အိုင်စီတီကဏ္ဍ ဖွံ့ဖြိုးရေး ဘလော့ဂါ နေဘုန်းလတ် ခတ်ကွင်းပြင်

မြန်မာနိုင်ငံ၏ ICT ကဏ္ဍ ဖွံ့ဖြိုးတိုးတက်စေရန် ရည်ရွယ်၍ Myanmar ICT Development Organization ကို ယခုနှစ် ဇန်နဝါရီ ၁၃ တွင် စတင်ဖွဲ့စည်းခဲ့ကြောင်း MIDO မှ တာဝန်ရှိသူ ကိုနေဘုန်းလတ်၏ ပြောကြားချက်အရ သိရသည်။

အဆိုပါ MIDO အဖွဲ့အစည်းသည် နည်းပညာ ဖွံ့ဖြိုးတိုးတက်ရေး၊ အသိပညာ ဖွံ့ဖြိုးတိုးတက်ရေး၊ စနစ်ကျပြီး ခေတ်နှင့် လျော်ညီသည့် ICT ဥပဒေနှင့် ပတ်သက်သော အကာအကွယ်များ ဖြစ်ပေါ်လာရေးတို့အတွက် နည်းပညာ ဖွံ့ဖြိုးမှု အားနည်းနေသော ဒေသများတွင် ကွန်ပျူတာ အခြေခံ အသုံးပြုနည်း၊ အင်တာနက် အခြေခံ အသုံးပြုနည်းများအား ပညာဒါနအဖြစ် သင်ကြားပေးခြင်းဖြင့် လှုပ်ရှားမှုများ စတင်နေကြောင်း သိရသည်။ MIDO အဖွဲ့အစည်းမှ ယခုထက်ပို၍ ကျယ်ပြန့်စွာ ရှေ့ဆက်လုပ်ငန်းစဉ်များကို လုပ်ဆောင်သွားရန်အတွက် ICT ကဏ္ဍကို စိတ်ပါဝင်စားသူများ ဝင်ရောက်အကူအညီပေးနိုင်ပြီး ပညာဒါနများ ဆက်လက် သင်ကြားသွားနိုင်ရန်အတွက် ICT ကဏ္ဍနှင့် ပတ်သက်သော လှူဒါန်းမှုများကိုလည်း လက်ခံလျက်ရှိကြောင်း သိရသည်။ ၎င်းအဖွဲ့အစည်း၏ ဝက်ဘ်ဆိုက်အမည်မှာ www.myanmarido.org ဖြစ်သည်။

Posted in: နည်းပညာ သတင်း