုက်နာကျင့်သုံးရန်လည်း လိုအပ်သည်။
                   တရားတော်များနာကြားပြီး သတ္တ၀ါတိုင်းအပေါ် ဗြဟ္မစိုရ်တရားလက်ကိုင်ထားကာ မေတ္တာတရား ပွားများနိုင်ကြသော ပုဂ္ဂိုလ်ထူး၊ ပုဂ္ဂိုလ်မြတ်များ ဖြစ်လာနိုင်ကြပါစေ။

                                                                                                          လင်းယံခ ( မြန်မာစာ)

{ ဒီဆောင်းပါးလေးကတော့ ဆေးတက္ကသိုလ် မန္တလေးတွင် ကျင်းပပြုလုပ်ခဲ့သော နံရံကပ်စာစောင်ပြိုင်ပွဲတွင် ရွေးချယ်ခံရသော ဆောင်းပါး တစ်ပုဒ်ဖြစ်သည်. }

Posted in: ဆောင်းပါးများ