နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံး ဝက်ဘ်ဆိုက် လွှင့်တင်

ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံး၏ ဝက်ဘ်ဆိုက်ဖြစ်သော www.myanmarconstitutionaltribunal.org.mm ကို  ဇွန်လ ၂၁ ရက်နေ့တွင် စတင်ထုတ်လွှင့်မည် ဖြစ်ကြောင်း သိရသည်။

ယင်း ဝက်ဘ်ဆိုက်တွင် အဖွင့်စာမျက်နှာ၊ နောက်ခံသမိုင်း၊ သတင်းစုံ၊ အခြေခံ ဥပဒေအကြောင်း သိကောင်းစရာ၊ ဥပဒေနှင့် ဆုံးဖြတ်ချက်များ၊ ညှိနှိုင်းဆွေးနွေး၊ မှတ်ပုံတင် ကဏ္ဍဟူ၍ ပါဝင်ပြီး နောက်ခံ သမိုင်းကဏ္ဍတွင် နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံး၏ နောက်ခံသမိုင်းကြောင်းနှင့် ဖွဲ့စည်း တည်ဆောက်ပုံ အကြောင်း၊ သတင်းစုံ ကဏ္ဍတွင် နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံးနှင့် ပတ်သက်သော သတင်းများ၊ အခြေခံ ဥပဒေအကြောင်း သိကောင်းစရာ ကဏ္ဍတွင် ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံ အခြေခံ ဥပဒေ ( ၂၀၀၈ )၊ ပြည်ထောင်စု ဆိုရှယ်လစ် သမ္မတ မြန်မာနိုင်ငံတော် ဖွဲ့စည်းပုံ အခြေခံ ဥပဒေ ၁၉၇၄ ခုနှစ်နှင့် ပြည်ထောင်စု မြန်မာနိုင်ငံတော် ဖွဲ့စည်းအုပ်ချုပ်ပုံ အခြေခံဥပဒေ ၁၉၄၇ ခုနှစ်တို့ကို လည်းကောင်း၊ ဥပဒေနှင့် ဆုံးဖြတ်ချက်များ ကဏ္ဍတွင် နိုင်ငံတော် ဖွဲ့စည်းပုံ အခြေခံ ဥပဒေ ဆိုင်ရာ ခုံရုံးဥပဒေနှင့် နည်းဥပဒေများ၊ နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံးသို့ တင်သွင်းခဲ့သော ကိစ္စရပ်များအတွက် ခုံရုံး၏ ဆုံးဖြတ်ချက် အပြည့်အစုံတို့ကို လည်းကောင်း ဖော်ပြထားသည်ဟု သိရှိရသည်။

 

ထို့ပြင် နိုင်ငံတော် ဖွဲ့စည်းပုံ အခြေခံဥပဒေနှင့် သက်ဆိုင်သည့် ဆောင်းပါးများ၊ စာတမ်းများနှင့် နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံး၏ ဆောင်ရွက်ချက်များ၊ သတင်းများကို အချိန်နှင့် တစ်ပြေးညီ ထုတ်ပြန် ဖော်ပြသွားမည်ဖြစ်ကြောင်း သိရှိရသည်။ ယင်းဝက်ဘ်ဆိုက်အား ဝင်ရောက်ကြည့်ရှုရာတွင် mm3 font အမျိုးအစားအား မိမိ အသုံးပြုရာ အင်တာနက် ဘရောက်ဇာ၌ ထည့်သွင်းထားရန် လိုအပ်မည်ဖြစ်ပြီး အဆိုပါ ဝက်ဘ်ဆိုက်တွင် ဒေါင်းလုပ်ချ သွင်းယူနိုင်ကြောင်း သိရသည်။

ကိုနေ

Posted in: နည်းပညာ သတင်း